দ্বি’লম্বর বিররণ 2:13 - Chakma Bible

¹³ পরেদি লগেপ্রভু কলঅ, ইক্কিনে তুমি উদিনে সেরদ কিঝিঙান্‌ পার্‌ ওইনে যঅ। আর আমি সিয়েন্‌ পার্‌ ওইনে এলং।

দ্বি’লম্বর বিররণ 2:13 ပူးပေါင်းရင်းမြစ်များ

গণাণা 13:23

নেতাগুনে ইষ্কোল কিঝিঙোত্‌ যেইনে এক থৈল্যে আংগুরসুদ্দো এক্কো ডেলা কাবি নিলাক। তারা ভিদিরে দ্বিজনে সিগুন লুুদিগোত্‌ বানিনে লোই এলাক। ইগুন বাদেয়ো তারা কয়েক্কো ডালোম আর ডোমোর গুলোয়ো লোই আনিলাক।

গণাণা 21:12

সে পরেদি সিয়োত্তুন্‌ আদা মারিনে তারা সেরদ কিঝিঙোত্‌ যেইনে তাম্বুলান্‌ ফেলেলাক।

গণাণা 21:13

সিয়োত্তুন্‌ আদা মারিনে তারা অর্ণোন গাঙর্‌ উইপারত্‌ যেইনে তাম্বুলান ফেলেলাক্। ইমোরীয়োগুনো দেজত্তুন্‌ যে ধূল্যেচর-চাগালাগান্‌ আরাম্ভ ওইয়্যে সিয়েন ভিদিরে এলদে এই অর্ণোন গাঙান। গাঙানর্‌ এক কিত্তেন্দি এলদে মোয়াব আর অন্য কিত্তেন্দি এলদে ইমোরীয়োগুনোর দেজ্‌ছান।

দ্বি’লম্বর বিররণ 2:12

সেয়ীরত্‌ হোরীয়গুনে বজত্তি গুরিদাক, মাত্তর্‌ পরেন্দি এষৌর বংশধরুনে তারারে সিয়োত্তুন্‌ ধাবেই দুয়োন। লগেপ্রভু সোম্বোত্তি ইজেবে ইস্রায়েলীয়গুনোরে যে দেজ্‌ছান্‌ দিয়্যে সিয়েনত্‌ তারা যিয়েনি গোজ্যন্‌ এষৌর্‌ বংশধরুনেয়ো ঠিগ্ সিয়েনোই গুরিলাক; তারা হোরীয়গুনোরে শেজ্ গুরি দিইনে তারার্‌ জাগানিত্‌ নিজে বজত্তি গরা ধুরিলাক্‌।

দ্বি’লম্বর বিররণ 2:14

কাদেশ-বর্ণেয় ছাড়িনে সেরদ কিঝিঙান্‌ পার্‌ ওই এত্তে আমার্‌ আটত্রিশ বজর্‌ কাদি যেইয়্যে। কাদেশ-বর্ণেয় ফেলেই এবার্‌ আগেন্দি তাম্বুলোত্‌ যিদুক্কুন্‌ সৈন্য এলাক তারা বেক্কুনে এ আটত্রিশ বজর ভিদিরে লগেপ্রভুর শমক্‌ গোজ্যে কধা মজিম মুরি যেইয়োন।