দ্বি’লম্বর বিররণ 2:14 - Chakma Bible

¹⁴ কাদেশ-বর্ণেয় ছাড়িনে সেরদ কিঝিঙান্‌ পার্‌ ওই এত্তে আমার্‌ আটত্রিশ বজর্‌ কাদি যেইয়্যে। কাদেশ-বর্ণেয় ফেলেই এবার্‌ আগেন্দি তাম্বুলোত্‌ যিদুক্কুন্‌ সৈন্য এলাক তারা বেক্কুনে এ আটত্রিশ বজর ভিদিরে লগেপ্রভুর শমক্‌ গোজ্যে কধা মজিম মুরি যেইয়োন।

দ্বি’লম্বর বিররণ 2:14 ပူးပေါင်းရင်းမြစ်များ

গীতসংহিতা 106:26

সেনত্তে তে তারা পৌইদ্যেনে শমক্ খেলঅ- তে ধূল্যেচর-চাগালাত্ তারারে শেজ্ গুরি দিবো,

গীতসংহিতা 90:15

যেদকদিন সং তুই আমা বাড়্ গরানাগানি ভাঙি দিবার কাম গোজ্যস্, যেদক বজর আমি দুঘোত্ এলং, সেদক বজর তুই আমারে সুগেই রাগেয়োচ্।

গীতসংহিতা 90:3

মান্‌জ্যরে তুই ধূল্যেত্ ফিরি নেযাচ্; তুই কোই থাচ্, “ও মানুচ্চুনোর পুঅগুন, তুমি আরঅ ধূল্যেত্ ফিরি যঅ।”

গীতসংহিতা 90:9

তর্ অমকদ রাগর তলেন্দি আমা দিনুন কাদেই; নিজেস ধোক্ক্যেন আমা বজরুন্ থুম্ ওই যান।

গীতসংহিতা 95:11

সেনত্তে মুই রাগে শমক্ হেইনে কোইয়োঙে, “মর্ দিয়্যে জিরেবার জাগানত্ তারা যেই ন-পারিবাক্। ”

যিহিষ্কেল 20:15

ইয়েনিবাদেয়ো সেই ধূল্যেচর-চাগালাত্ তারা ইধু মুই শমক্ হেইয়োঙ্, মর্ দিয়্যে দেজ্-যে দেজত্ দুধ, মধু আর কনঅ কিজুর্ অভাব নেই, যে দেজ্‌‌‌‌‌চান বেক্ দেজ্‌‌‌‌‌চানিত্তুন সেরা-সে দেজত্ মুই তারারে ন-নেযেম।

গণাণা 1:1

ইস্রায়েলীয়গুনে মিসর দেজত্তুন্‌ নিগিলি এজানার্‌ পরেদি দ্বিবজরর্‌ দ্বিমাজর্‌ পত্তম দিনোত্‌ লগেপ্রভু সিনাই ধূল্যেচর চাগালাত্‌ মিলন-তাম্বুলো ভিদিরে মোশির লগে কধা কোইয়্যে। তে কলদে,

গণাণা 13:26

সেই নেতাগুনে পারণ ধূল্যেচর চাগালার্ কাদেজত্‌ মোশি, হারোণ আর বেক্‌ ইস্রায়েলীয়গুনো ইদু ফিরি এলাক। তারা মোশি, হারোণ আর অন্য মানুচ্চুনোর ইদু বেক্‌ কধানি জানেলাক আর সেই দেজর্‌ গুলোগুলিগুন দেগেলাক।

গণাণা 32:11

যে দেজ্‌চান্‌ দিবার্‌ কধা মুই অব্রাহামরে, ইস্‌হাকরে আর যাকোব ইদু শমক্‌ খেইনে এগেম্ গোজ্যং মিশরত্তুন্‌ নিগিলি এচ্চ্যে কুড়ি বা তাত্তুন্‌ বেশ্‌ বয়জর্‌ মানুচ্চুনো ভিদিরে কনজনে সিয়েন্‌ ন-দেগিবাক্, কিত্যে তারা মর্‌ কধানি পুরোপুরি মানি ন-চলন্।

১ করিন্হীয় 10:5

তো গোজেনে সেই মানুচ্চুনো ভিদিরে বেশির্ ভাগ মান্‌জ্য উগুরে হুজী ন-এলঅ। সেনত্তে তারার্ মরা কিয়্যেনি ধূল্যেচর-চাগালাত্ পড়ি রলঅ।

দ্বি’লম্বর বিররণ 1:19

ইয়েনর্ পরেদি আমা গোজেন লগেপ্রভুর উগুমে আমি হোরেব মুড়োবো ছাড়িনে ইমোরীয়গুনোর্‌ মুড়োমুড়ি চাগালান্দি আদা মারিলোং। কেধোক্ক্যেন দাঙর্‌ আর কেধোক্ক্যেন দর্‌গরেপারা ধূল্যেচর-চাগালার ভিদিরেন্দি আমার্‌ যাহ্ পোজ্যে সিয়েন্‌ তুমি দেখ্য। এধোক্ক্যেনগুরি আমি কাদেশ-বর্ণেয়ত যেইনে লুমিলোং।

দ্বি’লম্বর বিররণ 1:2

হোরেবত্তুন্‌ সেয়ীর মুড়োবোর পথ্‌তান্‌ ধুরিনে কাদেশ-বর্ণেয় সং যাদে এগার দিন লাগে।

দ্বি’লম্বর বিররণ 1:46

এধোক্ক্যেনগুরি তুমি কাদেজত্‌ ভালোক দিন রোইয়ো আর সিয়োদোই তমার্‌ ভালোক দিন কাদা গেলঅ।

দ্বি’লম্বর বিররণ 2:13

পরেদি লগেপ্রভু কলঅ, ইক্কিনে তুমি উদিনে সেরদ কিঝিঙান্‌ পার্‌ ওইনে যঅ। আর আমি সিয়েন্‌ পার্‌ ওইনে এলং।

দ্বি’লম্বর বিররণ 2:16

“সেই বেক্‌ সৈন্যগুনে মুরি যানার্‌ পরেন্দি লগেপ্রভু মরে কোইয়্যেদে, ‘এচ্চ্যে তমার্‌ আর শঅরর্‌ এক কিত্তেন্দি মোয়াব দেজর্‌ দুঝি ছাড়িনে যাহ্ পুরিবো।

দ্বি’লম্বর বিররণ 2:7

তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গোজ্যে। এই দাঙর্‌ ধূল্যেচর-চাগালার্‌ ভিদিরেন্দি যেবার্‌ অক্তত্‌ তে তমারে দেগাশুনো গোজ্যে। এই চোল্লিশ্‌ছুয়ো বজর্‌ তমা গোজেন লগেপ্রভু তমা লগে লগে থেইয়্যে আর তমার্‌ কনঅ কিজুর্‌ অভাব ন-এলঅ।

যিহোশূয় 24:7

মাত্তর্‌ ইস্রায়েলীয়গুনে মইদু কানাকুদি গুরিলে পরেন্দি মুই তারার্‌ আর মিসরীয়গুনোর সংমোধ্যে আন্ধার্‌ গুরি দিলুং। মুই মিসরীয়গুনো উগুরে সাগরর্‌ পানিগান্‌ ফিরেই আনিনে তারারে ভাজেই দিলুং। মিসরীয়গুনোর অবস্থা মুই কি গোজ্যং সিয়েন দঅ‌ তুমি নিজেই দেক্কো। সে পরেন্দি তুমি ভালোক্‌ দিন ধূল্যেচরর্‌-চাগালাত্‌‌ বজত্তি গোজ্য।

যিহোশূয় 5:4

যিয়েনত্তে তে এ কামান্‌ গুরিলো সিয়েন অলঅ‌: যুদ্ধোত্‌ যেবাত্তে বয়স ওইয়্যে এধোক্ক্যেন যিদুক্কুন মরদ মানুচ্‌ মিসর দেজত্তুন নিগিলি এচ্ছ্যন্‌ তারা মিসরান্ ছাড়ি এজানার পরেন্দি পদথ্‌ ধূল্যেচর-চাগালাত্‌ মুরি যেইয়োন্‌।

যিহোশূয় 5:6

মিসরত্তুন নিগিলি এজানার্‌ সলাবোত্‌ যিগুনোর যুদ্বো গরেদে ধোক্ক্যেন্‌ বয়স ওইয়্যে তারা বেক্কুনে মুরি ন-যানা সং চোল্লিশ বজর ইস্রায়েলীয়গুনোরে ধূল্যেচর-চাগালাত্‌ ঘুরো পোজ্যে, কিত্যে তারা লগেপ্রভুর কধানি ন-মানন্‌। লগেপ্রভু তারারে শমক্‌ খেইনে কোইয়্যেদে, তারার পুরোণি মানুচ্চুনো ইদু দুধ আর মধুলোই ভোজ্যে যে দেজ্‌চান আমারে দিবো বিলিনে শমক্‌ খেইয়্যে সিয়েন্‌ তারা চেই ন-পেবাক্‌।

যিহূদা 1:5

তুমি খালিক্ এ বেপারানি গমেডালে কোই পারঅ; তো মুই তমারে এ কধাগান ইদোত্ তুলি দিবাত্যে চাং, মিসর দেজত্তুন্ ইস্রায়েলীয়গুনোরে উদ্ধোর্ গুরি আনিবার পরেদি যিগুনে বিশ্বেজ্ ন-গরন প্রভু তারারে ভস্ত গোজ্জ্যে।