দ্বি’লম্বর বিররণ 19:10 - Chakma Bible

¹⁰ তুমি ইয়েন গুরিবা যেনে সোম্বোত্তি ইজেবে যে দেজ্‌ছান তমার গোজেন লগেপ্রভু তমারে দিবাত্তে যার্‌ সে দেজ উগুরে নিদ্দুজি মানুচ্চুনোর লো ন-ঝরে আর লো ঝরানার দুষে তুমি দুষি ন-অ।

দ্বি’লম্বর বিররণ 19:10 ပူးပေါင်းရင်းမြစ်များ

১ রাজাবলী 2:31

সেক্কে রাজা বনায়রে এ উগুমান দিলো, “তে যিয়েনি কোইয়্যে সিয়েনোই গোরোক্‌। তারে মারে ফেলেইনে গোর্ দুয়ো। যোয়াবে যে নিদ্দুজি মান্‌জ্যরে লো ঝোরেয়্যে তার্ দুষ্‌ছানি তুই মর্‌ আর মঅ বাবর্‌ বংশত্তুন্‌ এবাবোত্যেগুরি দূর্ গুরি দে।

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

গীতসংহিতা 94:21

তারা গম মানুচ্চোর্ বিরুদ্ধে দল বানন্ আর নিদ্দুযিবোরে মরণর সাজা দিবাত্যে দুষি বানান্।

গম্ উপদেজ্ 6:17

বার্বো বার্বো চোগ, মিজেকধা কোইয়্যে জিলান্, গম্ মান্‌জ্যরে খুন্‌গোজ্যে যে আঢ্‌তানি,

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যোয়েল 3:19

মাত্তর্ মিসরান ভস্তর্ জাগা অবঅ আর ইদোমান ভস্ত ওই যেইয়্যে ধূল্যেচর-চাগালা অবঅ, কিত্যে যিহূদার মানুচ্চুনো উগুরে অত্যেচার গরা ওইয়্যে আর তারার্ দেজত্ নিদ্দুজির্ লো ঝরা ওইয়্যে।

যোনা 1:14

সেক্কে তারা লগেপ্রভুরে ডাগিনে কলাক্, “ও লগেপ্রভু, এ মানুচ্চোর মরণর্ কারনে আমাত্তুন্ যেন মরা ন-পড়ে। এক্কো নিদ্দুজি মান্‌জ্যর্ মরণর্ কারনে তুই আমারে দায়ী ন গুরিচ্, কিয়া ও লগেপ্রভু, তুই দঅ তর্ আওজ্ মজিম কাম গোজ্যস্।”

গণাণা 35:33

তুমি তমার্‌ দেজ্‌ছানরে ফিবলা ন-গুরিবা, কিত্যে লো নিগিলিলে দেজ্‌ছান ফি-বলা অয়। যে দেজত্‌ লো নিগিলে-নিগিলি ওইয়্যে লো দিয়োবোর্‌ লো বাদে আর কেধোক্ক্যেনগুরি সেই দেজর্‌ ফি-বলাগান্‌ ঢাগি দিয়্যে ন-যায়।

দ্বি’লম্বর বিররণ 19:13

তারে তুমি কনঅ দোয়্যে ন দেগেবা। তুমি ইস্রায়েলীয়গুনো ভিদিরেত্তুন্‌ নিদ্দুষী মানুচ্চুনোর লো-ঝরানার দুষ্‌চানি পুঝি ফেলেবা। সেক্কে তমার ভালেদি অবঅ।

দ্বি’লম্বর বিররণ 26:1

তমার গোজেন লগেপ্রভু যে দেজ্‌চান সোম্বোত্তি ইজেবে তমারে দিবাত্তে যার্‌ তুমি সিয়েন্‌ গজক্ গুরিনে যেক্কে সিয়েনত্ বজত্তি গরা ধুরিবা,

দ্বি’লম্বর বিররণ 4:21

তমাত্তে লগেপ্রভু মঅ উগুরে বেজার্‌ অলঅ। তে শমক্‌ খেইনে কোইয়্যেদে, সোম্বোত্তি ইজেবে যে অমকদ দোল্‌ দেজ্‌ছান তমার গোজেন্‌ লগেপ্রভু তমারে দিবাত্তে যার্‌, যর্দন গাঙান্‌ পার্‌ ওইনে মর্‌ সিদু যানা ন-অবঅ।

১ শমূয়েল 19:5

তে তার পরাণানরে নেযেইনে সেই পলেষ্টীয়গুনোরে মারে ফেলেয়্যে, আর লগেপ্রভু বেক্‌ ইস্রায়েলীয়গুনোরে জদবদে জিদেনাগান্ দান গোজ্যে; তুই দঅ সিয়েনি দেগিনে হুজি ওইয়োচ্‌। সালে ইক্কিনে তুই এনেবাদে দায়ূদোরে মারে ফেলেইনে কিত্তে একজন দুষ নেইয়্যে মান্‌জ্যর্‌ লো ঝোরেইনে তার বিরুদ্ধে পাপ গুরিবে?”