17 মাত্তর্ সে পৌইদ্যেনে জোড়িত সে দ্বিজনরে সিদুগোর্ ধর্মগুরু আর বিচেরক্কুনো ইদু যেইনে লগেপ্রভুর মুজুঙোত্ থিয়্যে পুরিবো।
সেক্কে তা গিরোজ্সো তারে গোজেন ইদু আঝিল্ গুরিবো। সে পরেন্দি দোর্ বা দোরানর্ ফ্রেমান ইদু তারে নেযেইনে ড্রিল্ মেশিন্দোই তার্ কানান্ ফুদো গুরি দিবো। সেক্কে তে সারা জীংকানিবর্ তার্ গিরোজসোর্ চাগর্ ওই থেবঅ।
মাত্তর্ যুনি চুর্বো ধরা ন-পড়ে সালে ঘরর্ গিরোজ্সো নিজে সিয়েনি লোইয়্যে নাহি সিয়েনি ঠিগ্ গুরিবাত্তেই তাত্তুন্ গোজেন ইদু আঝিল্ উয়ো পুরিবো।
কনঅ মামলা-মগদ্দমা অলে ধর্মগুরুগুনে বিচেরগর্ কাম গুরিবাক্ আর মর্ উগুম মজিম্ সিয়েনর রায় দিবাক্। মর্ ঠিগ্ গোজ্যে বেক পরব্পুনোত্তে তারা মর্ রীদি-সুদোমানি আর সুদোমানি পালেবাক্ আর জিরেবার দিনুনোর পবিত্রতাগান রোক্ষ্যে গুরিবাক্।
আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।
তমার গোজেন লগেপ্রভু তমারে যেদক্কানি আদাম আর শঅর দিবাত্তে যার্ তার পত্তিগানিত্ পত্তি গুট্টিত্তে তুমি বিচেরক আর কামগুরিয়্যে নেযেবা। তারা দোলেডালে মানুচ্চুনোর বিচের গুরিবাক্।
তুমি সেক্কে সে সময়র্ বিচেরক আর লেবীয়গুনো ভিদিরে যিগুনে ধর্মগুরু তারা ইদু যেবা। তুমি বিষয়ান তারারে বুঝেইনে কবা আর তারাই তমারে সে বিচেরর্ রায়য়ান্ দিবাক।
সে পরেন্দি ধর্মগুরুগুনে, অত্তাৎ লেবি-গুট্টির মানুচ্চুনে মুজুঙেন্দি উজেই যেবাক, কিত্যে সেবা-কাম গুরিবাত্তে, লগেপ্রভুর নাঙে আশিদ্বাদ ফগদাং গুরিবাত্তে আর কোল্-কোজ্জে আর মার্পিদোর বিচের্ গুরিবাত্তে তমার গোজেন লগেপ্রভু তারারেয়ো বেঈ লোইয়্যে।
যুনি মানুচ্চুনো ভিদিরে কোল্-কোজ্যে দেগা যায় আর সিয়েন আদালদত্ নেযা অয় সালে বিচারক্কুনে তার্ বিচের গুরিনে নিদ্দুজীবোরে নিদ্দুজী আর দুজীবোরে দুজী বিলিনে রায় দিবাক।