দ্বি’লম্বর বিররণ 2:11 - Chakma Bible

¹¹ অনাকীয়গুনো ধোক্ক্যেন এমীয়গুনোরেয়ো রফায়ীয় কুয়ো অদঅ মাত্তর্‌ মোয়াবীয়গুনে তারারে কদাক্ এমীয়।

দ্বি’লম্বর বিররণ 2:11 ပူးပေါင်းရင်းမြစ်များ

পত্থম 14:5

সে পরেদি বজরত্‌ রাজা কদর্লায়োমর আর তা সমাজ্যে রাজাগুনে যেইনে রফায়ীয়গুনোরে, সুষীয়গুনোরে, এমীয়গুনোরে আর হোরীয়গুনোরে ওদেই দিলাক্। তারা রফায়ীয়গুনোরে ওদেই দিলাক্‌ অস্তরোৎ-কর্ণয়িমত, সুষীয়গুনোরে ওদেই দিলাক্ হমত্‌, এমীয়গুনোরে ওদেই দিলাক্‌ শাবি-কিরিয়াথয়িমোত্‌ আর হোরীয়গুনোরে ওদেই দিলাক্‌ এল-পারণর সোজা সেয়ীরর মুড়ো-মুড়ি চাগালাত্‌। এল-পারণান এলদে ধূল্যেচর-চাগালা কায়কুরে।

পত্থম 6:4

গোজেন পুয়োগুন লগে এ মিলেগুনোর মিজেনার কারনে যে পুয়োগুনোর্ জর্ম অলঅ তারা এলাক্ পুরোণি দিনোর নাঙ্‌ গিন্যে বোলী মানুচ্‌। সে সময়োত্‌ আর তা পরেদিয়ো পিত্‌থিমীত্‌ নেফিলীয় নাঙে এক জাদর মানুচ্‌ এলাক্।

২ শমূয়েল 21:16

সেক্কে যিশ্‌বী-বনোব নাঙে এক্কো রফায়ীয় নূয়ো সাজ্‌গুজ্ গুরি সাজিনে দায়ূদোরে মারে ফেলেবাত্তে এলঅ। তা সেল্লোর পিদোল মাধাবোর্‌ ওজন এলদে পেরায় চের্‌ কেজি।

গণাণা 13:22

তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।

গণাণা 13:28

মাত্তর্‌ যিগুনে সেই জাগানত্‌ বজত্তি গত্তন্‌ তারার্‌ কিয়্যেত্‌ বল্‌ বেশ্‌ আর তারার শঅরানিয়ো অমহদ দাঙর্‌ দাঙর্‌ আর দেবাল্‌লোই ঘিজ্যে। অনাকর বংশর মানুচ্চুনোরেয়ো আমি সিয়েনত্‌ দেক্ক্যেই।

গণাণা 13:33

আমি সিয়েনত্‌ নেফিলীয়গুনোরে দেক্ক্যেই। অনাকর্‌ বংশর মানুচ্চুনে দঅ জাদত্‌ নেফিলীয়। তারারে দেগিনে আমি নিজোরে মনে গুরিলোং ঘাস-ফিরিং আর তারায়ো আমারে সেধোক্ক্যেন মনে গুরিলাক।”

দ্বি’লম্বর বিররণ 1:28

আমি কেধোক্ক্যেনগুরি সিদু যেবং? আমা ভেইয়ুনে আমা মনানি ভাঙি দুয়োন। তারা কদন্দে, সিদুগোর্‌ মানুচ্চুনে তারাত্তুন্‌ বেশ্‌ বোলী আর লাম্বা; তারার্‌ শঅরানিয়ো দাঙর্‌ দাঙর্‌ আর তারার্‌ চেরোকিত্তে রোইয়্যেদে আগাজত্‌-দুস্যে দেবাল্‌। সিয়েনত্‌ তারা অনাকীয়গুনোরেয়ো দেখ্যন।

দ্বি’লম্বর বিররণ 2:20

সেই দেজ্‌ছানরে রফায়ীগুনোর্‌ দেজ্‌ বিলিনেয়ো মনে গরা অদঅ, কিত্যে সিদু তারা আগে বজত্তি গুরিদাক; অম্মোনীয়গুনে তারার্‌ সম্‌সুম্মীয় জাদর্‌ মানুচ্‌ কদাক্‌।

দ্বি’লম্বর বিররণ 3:11

রফায়ীয়গুনোর্‌ বাদবাগি মানুচ্চুনো ভিদিরে বানা বাশনর রাজা ওগয়ই বাঁজি এলঅ। তার্‌ লুয়োর্‌ বানেয়্যে ঘুম্‌ যেবার্‌ খাট্টান এলদে লাম্বান্দি প্রমাণ গোজ্যে আত্তোই নয় আত্‌ আর পাদাজ্যে চের্‌ আত্‌। সিয়েন্‌ এজঅ অম্মোনীয়গুনোর্‌ রব্বা শঅরত্‌ আঘে।

দ্বি’লম্বর বিররণ 9:2

সিদুগোর্‌ মানুচ্চুনে অনাকীয়; তারা লাম্বা আর বোলী। তুমি অনাকীয়গুনো পৌইদ্যেনে হবর্‌ পঅ; তারা পৌইদ্যেনে তুমি এ কধাগান্‌ কবাত্তে শুন্ন্য, অনাকীয়গুনোর্‌ বিরুদ্ধে যেই পারন্‌ এধোক্ক্যেন মানুচ্‌ কুদু?