দ্বি’লম্বর বিররণ 20:16 - Chakma Bible

¹⁶ মাত্তর্‌ তমার গোজেন লগেপ্রভু সোম্বোত্তি ইজেবে যিদুক্কুন জাদরে আদাম বা শঅর তমারে দিবাত্তে যার্‌ সিদুগোর্ কাররে তুমি বাঁজেই ন রাগেবা।

দ্বি’লম্বর বিররণ 20:16 ပူးပေါင်းရင်းမြစ်များ

গণাণা 21:35

সেক্কে তারা ওগরে আর তার্‌ পূঅগুনোরে আর তার বেক্‌ সৈন্য-সামন্তগুনোরে মারে ফেলেলাক্‌। বেগ শেজত্‌ তার্‌ আর কনজনে বাঁজি ন-থেলাক্। তারা তার্‌ দেজ্‌ছানঅ গজক্ গুরি নিলাক।

গণাণা 31:17

ইক্কিনে তুমি এই বেক্‌ পূঅগুনোরে আর যিগুনে গাবুজ্যে মিলে নয় এধোক্ক্যেন বেক্‌ মিলেগুনোরে মারে ফেলঅ;

দ্বি’লম্বর বিররণ 20:15

যেদক্কানি শঅর তমা দেজত্তুন দূরোত আঘে, যিয়েনি তমার কায়কুরে জাদ্‌তুনোর্ শঅর নয়, সিগুনো উগুরে তুমি এবাবোত্যে গুরিবা।

দ্বি’লম্বর বিররণ 20:17

তমার গোজেন লগেপ্রভুর উগুম মজিম তুমি হিত্তীয়, ইমোরীয়, কনানীয়, পরিষীয়, হিব্বীয় আর যিবূষীয়গুনোরে পুরোপুরি গুরিনে ভস্ত গুরি ফেলেবা।

দ্বি’লম্বর বিররণ 24:4

মাত্তর্‌ তার্‌ পত্তম নেক্কো, যে তারে ছুড়্ কাবোজ্ দিয়্যে তে তারে আর লোয় ন-পারিবো, কিত্যে তে অসিজি ওই যেইয়্যে। এধোক্ক্যেন লো-লি অনা লগেপ্রভু ঘিনাই। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ তুমি ইঙিরিনে সিয়েন উগুরে পাপ ডাগি ন-আনিবা।

দ্বি’লম্বর বিররণ 31:5

তারারে তে তমা আদত্‌ তুলি দিবো আর মুই তারা উগুরে যিয়েনি গুরিবার উগুম দুয়োং তুমিয়ো তারা উগুরে সেধোক্কেন্‌ গুরিবা।

দ্বি’লম্বর বিররণ 4:21

তমাত্তে লগেপ্রভু মঅ উগুরে বেজার্‌ অলঅ। তে শমক্‌ খেইনে কোইয়্যেদে, সোম্বোত্তি ইজেবে যে অমকদ দোল্‌ দেজ্‌ছান তমার গোজেন্‌ লগেপ্রভু তমারে দিবাত্তে যার্‌, যর্দন গাঙান্‌ পার্‌ ওইনে মর্‌ সিদু যানা ন-অবঅ।

দ্বি’লম্বর বিররণ 7:16

তমার গোজেন লগেপ্রভু তমা আদঅ মুদোত্‌ যিদুক্কুন্‌ জাদরে আনি দিবো বেক্কুনোরে তমাত্তুন্‌ ভস্ত গুরি ফেলা পুরিবো। তারারে তুমি মেইয়্যে ন-দেগেবা আর তারার্‌ দেবেদাগুনোরেয়ো পূজো ন-গুরিবা, কিত্যে সিয়েনি তমা পক্ষে ইদি ওইনে থেবঅ।

যিহোশূয় 10:20

এধোক্ক্যেনগুরি যিহোশূয় আর ইস্রায়েলীয়গুনে ইমোরীয়গুনোরে ভস্ত গুরি ফেলেলাক্‌। সেক্কে প্রায় বেক্কুনে মুরি গেলাক্‌; মাত্তর্ যে কয়েকজন বাদ্‌ এলাক্‌ তারা তারার দেবাল-ঘিজ্যে শঅ‌রত্‌ যেইনে চমিলাক্‌।

যিহোশূয় 10:28

যিহোশূয় সেদিন্যে মক্কেদাগান্ অধিকার গুরি নিলো। তে সে শঅরর্‌ রাজা আর বেক্‌ মানুচ্চুনোরে মারে ফেলেল আর সিদুগোর্ বেক্‌ জেদা পরাণবলাগুনোরে শেজ্‌ গুরি দিলো, কাররে বাজে ন-রাগেল। তে যিরীহো রাজার যে অবস্থা গোজ্যে মক্কেদার রাজার অবস্থায়ো সেধোক্ক্যেন্‌ গুরিলো।

যিহোশূয় 10:40

এবাবোত্যেগুরি যিহোশূয় বেক্‌ চাগালাগান্‌ জিদি নেযেল। সে ভিদিরে এলদে অজল্‌ মুড়ো-মুড়ি চাগালা, নেগেভ, তলেদি মুড়ো-মুড়ি চাগালা আর মুড়ো-মুড়ির কামা জাগানি। তে সে চাগালার রাজাগুনোরেয়ো ওদেই দিলো আর সিদুগোর্ কাররে বাঁজেই ন-রাগেল। ইস্রায়েলীয়গুনোর গোজেন লগেপ্রভু যেধোক্ক্যেন্‌ উগুম গোজ্যে সেধোক্ক্যেন্‌ তে বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 11:14

এ শঅরানিত্তুন যেদক্কানি পযাপিরা আর এ্যমানপাল লুদো ওইয়্যে সিয়েনি ইস্রায়েলীয়গুনে নিজোত্তে নেযেলাক্‌; মাত্তর্‌ বেক্‌ মানুচ্চুনোরে তারা এক্কুবারে শেজ্‌ গুরি দিলাক্‌, এক্কো জেদা প্রাণীরেয়ো তারা বাঁজেই ন-রাগেলাক্।

যিহোশূয় 6:24

সে পরেন্দি তারা পুরো শঅ‌রান আর সিয়েন ভিদিরে বেক্কানি পুড়ি দিলাক্‌, মাত্তর্‌ সনা, রূবো আহ্‌ পিদলর আর লুয়োর্‌ পযাবিরেনি লগেপ্রভুর ঘরর ধনভান্ডালত্‌ জমা দিলাক্‌।

যিহোশূয় 8:25

সেদিন্যে অয় শঅরর্‌ বেক্‌ মানুচ্চুনে, অত্তাৎ বার আজার মিলে-মরদ মুরি গেলাক্‌।

যিহোশূয় 8:8

তুমি শঅ‌রান গজক্ গুরি নেযেইনে সিয়েনত্‌ আগুন লাগেই দিবা। লগেপ্রভু যিয়েন উগুম গোজ্যে তুমি সিয়েনই গুরিবা। তমা উগুরে ইয়েন মর্‌ উগুম্‌।”

যিহোশূয় 9:24

জোবত্‌ তারা যিহোশূয়রে কলাক্‌, “এই গোদা দেজ্‌ছানই তমারে দিবাত্তে আর তমা মুজুঙোত্তুন্‌ এ দেজছানর্‌ বেক্কুনোরে পুজি ফেলেবাত্তে যে উগুমান তঅ‌ গোজেন লগেপ্রভু তা চাগর্‌ মোশিরে দিয়্যে সিয়েন গমেডালেই তর্‌ এই চাগরুনোরে কুয়ো ওইয়্যে। সেনত্তে তমা পৌইদ্যেনে বেক্‌ কধানি শুনিনে পরাণর দরে আমি এ কামানি গোজ্যই।

যিহোশূয় 9:27

যিহোশূয় গিবিয়োনীয়গুনোরে সেদিন্যে উগুম দিলো যেন তারা ইস্রায়েলীয়গুনোত্তে আর লগেপ্রভু যে জাগায়ান বেঈ নেযেব সেই জাগানত্‌ লগেপ্রভুর ডালি-পূজোত্তে দার্‌বো কাবিবার আর পানি আনিবার কাম্‌ গরন্‌। এজঅ‌ সং তারা সেই কামানি গত্তন্‌।

যিহোশূয় 9:7

সেক্কে ইস্রায়েলীয়গুনে সে হিব্বীয়গুনোরে কলাক্‌, “যুনি সম্ভব অয় তুমি আমা ইদু থাগঅ‌। যুনি সিয়েনই অয় সালে কেধোক্ক্যেন্‌ গুরি আমি তমা লগে আঢ্ মিলেবং?”

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”