দ্বি’লম্বর বিররণ 21:1 - Chakma Bible

¹ তমার গোজেন লগেপ্রভু যে দেজ্‌ছান গজক্ গুরিবাত্তে তমারে দিবাত্তে যার্‌ সিদুগোর্‌ কনঅ মাদত্‌ অয়ত কাররে খুন্‌ ওইনে পড়ি থাগদে দেগা যায়, মাত্তর্‌ কন্না তারে খুন গোজ্যে সিয়েন্‌ জানা নেই।

দ্বি’লম্বর বিররণ 21:1 ပူးပေါင်းရင်းမြစ်များ

পত্থম 4:10

সেক্কে লগেপ্রভু কলঅ, “ইয়েন তুই কি গোজ্যচ্? চাহ্, ভুইয়োত্তুন্ তঅ ভেইবোর্ লোগানে মইধু এইনে কানের্‌।

গীতসংহিতা 5:6

যিগুনে মিজে কধা কন্ তারারে তুই ভস্ত গরচ্; যিগুনোর মনত্ খুনোর্ আর ছলনা গুরিবার মনভাব আঘে লগেপ্রভু তারান্দিত্তুন্ মুয়োন্ ফিরেই নেযায়।

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

গম্ উপদেজ্ 28:17

যে মানুচ্চো খুন্ গুরিনে চিদে গত্তে গত্তে দুখ্ পার্ ন-মরানা সং তে ধেই ধেই বেড়ায়; কনজনে তারে সাহায্য ন-গোরোক্।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

প্রেরিত্‌ 28:4

সাপ্পোরে পৌল আঢত্ ঢুলদে দেগিনে সেই দ্বীপোর্ মানুচ্চুনে কুয়ো কি গরা ধুরিলাক্, “এ মানুচ্চো ঘেচ্চেকগুরি খুনী, কারন সাগর আঢত্তুন্ রোক্ষ্যে পেলেয়ো গম্ দেবেদাবো তারে বাঁজিবাত্তে ন-দিলো।”

দ্বি’লম্বর বিররণ 19:10

তুমি ইয়েন গুরিবা যেনে সোম্বোত্তি ইজেবে যে দেজ্‌ছান তমার গোজেন লগেপ্রভু তমারে দিবাত্তে যার্‌ সে দেজ উগুরে নিদ্দুজি মানুচ্চুনোর লো ন-ঝরে আর লো ঝরানার দুষে তুমি দুষি ন-অ।

দ্বি’লম্বর বিররণ 20:20

মাত্তর্‌ যিগুন্‌ গুলোগুলির্‌ গাজ্‌ নয় বিলিনে তমাত্তুন জানা থেবঅ সিগুন্‌ তুমি কাবি ফেলেই পারিবা আর যে জাগার মানুচ্চুনে তমা লগে যুদ্ধো গত্তন্‌ তারা উদিই ন-যানা সং সে গাচ্চুন তুমি আক্রমণ গুরিবার কামত্‌ বেবহার গুরি পারিবা।

দ্বি’লম্বর বিররণ 21:2

এ অবস্থায় তমার বুড়ো নেতাগুনে আর বিচেরক্কুনে বারেন্দি যেইনে সে মরাকিয়্যেগানত্তুন্‌ আদামান আর শঅরানি কুদ্দুর দূরোত্‌ সিয়েন মাবি চেবাক্।

দ্বি’লম্বর বিররণ 3:18

সে পরেন্দি মুই তারারে কলুং, তমার গোজেন লগেপ্রভু এ জাগায়ান তমারে গজক্ গুরিবাত্তে দিয়্যে। মাত্তর্‌ তমা ভিদিরে যিগুনোর্‌ কিয়্যেত্‌ গং আঘে সেই বেক্‌ মানুচ্চুনোরে যুদ্ধোত্তে যুক্কোল্‌ ওইনে ইস্রায়েলীয় ভেইয়ুনোর্‌ আগে আগে গাঙান্‌ পার্‌ ওইনে যাহ্ পুরিবো।