দ্বি’লম্বর বিররণ 18:6 - Chakma Bible

⁶ ইস্রায়েলীয়গুনো দেজর কনঅ লেবীয় যুনি তার থেবার জাগা ছাড়িনে ঘেচ্চেকগুরি আওজে লগেপ্রভুর বেঈ লোইয়্যে জাগানত যায়,

দ্বি’লম্বর বিররণ 18:6 ပူးပေါင်းရင်းမြစ်များ

গীতসংহিতা 26:8

ও লগেপ্রভু, যে ঘরত্ তুই বজত্তি গরচ্, তর্ মহিমাগান্ যিয়েনত্ থায়, সে জাগায়ান মুই কোচ্‌‌পাং।

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গীতসংহিতা 84:10

অন্য জাগাত্ আজার দিন কাদানাত্তুন্ তঅ ঘর উদোনত্ এক্কো দিন কাদানা বোউত্ গম; পাজি মানুচ্চুনোর তাম্বুলো ভিদিরে বজত্তি গরানাত্তুন্ বরং মর্ গোজেন ঘর দোরানর ইদু থিয়্যেই থানাগান্ বোউত্ গম।

গীতসংহিতা 84:5

তত্তুন্ যিগুনে বল্ পান তারা বর্‌পেইয়্যে। বর্‌পেইয়্যে তারা, যিগুনোর মনত্ সিয়োনত্ যেবার পদ চিন্তেগান আঘে।

গণাণা 35:5

পত্তি আদাম বা শঅরানি সংমোধ্যেন্দি রাগেইনে সিয়েনির্‌ বারেন্দি উত্তোরে আর দোগিণে দ্বিআজার্ আর পূগ্‌ আর পোজিমেন্দি দ্বি আজার্ আত্‌ মাবি দিবা। এই জাগায়ানি তারা তারার্‌ আদাম্‌ বা শঅরর্‌ য়েমান চোড়েবার্‌ মাদ্ ইজেবে পেবাক্।

দ্বি’লম্বর বিররণ 12:11

সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।

দ্বি’লম্বর বিররণ 12:14

তমা গুট্টিগুনোরে দিয়্যে জাগাত্তুন্‌ যে জাগায়ান লগেপ্রভু বেঈ লবঅ সিয়োদোই তুমি সেই বেক্‌ পুজ্যে-উৎসর্বগুন গুরিবা আর সিয়োদোই তুমি মর্‌ উগুম্‌ গোজ্যে বেক্কানি গুরিবা।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।

দ্বি’লম্বর বিররণ 16:2

নিজোরে ফগদাং গুরিবাত্তে লগেপ্রভু তার থেবার জাগা ইজেবে যে জাগায়ান বেঈ নেযেব, সিয়েনত তুমি তমার গোরু বা ছাগল-ভেড়ার পালত্তুন য়েমান নেযেইনে তমার গোজেন লগেপ্রভুর নাঙে উদ্ধোর-পরবর্‌ উৎসর্ব গুরিবা।

দ্বি’লম্বর বিররণ 18:7

মাত্তর্‌ অন্য লেবীয় ভেইয়ুনো ধোক্ক্যেন তেয়ো সিয়েনত্ তার গোজেন লগেপ্রভুর নাঙে সেবার কামানি গুরি পারিবো।

১ তীমথিয় 3:1

এ কধাগান বিশ্বেজ্‌ গুরিবার যে, যুনি কেঅ মন্ডলীর পরিচালক অবাত্যে চায় সালে তে এক্কান গম্ কাম গুরিবার আওজ্ গরে।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;