দ্বি’লম্বর বিররণ 2:36 - Chakma Bible

³⁶ অর্ণোন কিঝিঙোর্‌ দুঝিত্‌ অরোয়র্‌ শঅর আর সে কিঝিঙো ভিদিরে আদামত্তুন্‌ আরাম্ভ গুরিনে গিলিয়দ সং এন্‌ কনঅ বোলী আদাম বা শঅর ন-রলঅ যিয়েন্‌ আমি জিদি নেযেই ন পারিই। আমা গোজেন লগেপ্রভু সিয়েনি বেক্কানি আমা আদত্‌ তুলি দিয়্যে।

দ্বি’লম্বর বিররণ 2:36 ပူးပေါင်းရင်းမြစ်များ

২ শমূয়েল 24:5

তারা যর্দন গাঙান্‌ পার্ ওই যেইনে গাদ চাগালার কলগ ভিদিরে শঅরর্‌ দোগিণে অরোয়েরত্‌ যেইনে তাম্বুল ফেলেলাক্, সে পরেন্দি যাসেরত গেলাক্।

গীতসংহিতা 44:3

তারা নিজো তলোয়ারলোই এ দেজ্‌ছান গজক্ ন-গরন, নিজো বল্লোই নয়ও জিদোন্; তর্ বল্লোই, অয়, তর্ বল্লোই; আর তর্ মহিমালোই সিয়েনি গোজ্যন্, কিয়া তারা উগুরে তর্ দোয়্যে এলঅ।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

যিশাইয় 17:2

অরোয়েরর আদামানি মানুচ্চুনে ফেলেই যেবাক্; য়েমান পালে সিয়েনি গজক্ গুরিবাক্। তারা সিয়েনিত্ পড়ি থেবাক্; কনজনে তারারে দর্ বুগ্ ন-লাগেবাক্।

যিরমিয় 48:19

ও অরোয়েরর আদাম্মেগুন, তুমি পধ কায়-কুরে থিয়্যেইনে চঅ। ধেই যেইয়্যে মরদ আর মিলেগুনোরে পুযোর্ গরঅ, কি ওইয়্যে?

গণাণা 32:34

গাদ-গুট্টির মানুচ্চুনে দীবোন, অটারোৎ, অরোয়ের,

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

দ্বি’লম্বর বিররণ 3:12

আমার্‌ অধিকার্‌ গোজ্যে জাগাত্তুন্‌ মুই সেক্কেনে অর্ণোন গাঙর্‌ ইদু অরোয়র শঅরর্‌ বারেন্দি উত্তোর মিক্কে চাগালাগান আর গিলিয়দর্‌ মুড়ো-মুড়ি চাগালার্‌ অদ্দেক্‌ আর সে জাগানর্‌ বেক্‌ আদামানি আর শঅরানি রূবেণ আর গাদ-গুট্টির মানুচ্চুনোরে দিলুং।

দ্বি’লম্বর বিররণ 4:48

অর্ণোন কিঝিঙোর্‌ দুঝিত্‌ অরোয়র্‌ শঅরত্তুন্‌ সীওন মুড়ো, অত্তাৎ হর্মোণ মুড়োবো সং এলদে এ দ্বিয়ান্‌ রেজ্য।

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 12:2

ইমোরীয়গুনোর্‌ রাজা সীহোনে হিষ্‌বোনত্তুন রাজাগিরি গুরিদো। অর্ণোন কিজিঙোর্‌ পারত্‌ অরোয়রত্তুন্‌, অত্তাৎ কিজিঙোর্‌ সংমোধ্যেত্তুন অম্মোনীয়গুনোর দেজর দুযি যব্বোক গাঙান সং বেক্‌ চাগালাগান্‌ তার্‌ শাজনর অধীনোত্‌ এলঅ‌। এ চাগালাগান ভিদিরে এলঅ‌ গিলিয়দর অদ্দেক্‌ ভাগ।

যিহোশূয় 13:9

তারার্‌ এ জাগায়ান্‌ আরাম্ভ ওইয়্যেদে অর্ণোন কিজিঙো দুযির্ অরোয়র শঅরত্তুন্‌ আর সে কিজিঙোর্‌ সংমোধ্যে আদামত্তুন্‌। সিয়েন ভিদিরে আগেদে দীবোন সং মেদবার পুরো সং জাগায়ান আর অম্মোনীয়গুনোর দেজর দুযি সং হিষ্‌বোনর ইমোরীয় রাজা সীহোনর বেক্‌ আদামানি।

যিহোশূয় 21:44

তারার্‌ পূরোণিমানুচ্চুনো ইদু লগেপ্রভুর শমক্‌ মজিম্ তে চেরোকিত্তে বেক্‌ যুদ্ধোগানিত্তুন্‌ তারারে জিরেবাত্তে দিলো। কনঅ শত্রু তারার্‌ মুজুঙোত্‌ থিয়্যেই ন-পারে। লগেপ্রভু তারার্‌ বেক্‌ শত্রুগুনোরে তারা আদত্‌ তুলি দিলো।

বিচের গুরিয়্যেগুন 11:22

তারা অর্ণোনত্তুন্‌ যব্বোক সং আর ধূল্যে-চর চাগালাত্তুন যর্দন সং ইমোরীয়গুনোর বেক জাগায়ানি গজক্‌ গুরি নেযেলাক্‌।

বিচের গুরিয়্যেগুন 11:26

এচ্চ্যে তিনশত্‌ বজর ধুরিনে ইস্রায়েলীয়গুনে হিষ্‌বোনত্‌ আর অরোয়র শঅ্‌র আহ্‌ তারার কায়-কুরে আদামানি আর অর্ণোন গাঙর্‌ পাড়ত্‌ বেক্‌ আদামানিত্‌ বজত্তি গুরি এত্তন্‌। সেক্কেনে তুই সিয়েনি কিত্তেই আরঅ গজক্‌ গুরি ন-নেযাচ্‌?