দ্বি’লম্বর বিররণ 20:18 - Chakma Bible

¹⁸ সিয়েন ন গুরিলে তারা তারার দেব-দেবেদার পূজো গুরিবার অক্তত্‌ যেদক্কানি জঘন্য কাম্‌ গরন্‌ সিয়েনি তুমিয়ো শিগিবা আর সেক্কে তুমি গোজেন লগেপ্রভুর বিরুদ্ধে পাপ গুরিবা।

দ্বি’লম্বর বিররণ 20:18 ပူးပေါင်းရင်းမြစ်များ

২ রাজাবলী 21:3

তা বাপ্পো হিষ্কিয় পূজোর্ যেদক্কানি অজল্‌ জাগা চোইদেল গোজ্যে সিয়েনি তে আরঅ বানেল। ইস্রায়েল রাজা আহাবে যেধোক্ক্যেন গোজ্যে সেধোক্ক্যেন তেয়ো বাল দেবেদা নাঙে কয়েক্কো ডালিপূজো আর এক্কো আশেরা-খুদো বানেল। তে আগাজর বেক্‌ তারাগুনোরে পূজো আর সেবা গুরিদো।

যাত্রা 23:32

তারা সমারে বা তারা দেবেদাগুনো সমারে কনঅ‌ চুক্তি ন-গুরিবা।

যাত্রা 23:33

তমা দেজ ভিদিরে তারারে বজত্তি গুরিবাত্তে ন-দিবা। সিয়েন গুরিলে তারা মঅ বিরুদ্ধে তমারে পাপ কামত্‌ টানি নেযেবাক্, কিত্তে যুনি তুমি তারার্‌ দেব-দেবেদাগুনোরে পূজো গরঅ‌ সালে হামাক্কায়্‌ তুমি সিয়েনর কাবুগোত্‌ আক্‌সো যেবা।

যাত্রা 34:12

উজিয়ার্‌! যে দেজত্‌ তুমি যর্‌ সেই দেজর্‌ মানুচ্চুনো লগে তুমি কনঅ‌ চুক্তি ন-গুরিবা; সিয়েন্‌ গুরিলে তারা তমা ভিদিরে এক্কো ফাল্‌ ওইনে থেবাক্‌।

যাত্রা 34:16

ইয়েনিবাদে তুমি তারার্‌ ঝিগুনো সমারে যেক্কে তমার্‌ পূঅগুনোরে মেলা গুরি দিবা সেক্কে সেই বেক্‌ মিলেগুনে ভান্ন্যেই মনভাব্‌‌পোই তারার্‌ দেব-দেবেদা পূজোত্‌ নিজোরে তুলি দিবাক্‌ আর তমার পূঅগুনোরেয়ো সেক্কে টানি নেযেবাক্।

১ করিন্হীয় 15:33

কধায় কয়, “বজং সমাজ্জ্যে গম্ মান্‌জ্যরেয়ো বজং গুরি ফেলায়।”

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

ইফিষীয় 5:11

আন্ধারর্ নিষ্ফল কামর্ লগে তমার যোগ ন-থোক্; তুমি বরং সিয়েনির দুচ্‌ দেগেই দুয়ো,

দ্বি’লম্বর বিররণ 18:19

সেই ভাববাদীবো মর্‌ নাঙান্‌ দিইনে যে কধানি কবঅ কনজনে যুনি মর্‌ সেই কধানি ন শুনোন, সালে মুই নিজে সে মানুচ্চোরে দায়ী গুরিম।

দ্বি’লম্বর বিররণ 18:9

তমার গোজেন লগেপ্রভু তমারে যে দেজ্‌চান দিবাত্তে যার্‌ সিয়েনত্ যেইনে সিদুগোর্ জাদ্‌তুনে যেদক্কানি জঘন্য কাম গোজ্যন তুমি সিয়েনি গুরিবাত্তে ন শিক্ষ্য।

দ্বি’লম্বর বিররণ 20:17

তমার গোজেন লগেপ্রভুর উগুম মজিম তুমি হিত্তীয়, ইমোরীয়, কনানীয়, পরিষীয়, হিব্বীয় আর যিবূষীয়গুনোরে পুরোপুরি গুরিনে ভস্ত গুরি ফেলেবা।

দ্বি’লম্বর বিররণ 20:19

তুমি ভালোক্‌ দিন ধুরিনে যেক্কে কনঅ আদাম বা শঅর ঘিরি রাগেইনে সিয়েন গজক্ গুরিবাত্তে যুদ্ধো গরা ধুরিবা সেক্কে কুড়োল্‌লোই সে জাগানর কন গাজ্‌ বরবাদ্ ন-গুরিবা, কিত্যে সিগুনোর গুলোগুন তুমি হেই পারিবা। সিগুন তুমি কাবি ন ফেলেবা। মাদর্‌ সে গাচ্চুন্‌ দঅ আর্‌ মানুচ্‌ নয়, সিগুনোরে তমাত্তুন আক্রমণ গরা পুরিবো।

দ্বি’লম্বর বিররণ 9:5

ধার্মিক বা গম্‌ বিলিনেই যে তুমি তারার্‌ দেজ্‌ছান্‌ গজক্ গুরিবাত্তে যর্‌ সিয়েন্‌ নয়, বরং তমার্‌ গোজেন লগেপ্রভু তমা পুরোণি মানুচ্‌ অব্রাহাম, ইসহাক আর যাকোব ইদু যে কধাগান্‌ এগেম্ গুরিনে কোইয়্যে সিয়েনি ছিড়েবাত্তে তে এ বেক্‌ জাদর্‌ ভান্ন্যেয়ানির্‌ কারনে তমা মুজুঙোত্তুন্‌ তারারে ধাবেই দিবো।

২ থিষলনীকীয় 3:14

এ চিধিগান ভিদিরে লেগা আমা কধানি যুনি কেঅ ন-মানন্ সালে সেই মানুচ্চোরে চিনি রাগঅ। তা সমারে ন-মিল্ল্য যাতে তে লাজ্ পায়।

১ তীমথিয় 6:5

আর চিগোন মনা মানুচ্চুনো ভিদিরে নিত্য যাগুলুগ্। এ মানুচ্চুনো ভিদিরে গোজেনর্ সত্য নেই; তারা খ্রীষ্টীয় ধর্ম-বিশ্বেজ্‌চানরে এক্কান জগদর্ লাভর্ উপায় বিলিনে মনে গরন্।

যিহোশূয় 23:13

সালে তুমি এ কধাগান গমেডালে জানি লঅ‌, তমা গোজেন লগেপ্রভু এ বেক্‌ জাদ্‌তুনোরে তমা মুজুঙোত্তুন্‌ আর ধাবেই ন-দিবো। সিয়েনর্‌ বদলে তারা এন্‌ জাল্‌ আর ফাল্‌ ওইনে উদিবাক্‌ যিয়েন ভিদিরে তুমি যেইনে ধরা পড়িবা আর তারা অবাক্‌ তমার পিঠ্‌তানির্‌ চাবুক্‌ আর চোগোর্‌ কাদা। যে দোল্‌ দেজ্‌চান তমার্‌ গোজেন লগেপ্রভু তমারে দিয়্যে যেরেন্দি সিয়েনত্তুন্‌ তুমি ভস্ত ওই যেবা।

বিচের গুরিয়্যেগুন 2:3

সেনত্তেই ইক্কিনে মুই তমারে কঙত্তে, মুই তমাত্তুন এ মানুচ্চুনোরে ধাবেই ন-দিম্‌; তারা তমাত্যেই ফাল্‌ ধোক্ক্যেন অবাক্‌, কিত্যে তুমি তারার দেব-দেবেদাগুনোর ফালদ্‌ পুরিবা।”