দ্বি’লম্বর বিররণ 2:37 - Chakma Bible

³⁷ বানা অম্মোনীয়গুনোর্‌ জাগানি, যব্বোক গাঙর্‌ দুঝির্‌ জাগানি, মুড়োবো ভিদিরে জাগানি আর অন্য যেদক্কানি জাগাত্‌ যেবাত্তে তে মানা গোজ্যে, সে বেক্‌ জাগানিত্‌ তুমি ন-যঅ

দ্বি’লম্বর বিররণ 2:37 ပူးပေါင်းရင်းမြစ်များ

পত্থম 32:22

সেই রেদোত্‌ যাকোবে উদিনে তার্‌ দ্বিবে মোক্, দ্বিবে চাগরানী আর এগারবো পুয়োরে আঢি আঢি পার্‌ উয়ো যায়্‌ এবাবোত্ত্যে এক্কান্‌ জাগাইন্দি যব্বোক গাঙ উইপারত্‌ থোই এলগোই।

গণাণা 21:24

এই যুদ্ধোত্‌ ইস্রায়েলীয়গুনে তারে মারে ফেলেইনে অর্ণোনত্তুন্‌ যব্বোক গাঙ্‌ সং তার দেজ্‌ছান্‌ গজক্ গুরি নিলাক। তারা বানা অম্মোনীয়গুনোর দুঝি সং গজক্ গুরি পাজ্জোন, কিত্যে অম্মোনীয়গুনোর্‌ দেজর্‌ দুঝিবো এবাবোত্যে এলদে যিবে ভাঙি যানা সহজ ন-এলঅ।

দ্বি’লম্বর বিররণ 2:19

মাত্তর্‌ তুমি যেক্কে অম্মোনীয়গুনো ইদু যেইনে লুমিবা সেক্কে তারারে লবাদোস্যে ন গুরিবা বা যুদ্ধোর্‌ উচ্চোমি ন দিবা, কিত্যে অম্মোনীয়গুনোর্‌ দেজত্‌ কনঅ ভাগই মুই তমারে ন-দিম্‌। লোটোর বংশধরুনোরে মুই সিয়েন্‌ সোম্বোত্তি ইজেবে দিইনে রাগেয়োং।’”

দ্বি’লম্বর বিররণ 2:5

তুমি এষৌর বংশধরুনোরে যুদ্ধোর্‌ উস্‌কানি ন-দিবা, কিত্যে মুই তারার্‌ দেজর্‌ কনঅ ভাগই তমারে ন-দিম্‌, এন্‌ কি, টেং রাগেবার্‌ জাগা পর্যন্ত ন-দিম্‌। মুই সেয়ীরর্‌ এই মুড়ো-মুড়ি চাগালাত্‌ এষৌরে তার্‌ নিজোর্‌ দেজ্‌ ইজেবে দুয়োং।

দ্বি’লম্বর বিররণ 2:9

সে পরেন্দি লগেপ্রভু মরে কলদে, ‘তুমি মোয়াবীয়গুনোরে তোস্যে ন লাগেয়ো বা যুদ্ধোর্‌ উচ্চোমি ন দুয়ো, কিত্যে তারার্‌ দেজর্‌ কনঅ ভাগই মুই তমারে ন দিম্‌। মুই সোম্বোত্তি ইজেবে আর্‌ শঅরান্‌ লোটোর বংশধরুনোরে দুয়োং।’”

দ্বি’লম্বর বিররণ 3:16

মাত্তর্‌ গিলিয়দত্তুন্‌ অর্ণোন কিঝিঙো সং মোধ্যে দুঝির চিহ্নোগান সং বেক্‌ জাগাগান্‌ আর সিয়েনত্তুন্‌ অম্মোনীয়গুনোর্‌ দুঝি যব্বোক গাঙান্‌ সং মুই রূবেণ আর গাদ-গুট্টির মানুচ্চুনোরে দিলুং।

যিহোশূয় 12:2

ইমোরীয়গুনোর্‌ রাজা সীহোনে হিষ্‌বোনত্তুন রাজাগিরি গুরিদো। অর্ণোন কিজিঙোর্‌ পারত্‌ অরোয়রত্তুন্‌, অত্তাৎ কিজিঙোর্‌ সংমোধ্যেত্তুন অম্মোনীয়গুনোর দেজর দুযি যব্বোক গাঙান সং বেক্‌ চাগালাগান্‌ তার্‌ শাজনর অধীনোত্‌ এলঅ‌। এ চাগালাগান ভিদিরে এলঅ‌ গিলিয়দর অদ্দেক্‌ ভাগ।

বিচের গুরিয়্যেগুন 11:22

তারা অর্ণোনত্তুন্‌ যব্বোক সং আর ধূল্যে-চর চাগালাত্তুন যর্দন সং ইমোরীয়গুনোর বেক জাগায়ানি গজক্‌ গুরি নেযেলাক্‌।