দ্বি’লম্বর বিররণ 2:7 - Chakma Bible

⁷ তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গোজ্যে। এই দাঙর্‌ ধূল্যেচর-চাগালার্‌ ভিদিরেন্দি যেবার্‌ অক্তত্‌ তে তমারে দেগাশুনো গোজ্যে। এই চোল্লিশ্‌ছুয়ো বজর্‌ তমা গোজেন লগেপ্রভু তমা লগে লগে থেইয়্যে আর তমার্‌ কনঅ কিজুর্‌ অভাব ন-এলঅ।

দ্বি’লম্বর বিররণ 2:7 ပူးပေါင်းရင်းမြစ်များ

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 24:35

মঅ গিরোজ্‌সোরে লগেপ্রভু বোউত্‌ বর্ দিয়্যে; এচ্চ্যে তে বোউত্‌ দাঙর্‌ মানুচ্‌। লগেপ্রভু তারে ভালোক্কুন্‌ গোরু-ভেড়া, সোনা-রূবো, চাগর-চাগরানী আর উট আর গাধা দিলো।

পত্থম 26:12

ইস্‌হাকে সে বজরত্ সেই দেজত্‌ চাষ্‌ গুরিনে একশঅ গুণ ফল্‌ পেলঅ। লগেপ্রভু তারে বর্ দিলো,

পত্থম 30:27

মাত্তর্‌ লাবনে তারে কলঅ, “যুদি মঅ উগুরে তমার কনঅ বেজার্ অবার্‌ কারন ন-থায়্‌ সালে ন-যেয়ো। নানান্ বাবোত্যে লক্ষণত্তুন্‌ মুই বুঝি পারঙত্তে, তমাত্তে লগেপ্রভু মরে বর্‌ দিয়্যে।”

পত্থম 39:3

লগেপ্রভু যে তা লগে লগে এলঅ আর তা আদে বেক্‌ কামানি গমে-ডালে গরের্ সিয়েন্‌ তা গিরোজ্‌সো দেগিলো।

পত্থম 39:5

যোষেফরে এ বেক্‌ খেমতাগান্‌ দেনার্‌ পরেদি যোষেফত্তে লগেপ্রভু সে মিসরীয় গিরোজ্‌সোরে বেক্কানিদ্‌ বর্ দিলো। পোটীফর ঘর-দোর্‌ আর ক্ষেত-ক্ষেত্তি বেক্কানিদ্‌ লগেপ্রভু বর্ দিলো

নহিমিয় 9:21

ধূল্যেচর-চাগালাত্‌ চোল্লিশ বজর্‌ সং তুই তারারে পালেয়োজ্‌। তারার্‌ কনকিজু অভাব ন-অয়; তারার্‌ কাবড়-চুগোড়ানিয়ো পূরোণ্‌ ন-অয় আর তারার্‌ টেঙানিয়ো ন-ফুলে।

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

গীতসংহিতা 1:6

কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

গীতসংহিতা 107:4

তারা ধূল্যেচর-চাগালাত মানুচ্ জন নেইয়্যে জাগাত্ ঘুরিলাক্; বজত্তি গরেদে ধোক্ক্যেন্ কনঅ শঅর্ তারা তোগেই ন-পেলাক্।

গীতসংহিতা 31:7

তর্ গভিন্ কোচ্‌পানা পেইয়োং বিলিনে মুই ফুত্তি গুরিম, হুজি ওম; কিত্যে তুই দঅ মর্ দুখ্‌কানি দেখ্যচ্, আর মর্ দুঘোর্ কধানি হবর্ পাজ্।

গীতসংহিতা 90:17

আমা প্রভু গোজেনর দোয়্যে আমা উগুরে থোক্; আমা বেক্ কামানি তুই ফোলেই দে, অয়, আমা বেক্ কামানিত্ তুই ভালেদি দান গর্।

যাত্রা 16:35

মান্‌জে বজত্তি গরন্‌ এধোক্ক্যেন এক্কান জাগাত্‌, অত্তাত্‌ কনান দেজর্‌ দুঝিত্‌ ন-এজানা সং ইস্রায়েলীয়গুনে চোল্লিশ্‌ বজর্‌ ধুরিনে এই মান্নাগান হেইয়োন।

হোশেয় 13:5

ধূল্যেচর-চাগালাত্, অমকদ শুগুনো দেজত্ মুয়ই তরে দেগাশুনো গোজ্যং।

আমোষ 2:10

ইমোরীয়গুনোর দেজ্ তমারে দিবাত্তে মুই মিসরত্তুন্ তমারে নিগিলেই আনিনে ধূল্যেচর-চাগালাত্ চল্লিশ বজর্ পরিচালনা গোজ্যং।

গণাণা 1:1

ইস্রায়েলীয়গুনে মিসর দেজত্তুন্‌ নিগিলি এজানার্‌ পরেদি দ্বিবজরর্‌ দ্বিমাজর্‌ পত্তম দিনোত্‌ লগেপ্রভু সিনাই ধূল্যেচর চাগালাত্‌ মিলন-তাম্বুলো ভিদিরে মোশির লগে কধা কোইয়্যে। তে কলদে,

গণাণা 14:33

তমার বেগঅ শেজন্দি মানুচ্চো এই ধূল্যেচর-চাগালাত্‌ মুরি ন-যানা সং তমার অবিশ্বেজর্ কারনে তমার্‌ ঝি-পূঅগুনে চোল্লিশ বজর্‌ সং ইয়েনত্‌ ভেড়াছাগল চোড়েেইনে বেড়েবাক্।

গণাণা 14:34

দেজ্‌চান চেই এত্তে যে চোল্লিশ দিন সময় লাক্কে তার্‌ পত্তি দিনোত্তে এক বজর্‌ গুরি বেক্কুনে চোল্লিশ বজর্‌ সং তুমি তমার্‌ অন্যেয়ত্তে দুঘ্ পেবা আর বুঝি পারিবাদে, মুই বিরুদ্ধে থেলে অবস্থাগান্‌ কেধোক্ক্যেন অয়।

গণাণা 22:12

মাত্তর্‌ গোজেনে বিলিয়মরে কলঅ, “তুই তারা সমারে ন-যেবে আর সেই মানুচ্চুনোরে কনঅ অভিশাব ন-দিবে, কিত্যে সিগুন মর্‌ আশিদ্‌বাদ পেইয়্যে মানুচ্‌।”

গণাণা 32:13

ইস্রায়েলীয়গুনো উগুরে লগেপ্রভু রাগে জুলি উঠ্যে আর তা চোগোত্‌ ভান্ন্যেই কাম্‌ গোজ্যে সেই বেক্‌ মানুচ্চুন্‌ শেজ্ ন-ওই যানা সং চোল্লিশ বজর্‌ ধুরিনে তে তারার্‌ ধূল্যেচর-চাগালা ভিদিরে নানান্‌ জাগাত্‌ গুরেয়োন্।

লূকে লেখ্যে গম্ হবর্ 22:35

সে পরেদি যীশু তা শিচ্চ্যগুনোরে কলঅ, “মুই যেক্কে তমারে টেঙার্ থোইল্ল্যা, ঝলা আর জদা ছাড়া দিপাধেয়োং সেক্কে কি তমার্ কনঅ অভাব ওইয়্যে?” শিচ্চ্যগুনে কলাক্, “না, ন-অয়।”

যোহন 10:27

মঅ ভেড়াগুন্ মঅ ডাগনি শুনোন্। মুই তারারে হবর্ পাং আর তারা মঅ পিযে পিযে যান্।

দ্বি’লম্বর বিররণ 1:19

ইয়েনর্ পরেদি আমা গোজেন লগেপ্রভুর উগুমে আমি হোরেব মুড়োবো ছাড়িনে ইমোরীয়গুনোর্‌ মুড়োমুড়ি চাগালান্দি আদা মারিলোং। কেধোক্ক্যেন দাঙর্‌ আর কেধোক্ক্যেন দর্‌গরেপারা ধূল্যেচর-চাগালার ভিদিরেন্দি আমার্‌ যাহ্ পোজ্যে সিয়েন্‌ তুমি দেখ্য। এধোক্ক্যেনগুরি আমি কাদেশ-বর্ণেয়ত যেইনে লুমিলোং।

দ্বি’লম্বর বিররণ 1:46

এধোক্ক্যেনগুরি তুমি কাদেজত্‌ ভালোক দিন রোইয়ো আর সিয়োদোই তমার্‌ ভালোক দিন কাদা গেলঅ।

দ্বি’লম্বর বিররণ 2:14

কাদেশ-বর্ণেয় ছাড়িনে সেরদ কিঝিঙান্‌ পার্‌ ওই এত্তে আমার্‌ আটত্রিশ বজর্‌ কাদি যেইয়্যে। কাদেশ-বর্ণেয় ফেলেই এবার্‌ আগেন্দি তাম্বুলোত্‌ যিদুক্কুন্‌ সৈন্য এলাক তারা বেক্কুনে এ আটত্রিশ বজর ভিদিরে লগেপ্রভুর শমক্‌ গোজ্যে কধা মজিম মুরি যেইয়োন।

দ্বি’লম্বর বিররণ 2:6

তারাত্তুন্‌ হানা আর পানি তমা টেঙালোই কিনি খা পুরিবো।

দ্বি’লম্বর বিররণ 29:4

মাত্তর্‌ তুমি লগেপ্রভুত্তুন্‌ এচ্চ্যে সং সিয়েনি বুঝিবার মনান্‌, দেগিবার চোক্কুন আর শুনিবার কানানি ন-পঅ।

দ্বি’লম্বর বিররণ 29:5

চোল্লিশ বজর ধূল্যেচর-চাগালার ভিদিরেন্দি লগেপ্রভু তমারে চালেইনে আন্যে। ইয়েন ভিদিরে তমার কিয়্যের কাবড়ানি আর জদানি বর্‌বাদ্ ওই ন-যায়।

যিহোশূয় 5:6

মিসরত্তুন নিগিলি এজানার্‌ সলাবোত্‌ যিগুনোর যুদ্বো গরেদে ধোক্ক্যেন্‌ বয়স ওইয়্যে তারা বেক্কুনে মুরি ন-যানা সং চোল্লিশ বজর ইস্রায়েলীয়গুনোরে ধূল্যেচর-চাগালাত্‌ ঘুরো পোজ্যে, কিত্যে তারা লগেপ্রভুর কধানি ন-মানন্‌। লগেপ্রভু তারারে শমক্‌ খেইনে কোইয়্যেদে, তারার পুরোণি মানুচ্চুনো ইদু দুধ আর মধুলোই ভোজ্যে যে দেজ্‌চান আমারে দিবো বিলিনে শমক্‌ খেইয়্যে সিয়েন্‌ তারা চেই ন-পেবাক্‌।