দ্বি’লম্বর বিররণ 20:20 - Chakma Bible

²⁰ মাত্তর্‌ যিগুন্‌ গুলোগুলির্‌ গাজ্‌ নয় বিলিনে তমাত্তুন জানা থেবঅ সিগুন্‌ তুমি কাবি ফেলেই পারিবা আর যে জাগার মানুচ্চুনে তমা লগে যুদ্ধো গত্তন্‌ তারা উদিই ন-যানা সং সে গাচ্চুন তুমি আক্রমণ গুরিবার কামত্‌ বেবহার গুরি পারিবা।

দ্বি’লম্বর বিররণ 20:20 ပူးပေါင်းရင်းမြစ်များ

২ রাজাবলী 3:19

দেবাল্‌-ঘিজ্যে পত্তি শঅর্‌ আর পত্তি দাঙর্‌ দাঙর্‌ আদামানি তুমি শেজ্‌ গুরি দিবা। পত্তি গম্‌ গম্ গাজ্‌ছুন তুমি কাবি ফেলেবা, পানির বেক্‌ পয়নালাগুন বানি দিবা আর বেক্‌ গম্‌ গম্‌ খেদ্‌তানি পাত্তর্‌লোই বর্‌বাত্ গুরি দিবা।”

২ বংশধর 26:15

তে যিরূশালেমত্‌ কাবিল্‌ মানুচ্চুনোর্‌ বানেয়্যে মেশিনানি অজল্‌ চুগি দিবার্‌-ঘরানিত্‌ আর দেবালর্‌ কুণে কুণে রাগেল যেনে সিয়োত্তুন্‌ সেল্‌ আর দাঙর্‌ দাঙর্‌ পাত্তর্‌ মেলা দিইনে মুরি যান্‌। তা নাঙান্‌ চেরোকিত্তে ছিদি পড়িলো। তে গোজেনর বোউত্‌ বল্‌ পেইনে দরমর ওই উদিলো।

উপদেশক 9:14

এক্কান চিগোন্ শঅরত্ কয়েক্কো মানুচ্ এলাক্। এক্কো খেমতাবলা রাজা তা বিরুদ্ধে এইনে সিয়েন ঘিরিনে আক্রমণ গুরিবাত্তে যুক্কোল্ অলঅ।

যিশাইয় 37:33

“সেনত্তে আসিরিয়ার রাজা পৌইদ্যেনে লগেপ্রভু এ কধাগান কোইয়্যে, ‘তে এ শহরত্ ন-সোমেব বা ইয়েনত্ এক্কো সেল্অ ন-মারিবো। তে ঢাল্লোই ইয়েন মুজুঙোত্ ন-এবঅ বা ঘিরিনে উদোনা-লামানা গুরিবাত্তে কিচ্চু ন-বানেব।

যিরমিয় 33:4

বাবিলীয়গুনো লগে যুদ্ধোর্ সময়োত্ দেবাল সমারে বাস্যে গুরি কুড়্ আর তলোয়ার আঢত্তুন্ রোক্ষ্যে পেবাত্তে এ শঅরর্ যেদক্কানি ঘর্ আর যিহূদার রাজঘরানি ভাঙি ফেলা ওইয়্যে সিয়েনি সেই বেক মানুচ্চুনোর মরাকিয়্যেলোই ভর্‌পুনং অবঅ যিগুনোরে মুই মর্ বেজার্ ওইনে আর রাগে মারে ফেলেম। তারার বেক্ পাজিগানিত্তে এ শঅর ইন্দিত্তুন্ মুই মঅ মুয়োন ফিরেই রাগেম। মুই ইস্রায়েলর গোজেন লগেপ্রভু এ কধাগান কঙর্।

যিরমিয় 6:6

বেগত্তুন খেমতাবলা লগেপ্রভু তারারে এ কধাগান কোইয়্যেদে, “তুমি গাজ্‌চুন কাবিনে সিয়েনিলোই যিরূশালেমর বিরুদ্ধে তার দেবালান সমারে ভিদেকুড়্ বানঅ। এ শঅরানরে সাজা দিয়্যে পুরিবো; ইয়েন অত্যেচারে ভুরি যেইয়্যে।‌‌‌‌

যিহিষ্কেল 17:17

যুদ্ধোত্ যেক্কে ভালোক্কানি জিংকানি ভস্ত গুরিবাত্তে অজল্ কুড়্ আর নিযো কুড়্ বানা অবঅ সেক্কে ফরৌণর খেমতাবলা দাঙর্ সৈন্যদলুনে তারে সাহায্য ন-গুরিবাক্।

দ্বি’লম্বর বিররণ 1:28

আমি কেধোক্ক্যেনগুরি সিদু যেবং? আমা ভেইয়ুনে আমা মনানি ভাঙি দুয়োন। তারা কদন্দে, সিদুগোর্‌ মানুচ্চুনে তারাত্তুন্‌ বেশ্‌ বোলী আর লাম্বা; তারার্‌ শঅরানিয়ো দাঙর্‌ দাঙর্‌ আর তারার্‌ চেরোকিত্তে রোইয়্যেদে আগাজত্‌-দুস্যে দেবাল্‌। সিয়েনত্‌ তারা অনাকীয়গুনোরেয়ো দেখ্যন।

দ্বি’লম্বর বিররণ 20:19

তুমি ভালোক্‌ দিন ধুরিনে যেক্কে কনঅ আদাম বা শঅর ঘিরি রাগেইনে সিয়েন গজক্ গুরিবাত্তে যুদ্ধো গরা ধুরিবা সেক্কে কুড়োল্‌লোই সে জাগানর কন গাজ্‌ বরবাদ্ ন-গুরিবা, কিত্যে সিগুনোর গুলোগুন তুমি হেই পারিবা। সিগুন তুমি কাবি ন ফেলেবা। মাদর্‌ সে গাচ্চুন্‌ দঅ আর্‌ মানুচ্‌ নয়, সিগুনোরে তমাত্তুন আক্রমণ গরা পুরিবো।

দ্বি’লম্বর বিররণ 21:1

তমার গোজেন লগেপ্রভু যে দেজ্‌ছান গজক্ গুরিবাত্তে তমারে দিবাত্তে যার্‌ সিদুগোর্‌ কনঅ মাদত্‌ অয়ত কাররে খুন্‌ ওইনে পড়ি থাগদে দেগা যায়, মাত্তর্‌ কন্না তারে খুন গোজ্যে সিয়েন্‌ জানা নেই।