দ্বি’লম্বর বিররণ 2:5 - Chakma Bible

⁵ তুমি এষৌর বংশধরুনোরে যুদ্ধোর্‌ উস্‌কানি ন-দিবা, কিত্যে মুই তারার্‌ দেজর্‌ কনঅ ভাগই তমারে ন-দিম্‌, এন্‌ কি, টেং রাগেবার্‌ জাগা পর্যন্ত ন-দিম্‌। মুই সেয়ীরর্‌ এই মুড়ো-মুড়ি চাগালাত্‌ এষৌরে তার্‌ নিজোর্‌ দেজ্‌ ইজেবে দুয়োং।

দ্বি’লম্বর বিররণ 2:5 ပူးပေါင်းရင်းမြစ်များ

পত্থম 36:8

সেনত্তে এষৌ সেয়ীরো মুড়ো-মুড়ি চাগালাত্‌ যেইনে গমেডালে বজত্তি গরা ধুরিলো। এষৌর আর এক্কান্‌ নাঙ্‌ এলদে ইদোম।

পত্থম 36:9

ইয়েন অলঅ সেয়ীরো মুড়ো-মুড়ি চাগালাত্‌‌ ইদোমীয়গুনোর আগ মানুজ্‌ এষৌ বংশর কধা।

যিরমিয় 27:5

মর্ বল্লোই আর খেমতাবলা আঢ্‌তোই মুই এ পিত্‌‌‍‌‌‌‌থিমীগান আর তা উগুরে যিদুক্কুন মানুচ্ আর য়েমান বানেয়োং, আর মুই যিবেরে যগাজ্যে মনে গরং তা আঢত্ খেমতা দি থাং।‍‌‍‌‌‌‌‍

যিহিষ্কেল 35:2

ও মান্‌‌‌‌‌জ্যর্ পুয়োবো, সেয়ীর মুড়োবো ইন্দি তর্ মুয়োন রাগেইনে তা বিরুদ্ধে এ আগাম্ কধাগান কঅ,

দানিয়েল 4:25

তরে মানুচ্চুনো ইত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; তুই দামাড়া গোরু ধোক্ক্যেন ঘাস হেবে আর আগাজ শিরোপানিয়ে ভিজিবে। এবাবোত্যেগুরি সাত বজর্ যেবগোই, যেদক ভিলোন্ সং তুই মানি ন-নেযেব, মান্‌‍‍জ্য রেজ্যনি উগুরে দাঙর্ গোজেনে কাবিদ্যঙি গরে আর তেয়ই সিদুগোর্ বেক রেজ্যগানি সেই বেক্ রেজ্যগানি যিবেরে আওজ্ তারে দে।

দানিয়েল 4:32

তরে মান্‌‌জ্য কায় কুরেত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; গোরু ধোক্ক্যেন তুই ঘাস হেবে। যেদক্ বিলোন সং তুই মানি ন ‌‌নেযেবে, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌‌গিরি গরে আর সেই বেক্ রেজ্যগানি যিবেরে আওজ্ তারে দে সেদক্ বিলোন সং সাত বজর্ যেবঅ।”

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।

প্রেরিত্‌ 7:5

নিজোর অধিকারত্যে গোজেনে অব্রাহামরে সিয়েনত্ কিচ্চু ন-দিলো, এক্কান ঠেং রাগাইদ্যে ধোক্ক্যেন ভূইয়ো নয়। মাত্তর্ গোজেনে তাইধু এগেম্ গোজ্যেদে যে, তারে আর সে পরেদি তা গুট্টিগুনোত্ত্যে অধিকার ইজেবে তে সেই দেশ্‌চান দিবো। মাত্তর্ সেক্কে অব্রাহামর কনঅ পুয়ো-ছা ন-এলঅ।

দ্বি’লম্বর বিররণ 2:22

লগেপ্রভু এষৌর বংশধরুনো পৌইদ্যেনেয়ো সেই এক্কুই কামান্‌ গোজ্যে। তে তারারে দিইনে হোরীয়গুনোরে শেজ্ গোজ্যে। তারা হোরীয়গুনোরে ধাবেই দিইনে তারার্‌ জাগানি সেয়ীরোত্‌ এজঅ বজত্তি গত্তন্‌।

দ্বি’লম্বর বিররণ 2:6

তারাত্তুন্‌ হানা আর পানি তমা টেঙালোই কিনি খা পুরিবো।

দ্বি’লম্বর বিররণ 32:8

দাঙর্‌ গোজেনে যেক্কে নানান্‌ জাদরে সোম্বোত্তি ভাগ গুরি দিলো, আর মানুচ্চুনোরে নানান্‌ জাদত্‌ ভাগ গুরিলো, সেক্কে ইস্রায়েল জাদর মান্‌জ্যর্‌ সোংখ্যে মনত্‌ রাগেইনে তে অন্য জাদ্‌তুনোর্ দুযি ঠিগ্ গুরি দিলো।

যিহোশূয় 24:4

আর ইস্‌হাকরে দান গুরিলুং যাকোবরে আর এষৌরে। সেয়ীরর মুড়ো-মুড়ি চাগালাগান মুই এষৌরে সোম্বোত্তি ইজেবে দিলুং, মাত্তর্‌ যাকোব আর তার্‌ পুঅগুনে গেলাক্‌ মিসর দেজত্‌।