দ্বি’লম্বর বিররণ 18:8 - Chakma Bible

⁸ তা বাপ্পোর্‌ ফেলে যেইয়্যে পযাপিরানি বিঝিনে টেঙা পেলেয়ো সিদুগোর্ লেবীয়গুনো সমারে তে সং সং ভাগর অধিকারী অবঅ।

দ্বি’লম্বর বিররণ 18:8 ပူးပေါင်းရင်းမြစ်များ

২ বংশধর 31:4

ধর্মগুরু আর লেবীয়গুনে যেনে লগেপ্রভুর রীদি-সুদোমানি পালানা পৌইদ্যেনে নিজোরে পুরোপুরিভাবে কামত্‌ রাগেই পারন্‌ সেনত্তেই তারার্‌ পাওনা ভাগ্‌কো দিবাত্তে তে যিরূশালেমত্‌ বজত্তিগুরিয়্যে মানুচ্চুনোরে উগুম দিলো।

নহিমিয় 12:44

ভান্ডাল-ঘরত্‌ যিদুক্কুন্‌ দান, পত্তমে তুল্যে ফসল আর দশমাংশ আনা অদঅ সিগুন্‌ চেইচিদিবাত্তে সে অক্তত্‌ মানুচ্চুনোরে নেযা অলঅ। তারা আদামানির কায়-কুরে ক্ষেদত্তুন্‌ রীদি-সুদোম মজিম ধর্মগুরু আর লেবীয়গুনোত্তে মানুচ্চুনোর ইত্তুন্‌ ফসলর ভাগ্‌ লোই এদাক্‌। যিহূদার মানুচ্চুনে হুজি মনে দিদাক্‌, কিত্যে সেবাগুরিয়্যে ধর্মগুরু আর লেবীয়গুনোরে কামত্‌ তারা হুজি এলাক্‌।

নহিমিয় 12:47

সরুব্বাবিল আর নহিমিয়োর সময়োত্‌অ ইস্রায়েলীয়গুনে বেক্কুনে গানগেইয়্যেগুনোরে আর চুগিদারুনোরে পত্তিদিনোর্‌ পাইদে ভাগ্‌কুন দিদাক্‌। ইয়েনিবাদেয়ো তারা অন্য লেবীয়গুনোর পাইদে ভাগ্‌কুনঅ যুদো গুরি রাগেদাক্‌ আর লেবীয়গুনে যুদো গুরি রাগেদাক্‌ হারোণর বংশধরুনোর পাইদে ভাগ্‌কুন।

লেবীয় 27:30

“ভূইয়োত্তুন্‌ যিয়েনি পাহ্ যেবঅ তার্‌ দশ ভাগর্‌ এক ভাগ লগেপ্রভুর-সিয়েন্‌ ভূইয়োর্‌ ফসল ওক্‌ বা গাজর্‌ গুলোগুলি ওক্। সিয়েন্‌ লগেপ্রভুর্ নাঙে যুদো গুরি রাগেয়্যে ।

লেবীয় 7:14

লগেপ্রভুুরে দিবাত্তে তে সেই নানান ধরনর্‌ জিনিজোত্তুন্‌ এক এক্কান্ গুরি আনিবো। যে ধর্মগুরুবো উদোলোলি-উৎসর্বর্ য়েমান লো ছিদিবো ইগুন্‌ তার্‌ পাওনা অবঅ।

গণাণা 18:21

“ইস্রায়েলীয়গুনে তারার্‌ আয়র্‌ যে দশ ভাগর এক ভাগ মরে দিবাক সিগুন্‌ মুই পাওনা ইজেবে লেবীয়গুনোরে দিলুং। মিলন-তাম্বুলোর সেবা কামর্‌ বদলে তারা সিয়েনি পেবাক।

লূকে লেখ্যে গম্ হবর্ 10:7

সেই ঘরানত্ থেয়ো আর তারা যিয়েন্ দুয়োন্ সিয়েনই হেয়ো, কিয়া যে কাম্ গরে তে বেতন্ পেবার্ যগাজ্যে। এক্কান্ ঘর্ ফেলেইনে অন্য ঘরত্ ন-যেয়ো।

দ্বি’লম্বর বিররণ 18:7

মাত্তর্‌ অন্য লেবীয় ভেইয়ুনো ধোক্ক্যেন তেয়ো সিয়েনত্ তার গোজেন লগেপ্রভুর নাঙে সেবার কামানি গুরি পারিবো।