দ্বি’লম্বর বিররণ 21:12 - Chakma Bible

¹² মিলেবোরে তে তার্‌ ঘরত্‌ নেযেব। সে পরেন্দি মিলেবো তার্‌ চুলানি কাবি ফেলেব আর নক্কুন্‌ কাবি ফেলেব,

দ্বি’লম্বর বিররণ 21:12 ပူးပေါင်းရင်းမြစ်များ

লেবীয় 14:8

যিবেরে সুদ্ধো-সাংগ গরা অবঅ তে তার্‌ কাবড়-চুগোরানি ধোয় ফেলেব, কিয়্যেগানর্‌ আর মাদাবোর্‌ বেক্‌ কেশ্‌চানি আর চুলানি কাবিবো আর পানিত্‌ গাদা পুরিবো। সে পরেদি তে সুদ্ধো-সাংগ অবঅ। ইয়েনর্ পরেদি তে ঘরত্‌ চোমে পারিবো মাত্তর্‌ তাত্তুন্‌ সাত দিন সং তার্‌ নিজো ঘরর্‌ বারেন্দি থাহ্‌ পুরিবো।

লেবীয় 14:9

সে সাত দিনোর্‌ শেজ দিন্নোত্‌ তারে তার্‌ কিয়্যের্‌ বেক্‌ চুলানি, অত্তাৎ তার্‌ মাদাবো চুলানি, দাড়ি, চোগো কেশ্‌চানি আর কিয়্যের্‌ কেশ্‌চানি কাবি ফেলা পুরিবো। পরেদি তাত্তুন্‌ তার্‌ কাবড়-চুগোরানি ধোইনে পানিত্‌ গাদা পুরিবো, আর সে পরেদি তে পুরোপুরি গুরিনে সুদ্ধো-সাংগ অবঅ।

গণাণা 6:9

যুনি কনজনে আদিক্কেনগুরি তার্‌ মুজুঙোত্‌ মুরি যায় আর সেক্কে লগেপ্রভুর্‌ নাঙে রাগেয়ে তার্‌ চুলান্‌ ফি-বলা ওই যায় সালে সাত দিনোর্‌ দিন্নোত্‌, অত্তাৎ তার্‌ শুদ্ধো-সাংগ অবার্‌ দিন্নোত্‌ তার্‌ মাঢাবো মুড়েই ফেলা পুরিবো।

১ করিন্হীয় 11:5

যে মিলেবো মাঢাবো ন-ঢাঘিনেই তবনা গরে বা ভাববাদী ইজেবে কধা কয় তে তা মাঢাবোর্ অসর্মান গরে, কিয়া সেক্কে তে মাঢাবো মুড়েইয়্যে মিলে ধোক্ক্যেন ওই যায়।

১ করিন্হীয় 11:6

যুনি কনঅ মিলে মাঢাবো ন-ঢাগে সালে তে তার্ চুলান্অ কাবি ফেলোক্। মাত্তর্ মিলেবোর্ পক্কে চুল কাবি ফেলানা বা মাঢাবো মুড়েই ফেলানা লাজেবার্ কধা বিলিনে তে তার্ মাঢাবো ঢাঘি থোক্।

ইফিষীয় 4:22

তুমি এ শিক্ষ্যেগান পেয়োদে যে, তমা পুরোণি জিংকানির পুরোণি “মুই” পুরোণ্ কাবড় ধোক্ক্যেন বাদ দিয়্যে পরিবো, কিয়া ছলনার কামনালোই সেই পুরোণি “মুই” বর্‌‌বাদ ওই যার্।

দ্বি’লম্বর বিররণ 21:11

সেক্কে যুনি তারা ভিদিরেত্তুন্‌ কনঅ দোল্‌ মিলেরে দেগিনে তমার কারত্তুন্‌ তারে গম্‌ লাগে সালে তে তারে মোক্‌ ইজেবে লোই পারিবো।