দ্বি’লম্বর বিররণ 2:25 - Chakma Bible

²⁵ এচ্চ্যেত্তুন্‌ ধুরি মুই পিত্‌থিমীর বেক্‌ জাদ ভিদিরে তমা পৌইদ্যেনে এক্কান দর্‌গরেদে ভাব আর গির্‌গিরেনি ধরানা আরাম্ভ গুরিম্‌। তারা তমার কধানি শুনিলে গির্‌গিরেবাক্‌ আর তমাত্যে তারার্‌ মনানিত্‌ অমকদ ভান্ন্যেই চিদে জাগিবো।

দ্বি’লম্বর বিররণ 2:25 ပူးပေါင်းရင်းမြစ်များ

পত্থম 35:5

সে পরেদি তারা যাহ্ ধুরিলাক্। তারা যেবার্‌ পদথ্‌ গোজেনে চেরোকিত্তে শঅর মানুচ্চুনো ভিদিরে এক বাবোত্যে দর্ বুগ্ লাগেল যিয়েনত্তে যাকোব পিজেদি কনজনে আর্ ন-লোড়েলাক্।

১ বংশধর 14:17

এধোক্ক্যেন গুরিনে দায়ূদো সুনাঙান্‌ বেক্‌ দেজ্‌ছানিত্‌ ছিদি পড়িলো, আর লগেপ্রভু বেক্‌ জাত্‌তুনো ইদু তা পৌইদ্যেনে এক্কান্‌ দর্ দর্ মনভাব জাগেই দিলো।

গীতসংহিতা 105:38

তারার যানা দেগিনে মিসরীয়গুনে হুজি ওইয়োন্, কিত্তে তারা ইস্রায়েলীয়গুনোরে অমকদ দোরেদাক্।

যাত্রা 23:27

তুমি যিদুক্কুন্‌ জাদ ইদু যেবা তারার মনত্‌ মঅ পৌইদ্যেনে এক্কান্‌ দর্‌গরেপারা মনভাব্‌ মুই আগে আগে জাগেই দিম্‌ আর তারা ভিদিরে এক্কান্‌ ওলোজোলো গুরি দিম। তমার বেক্‌ শত্রুগুনে পিজেদি ফিরিনে ধেই যেবাক্।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

গণাণা 22:3

এদক্‌ মানুচ্‌ দেগিনে মোয়াবীয়গুনে দোরেয়োন্‌। ইস্রায়েলীয়গুনোরে দেগিনে হামাক্কায় মোয়াবীয়গুনে অমহদ দোরেয়োন।

দ্বি’লম্বর বিররণ 11:25

কনঅ মান্‌জ্যে তমা মুজুঙোত্‌ থিয়্যেই ন-পারিবাক্। তুমি সে দেজর্‌ যিয়েনত্ যেবা তমা গোজেন লগেপ্রভু তার্‌ এগেম্ মজিম সে জাগানর্ মানুচ্চুনোর মনত্‌ তমা পৌইদ্যেনে এক্কান দর্‌ গরেদে মনভাব আর গির্‌গিরেনি ধোরেই দিবো।

দ্বি’লম্বর বিররণ 28:10

সেক্কে পিত্‌থিমীর বেক্‌ জাদ্‌তুনে দেগিবাক্কে, লগেপ্রভুর নাঙে তমার পরিচয়, আর সেক্কে তারা তমারে দোরেইনে চলিবাক।

যিহোশূয় 10:2

ইয়েন্দোই তে আর তা মানুচ্চুনে অমকদ দোরেলাক্‌, কিত্যে গিবিয়োনান্‌ এলদে রাজধানী ধোক্ক্যেন্‌ এক্কান দাঙর্‌ শঅ‌র। ইয়েন এলদে অয় শঅ‌রত্তুনঅ দাঙর আর সিয়েনর বেক্‌ মরদ মানুচ্চুন্‌ বোলী এলাক্।

যিহোশূয় 9:24

জোবত্‌ তারা যিহোশূয়রে কলাক্‌, “এই গোদা দেজ্‌ছানই তমারে দিবাত্তে আর তমা মুজুঙোত্তুন্‌ এ দেজছানর্‌ বেক্কুনোরে পুজি ফেলেবাত্তে যে উগুমান তঅ‌ গোজেন লগেপ্রভু তা চাগর্‌ মোশিরে দিয়্যে সিয়েন গমেডালেই তর্‌ এই চাগরুনোরে কুয়ো ওইয়্যে। সেনত্তে তমা পৌইদ্যেনে বেক্‌ কধানি শুনিনে পরাণর দরে আমি এ কামানি গোজ্যই।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।