দ্বি’লম্বর বিররণ 2:10 - Chakma Bible

¹⁰ আগে এমীয়গুনে সেই চাগালাত্‌ বজত্তি গুরিদাক। এমীয় জাদর্‌ মানুচ্চুনে এলাক্কে বোলী, সোংখ্যেন্দি ভালোক্কুন্‌ আর অনাকীয়গুনো ধোক্ক্যেন লাম্বা।

দ্বি’লম্বর বিররণ 2:10 ပူးပေါင်းရင်းမြစ်များ

পত্থম 14:5

সে পরেদি বজরত্‌ রাজা কদর্লায়োমর আর তা সমাজ্যে রাজাগুনে যেইনে রফায়ীয়গুনোরে, সুষীয়গুনোরে, এমীয়গুনোরে আর হোরীয়গুনোরে ওদেই দিলাক্। তারা রফায়ীয়গুনোরে ওদেই দিলাক্‌ অস্তরোৎ-কর্ণয়িমত, সুষীয়গুনোরে ওদেই দিলাক্ হমত্‌, এমীয়গুনোরে ওদেই দিলাক্‌ শাবি-কিরিয়াথয়িমোত্‌ আর হোরীয়গুনোরে ওদেই দিলাক্‌ এল-পারণর সোজা সেয়ীরর মুড়ো-মুড়ি চাগালাত্‌। এল-পারণান এলদে ধূল্যেচর-চাগালা কায়কুরে।

২ শমূয়েল 21:16

সেক্কে যিশ্‌বী-বনোব নাঙে এক্কো রফায়ীয় নূয়ো সাজ্‌গুজ্ গুরি সাজিনে দায়ূদোরে মারে ফেলেবাত্তে এলঅ। তা সেল্লোর পিদোল মাধাবোর্‌ ওজন এলদে পেরায় চের্‌ কেজি।

গণাণা 13:22

তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।

দ্বি’লম্বর বিররণ 1:28

আমি কেধোক্ক্যেনগুরি সিদু যেবং? আমা ভেইয়ুনে আমা মনানি ভাঙি দুয়োন। তারা কদন্দে, সিদুগোর্‌ মানুচ্চুনে তারাত্তুন্‌ বেশ্‌ বোলী আর লাম্বা; তারার্‌ শঅরানিয়ো দাঙর্‌ দাঙর্‌ আর তারার্‌ চেরোকিত্তে রোইয়্যেদে আগাজত্‌-দুস্যে দেবাল্‌। সিয়েনত্‌ তারা অনাকীয়গুনোরেয়ো দেখ্যন।

দ্বি’লম্বর বিররণ 2:11

অনাকীয়গুনো ধোক্ক্যেন এমীয়গুনোরেয়ো রফায়ীয় কুয়ো অদঅ মাত্তর্‌ মোয়াবীয়গুনে তারারে কদাক্ এমীয়।