দ্বি’লম্বর বিররণ 20:4 - Chakma Bible

⁴ শত্রুগুনো সমারে যুদ্ধো গুরিনে তমারে ঝিদেই দিবাত্তে তমার গোজেন লগেপ্রভুই তমা লগে লগে যার্‌।

দ্বি’লম্বর বিররণ 20:4 ပူးပေါင်းရင်းမြစ်များ

১ বংশধর 14:15

বাখা গাজ্‌ছুনো উগুরে যেক্কে তুই সৈন্যদলুনোর্ আদন্দে ধোক্ক্যেন রঅ শুনিবে সেক্কে তুই যুদ্ধোত্তে নিগিলিবে। ইয়েনর্ ভেদ্‌তান্‌ অলঅ, পলেষ্টীয় সৈন্যগুনোরে আঘাত্‌ গুরিবাত্তে গোজেনে তমা আগে আগে যেইয়্যে।”

২ বংশধর 13:12

গোজেনে আমা লগে আঘে; তেয়ই আমার্‌ নেতা। তা ধর্মগুরুগুনে তারার্‌ তূরীগুন্‌ বাজেইনে তমা বিরুদ্ধে যুদ্ধোর্‌ ডাক্‌ দিবাত্তে আমা লগে আগন। ও ইস্রায়েলর মানুচ্চুন্‌, তমা পূরোণি মানুচ্চুনোর্‌ গোজেন লগেপ্রভুর বিরুদ্ধে তুমি যুদ্ধো ন-গোজ্য, কিত্তে সিয়েনত্‌ তুমি ফোলেই ন-পারিবা।”

যাত্রা 14:14

তুমি বানা অলর্‌ গুরি থাগঅ‌। লগেপ্রভুই তমার ওইনেই যুদ্ধো গুরিবো।”

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

দ্বি’লম্বর বিররণ 1:30

তমার গোজেন লগেপ্রভু তমা আগে আগে যার্‌। তে তমার্‌ চোগো মুজুঙোত্‌ মিসর্‌ দেজত্‌ আর ধূল্যেচর-চাগালাত্ যেধোক্ক্যেন তমার্‌ ওইনে যুদ্ধো গোজ্যন্‌ ইক্কিনেয়ো সেধোক্ক্যেন গুরিবাক্‌। তুমি দঅ দেখ্য, বাপ্পো যেধোক্ক্যেন পূঅবোরে করত্‌ গুরি নেযায় সেধোক্ক্যেন গুরি এই জাগানত্‌ ন লুমোনা সং তমার গোজেন লগেপ্রভুয়ো গোদা পথতান্‌ তমারে বুয়োই আন্যে।

দ্বি’লম্বর বিররণ 11:25

কনঅ মান্‌জ্যে তমা মুজুঙোত্‌ থিয়্যেই ন-পারিবাক্। তুমি সে দেজর্‌ যিয়েনত্ যেবা তমা গোজেন লগেপ্রভু তার্‌ এগেম্ মজিম সে জাগানর্ মানুচ্চুনোর মনত্‌ তমা পৌইদ্যেনে এক্কান দর্‌ গরেদে মনভাব আর গির্‌গিরেনি ধোরেই দিবো।

দ্বি’লম্বর বিররণ 3:22

তুমি তারারে ন-দোরেয়ো; তমা গোজেন্‌ লগেপ্রভু নিজে তমার্‌ ওইনে যুদ্ধো গুরিবো।

দ্বি’লম্বর বিররণ 31:6

তুমি দরঅ মরঅ অ আর মনত্‌ বুক্‌ বানঅ। তারারে দেগিনে তুমি ন-দোরেয়ো বা গির্‌ ন গিরেবা, কিত্যে তমার গোজেন লগেপ্রভু তমার লগে লগে যেবঅ। তে কনদিনঅ তমারে ছাড়িনে ন-যেবঅ বা বাদ ন-দিবো।”

দ্বি’লম্বর বিররণ 32:30

কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?

যিহোশূয় 10:11

ইস্রায়েলীয়গুনো মুজুঙেত্তুন্‌ তারা যেক্কে বৈৎ-হোরোণ ছাড়িনে অসেকাত্‌ লামি এবার পথ্‌তান ধুরিনে ধেই যাদন্‌ সেক্কে লগেপ্রভু আগাজত্তুন দাঙর দাঙর শিল্‌ তারা উগুরে ফেলেল। সেনে ইস্রায়েলীয়গুনো সমারে যুদ্ধোত্‌ যিদুক্কুন্‌ মানুচ্‌ মুরিলাক্‌ তাত্তুন বেশ্‌ মুরিলাক্‌ এ শিলাত্‌।

যিহোশূয় 10:42

এধোক্ক্যেনগুরি একবার যুদ্ধো গুরিবাত্তে নিগিলিলে যিহোশূয় এ বেক্‌ রাজাগুনোরে আর তারার দেজ্‌চানি জিদি নিলো, কিত্যে ইস্রায়েলীয়গুনোর গোজেন লগেপ্রভু তারার্‌ ওইনে যুদ্ধো গোজ্যে।

যিহোশূয় 23:10

তমাত্তুন্‌ একজনে এক আজার্‌ জনরে ধাবেই দি পাজ্যে, কিত্যে তমা গোজেন লগেপ্রভুর্ এগেম্ মজিম তে তমার ওইনে যুদ্ধো গোজ্যে।

১ শমূয়েল 14:23

এধোক্ক্যেনগুরি লগেপ্রভু সেদিন্যে ইস্রায়েলীয়গুনোরে উদ্ধোর্ গুরিলো, আর বৈৎ-আবন পার ওইনেয়ো যুদ্ধো গরা ধুরিলাক্।