দ্বি’লম্বর বিররণ 19:2 - Chakma Bible

^2-3 সেক্কে সোম্বোত্তি ইজেবে তমার গোজেন লগেপ্রভুর দিয়্যে গোদা দেজ্‌ছান তুমি তিন ভাগে ভাগ গুরি নেযেবা। সিয়েন ভিদিরেত্তুন আশ্রয়-শঅর ইজেবে তিনেন্ শঅর তুমি যুদো গুরি নেযেবা আর সিয়েনত যেবার পথ্‌তান যুক্কোল গুরি নেযেবা। সালে কনজনে যুনি কারঅ আঢত্‌ মারা পড়ন্‌ সালে যে মাজ্যে তে তার্‌ কায়-কুরে আশ্রয়-শঅরত্‌ ধেই যেই পারিবো।

দ্বি’লম্বর বিররণ 19:2 ပူးပေါင်းရင်းမြစ်များ

যাত্রা 21:13

মাত্তর্‌ খুন গুরিবার্‌ সল্লা যুনি তার্‌ ন-থায়্‌, যুনি ইয়েন্‌ অদাদৎ ঘুদি যেইয়্যে কনঅ‌ ঘটনা অয়্‌ যেনে মুই মানা ন-গরং, মাত্তর্‌ তে এন্ এক্কান জাগাত্‌ ধেই যেই পারিবো যিয়েন মুই তমাত্যেই ঠিগ্ গুরি দিম্‌।

দ্বি’লম্বর বিররণ 3:18

সে পরেন্দি মুই তারারে কলুং, তমার গোজেন লগেপ্রভু এ জাগায়ান তমারে গজক্ গুরিবাত্তে দিয়্যে। মাত্তর্‌ তমা ভিদিরে যিগুনোর্‌ কিয়্যেত্‌ গং আঘে সেই বেক্‌ মানুচ্চুনোরে যুদ্ধোত্তে যুক্কোল্‌ ওইনে ইস্রায়েলীয় ভেইয়ুনোর্‌ আগে আগে গাঙান্‌ পার্‌ ওইনে যাহ্ পুরিবো।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।