দ্বি’লম্বর বিররণ 2:30 - Chakma Bible

³⁰ মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

দ্বি’লম্বর বিররণ 2:30 ပူးပေါင်းရင်းမြစ်များ

১ রাজাবলী 12:15

এবাবোত্যেগুরি রাজা মানুচ্চুনোর কধালোই কান ন-পাদিলো। শীলোনীয় অহিয়োর মাধ্যমে লগেপ্রভু নবাটর পূঅ যারবিয়ামরে যে কধাগান কোইয়্যে সিয়েন্‌ পূরোণ গুরিবাত্তে লগেপ্রভুর ইত্তুন্‌ ঘটনাগান এবাবোত্যেগুরি গুদিলো।

২ বংশধর 10:15

এধোক্ক্যেন গুরি রাজা মানুচ্চুনোর্‌ কধালোই কান্‌ ন-পাদিলো। শীলোনীয় অহিয়র মাধ্যমে লগেপ্রভু নবাটর পুয়ো যারবিয়ামরে যে কধাগান কোইয়্যে সিয়েন্‌ পূরোণ গুরিবাত্তে গোজেনত্তুন্‌ ঘটনাগান্‌ এধোক্ক্যেন গুরিনে ঘুদিলো।

যাত্রা 11:10

এ আমক্‌ অবার কামানি মোশি আর হারোণে ফরৌণ মুজুঙোত্‌ গুরিলাক্, মাত্তর্‌ লগেপ্রভু ফরৌণ মনান্‌ দর গুরি দিলো বিলিনে তে তার্‌ দেজছানত্তুন্‌ ইস্রায়েলীয়গুনোরে যেবাত্তে ন-দিলো।

যাত্রা 4:21

লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যাত্রা 7:14

সেক্কে লগেপ্রভু মোশিরে কলঅ, “ফরৌণ মনান্‌ দরঅ ওই আঘে, সেনত্যে তে মানুচ্চুনোরে যেবাত্তে ন-দের্‌।

যিশাইয় 48:4

কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

আবিলেচ্ 3:65

তারার্ মনানি দর গর্, আর তঅ অভিশাব্‌‌‌‌পান তারা উগুরে পোড়োক্।

গণাণা 21:23

মাত্তর্‌ সীহোনে তার রেজ্যর্ ভিদিরেন্দি ইস্রায়েলীয়গুনোরে যেবাত্তে ন-দিলো। তে তার্‌ বেক্‌ সৈন্যদলুন নেযেইনে ধূল্যেচর-চাগালাত্‌ ইস্রায়েলীয়গুনোর বিরুদ্ধে যুদ্ধো গুরিবাত্তে গেলঅ। তে যহস শঅরত্‌ আঝিল্ ওইনে ইস্রায়েলীয়গুনো সমারে যুদ্ধো গুরিলো।

গণাণা 21:33

সে পরেদি তারা ঘুরিনে বাশন দেজর্‌ পদ্‌থান্ ধুরিনে যাহ্ ধুরিলাক্। সেক্কে বাশনর রাজা ওগ তার বেক্‌ সৈন্য-সামন্ত লোইনে নিগিলি এইনে তারা সমারে যুদ্ধো গুরিবাত্তে ইদ্রিয়ী শঅরত্‌ আঝিল্ অলাক।

গণাণা 21:34

সেক্কে লগেপ্রভু মোশিরে কলঅ, “রাজা ওগরে ন-দোরেয়ো, কিত্যে মুই তার্‌ দেজ্‌ছান আর তারে আর তার্‌ বেক্‌ সৈন্য-সামন্তরে তর্‌ আঢর্ মুদোত্‌ দি দুয়োং। ইমোরীয়গুনোর রাজা সীহোন, যে হিষ্‌বোনোত্‌ রাজাগিরি গুরিদো, তুই তার্‌ অবস্থাগান্ যিয়েন গোজ্জ্যস্‌ তার্‌ অবস্থায়ো সেধোক্ক্যেন্ গুরিবা।”

দ্বি’লম্বর বিররণ 2:31

পরেন্দি লগেপ্রভু মরে কলদে, চঅ, সীহোন আর তার্‌ রেজ্যগান্‌ মুই তমা আদত্‌ তুলি দিবাত্তে আরাম্ভ গোজ্যং। তুমি ইক্কিনে যেইনে তা দেজ্‌ছান্‌ জিদিবার কামত্‌ আত্‌ দুয়ো আর সিদু বজত্তি গুরিবাত্তে আরাম্ভ গরঅ।

বিচের গুরিয়্যেগুন 11:20

মাত্তর্‌ সীহোন ইস্রায়েলীয়গুনোরে বিশ্বেজ্ ন-গুরিনে তা দেজর ভিদিরেন্দি তারারে যেবাত্তে উগুম্‌ ন-দিলো। তে তার্‌ বেক্‌ মানুচ্চুনোরে এগত্তর্ গুরিনে যহসত্‌ তাম্বুলান্ ফেলেল আর ইস্রায়েলীয়গুনো সমারে যুদ্ধো গুরিলো।