দ্বি’লম্বর বিররণ 19:8 - Chakma Bible

^8-9 তমার গোজেন লগেপ্রভুরে কোচ্‌পেবার আর আমিঝে তা পধেদি চলিবার এ যেদক্কানি উগুম মুই এচ্চ্যে তমারে দুয়োঙর্‌ সিয়েনি যুনি তুমি গমেডালে পালন গরঅ সালে তমার পুরোণি মানুচ্চুনো ইদু শমক্‌ খেইয়্যে এগেম্ মজিম তমার গোজেন লগেপ্রভু তমার দেজর্‌ দুঝিবো বাড়েই দিবো আর গোদা দেজ্‌ছান তমারে দিবো। সেক্কে তুমি নিজোত্যে আশ্রয়-শঅর ইজেবে আরঅ তিনেন্ শঅর যুদো গুরি রাগেবা।

দ্বি’লম্বর বিররণ 19:8 ပူးပေါင်းရင်းမြစ်များ

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

১ রাজাবলী 4:21

ইউফ্রেটিস গাঙত্তুন্‌ আরাম্ভ গুরিনে মিসর আর পলেষ্টীয়গুনোর দেজর্‌ ধুজি সং বেক্‌ রেজ্যগানি শলোমনর্ শাজন্ অধীনোত্‌ এলঅ। শলোমনে যেদকদিন বাঁজি এলঅ সেদকদিন এ দেজ্‌ছানি তারে চান্দা দিদো আর তা অধীনোত্‌ এলঅ।

ইষ্রা 4:20

খেমতাবলা রাজাগুনে ‍যিরূশালেমত্তুন্ ধুরি ইউফ্রেটিস গাঙর্ পোজিম্ পারর্ বেক জাগায়ানিত্ রাজাগিরি গুরি এচ্চ্যন্ আর সিদুগোর্ মানুচ্চুনে তারার্ খাজনা, কর্‌ আর শুল্ক দুয়োন্।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

যাত্রা 34:24

দেজ ভিদিরে বেক্‌ জাদ্‌তুনোরে মুই তমা মুজুঙোত্তুন্‌ ধাবেই দিম্‌ আর তমার দেজর্‌ দুযিবো বাড়েই দিম্‌। বজরে তিনবার্‌ গুরি যেক্কে তুমি তমার্‌ গোজেন লগেপ্রভুর্‌ মুজুঙোত্‌ আঝিল্ অবাত্তে যেবা সেক্কে কনজনে তমা জাগা-জোমিগানি উগুরে লুভ্‌ ন-গুরিবাক্‌।

দ্বি’লম্বর বিররণ 12:20

তমার গোজেন লগেপ্রভু তার এগেম্ মজিম তমার দেজর্‌ দুঝিগান বাড়েই দেনার পরেন্দি যেক্কে তুমি য়েরা হেবার আওজে কবা, য়েরা হেবং, সেক্কে তুমি আওজ্ মজিম্‌ য়েরা হেই পারিবা।

দ্বি’লম্বর বিররণ 19:7

সেনত্যে মুই তমার নিজোত্যে তিনেন্‌ শঅর যুদো গুরি রাগেবার উগুম্‌ দুয়োঙর।