দ্বি’লম্বর বিররণ 20:10 - Chakma Bible

¹⁰ তুমি কনঅ আদাম বা শঅর আক্রমণ গুরিবাত্তে যেবার আগেন্দি সিদুগোর্ মানুচ্চুনো ইদু যুদ্ধো ছাড়া অধীনতা মানি নিবার প্রস্তাব গুরিবা।

দ্বি’লম্বর বিররণ 20:10 ပူးပေါင်းရင်းမြစ်များ

যিশাইয় 57:19

সেক্কে তারা কবাক্, ‘কায়কুরে আর দূরো বেক্কুনোর ভালেদি ওক্।’ মুই লগেপ্রভু কঙত্তে, মুই তারারে গম্ গুরিম।”

সখরিয় 9:10

মুই ইফ্রয়িমর রথ আর যিরূশালেমর যুদ্ধোর্ ঘোড়া বেক্কুন্ ভস্ত গুরিম আর যুদ্ধোর্ ধনুগানি ভাঙি ফেলা অবঅ। তে জাদ্‌‌‌‌‌‌‌তুনো ইধু শান্তি ফগদাং গুরিবো। তার শাজন সাগরত্তুন্ সাগর্ সং, ইউফ্রেটিস গাঙত্তুন্ পিত্‌‌‌‌থিমীর শেজ্ দুযি সং চলিবো।

প্রেরিত্‌ 10:36

গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়।

২ করিন্হীয় 5:18

ইয়েনি বেক্কানি গোজেনত্তুন্ অয়। তে খ্রীষ্টর্ মাধ্যমে তার্ নিজো সমারে আমারে এগত্তর্ গোজ্জ্যে, আর তা সমারে অন্যগুনোরে মিলেই দিবার্ কামান্ আমা উগুরে দিয়্যে।

ইফিষীয় 2:17

তুমি যিগুনে দূরোত্ এলা আর তারা যিগুনে কায়কুরে এলাক্, বেক্কুনো ইধু তে এইনে শান্তির্ গম্ হবর্ ফগদাং গোজ্জ্যে।

দ্বি’লম্বর বিররণ 2:26

ইয়েনের্ পরেদি মুই সুগ্-শান্দি ধুরি রাগেবার্‌ আজাই কদেমোৎ ধূল্যেচর-চাগালাত্তুন্‌ হিষ্‌বোনর রাজা সীহোন ইদু কোই পাদেলুং,

দ্বি’লম্বর বিররণ 20:11

যুনি সেক্কে তারা রাজী ওইনে তারার্‌ গেট্টো খুলি দুয়োন সালে সিদুগোর্ বেক্‌ মানুচ্চুনে তমার অধীনোত্‌ অবাক্‌ আর তমাত্তে কাম্‌ গুরিবার বাধ্য থেবাক।

দ্বি’লম্বর বিররণ 20:9

সৈন্যগুনো ইদু কধা কনা শেজ্ গুরিনে নেতাগুনে সৈন্যগুনোর ভালোক দল উগুরে তারার্‌ সেনাপতি বানেবাক্।

বিচের গুরিয়্যেগুন 11:12

ইয়েনর্ পরেন্দি যিপ্তহ মানুচ্‌ পাদেইনে অম্মোনীয় রাজাবোরে এ কধাগান পুযোর্‌ গুরিলো, “তল্লোই মর্ এন্‌ কি ওইয়্যেদে যিয়েনত্তে তুই মর্‌ দেজ্‌চানরে আক্রমণ গুরিবাত্তে এচ্ছোস্‌?”

বিচের গুরিয়্যেগুন 21:13

ইয়েনর্ পরেন্দি সে এগত্তর ওইয়্যে ইস্রায়েলীয়গুনে রিম্মোণ মুড়োবোত মানুচ্‌ পাদেইনে বিন্যামীনীয়গুনোর লগে কধা কলাক্‌ আর শান্তি ফগদাং গুরিলাক্‌।