দ্বি’লম্বর বিররণ 18:22 - Chakma Bible

²² কনঅ ভাববাদী যুনি লগেপ্রভুর নাঙান্‌ দিইনে কনঅ কধা কয় আর সিয়েন যুনি মিজে অয় বা ন অয়, সালে বুঝো পুরিবো সে কধাগান লগেপ্রভু ন কয়। সে ভাববাদীবো দুঘ্ সাহস গুরিনে সে কধাগান কোইয়্যে। তারে তুমি ন দোরেবা।

দ্বি’লম্বর বিররণ 18:22 ပူးပေါင်းရင်းမြစ်များ

১ রাজাবলী 22:28

সেক্কে মীখায় কলঅ, “যুনি তুই হামাক্কাই দোলেডালে ফিরি এজস্‌ সালে হ্‌বর পেবে লগেপ্রভু মঅ মাধ্যমে কধা ন-কয়।” সে পরেন্দি তে আরঅ কলঅ, “তুমি বেক্কুনে মঅ কধাগান্‌ শুনো।”

২ রাজাবলী 20:1

সে অক্তত্‌ হিষ্কিয় অসুখ্‌ ওই পেরায় মরা ধোক্ক্যেন ওইয়্যে। সেক্কে আমোস পুয়ো ভাববাদী যিশাইয় তাইদু যেইনে কলঅ, “লগেপ্রভু কোইয়্যেদে, তুই যেনে তঅ ঘরর্‌ বেবস্থাগান্‌ গুরিনে রাগাচ্, কিত্তে তুই মুরি যেবে, গম্‌ নঅ-অবে।”

গম্ উপদেজ্ 26:2

চোড়োই বা খঞ্জন পেগে যেধোক্ক্যেন্ গুরি ইন্দি উন্দি উড়ি উড়ি বেড়ায়, সেধোক্ক্যেন এনেবাদে দিয়্যে অভিশাব্‌অ লামি ন-এজে।

যিশাইয় 41:22

তুমি সেই বেক্ যুক্তিগানিলোই এইনে যিয়েনি ঘুদিবো সিয়েনি আমারে কঅ। পুরোণি ঘটনাগানি পৌইদ্যেনে আমারে জানঅ, যেনে আমি সিয়েনি পৌইদ্যেনে ভাবি চেইনে তারার শেজর্ ফলান কি সিয়েনি জানি পারিই; বা কি কি ঘুদিবো সে পৌইদ্যেনে আমাইদু ফগদাং গরঅ।

যোনা 3:4

যোনা সে শঅরত্ সোমেইনে এক দিনো পথ গেলঅ আর এ কধাগান ফগদাং গুরিলো, “আর চল্লিশ দিন পরেদি নীনবীগান ভস্ত ওই যেবঅ।”

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌

সখরিয় 2:13

ও বেক্ মানুচ্চুন, তুমি লগেপ্রভুর মুজুঙোত্ অলর্ অ, কিত্যে তে বিচের্ গুরিবাত্তে তার সুদ্ধো-সাংগ থেবার জাগাত্তুন্ নিগিলি এজের্।

দ্বি’লম্বর বিররণ 18:20

মাত্তর্‌ মুই উগুম ন দুয়োং এধোক্ক্যেন কনঅ কধা যুনি কনঅ ভাববাদী মর্‌ নাঙান্‌ দিইনে কবাত্তে সাহস গরে বা তে যুনি দেব-দেবেদার নাঙে কধা কয়, সালে তারে মারে ফেলা পুরিবো।

দ্বি’লম্বর বিররণ 18:21

কনঅ এক্কান কধা পৌইদ্যেনে তুমি মনে মনে কোই পার, লগেপ্রভু এ কধাগান কোইয়্যে নাহি সিয়েন আমি কিঙিরিনে জানিবোং?

১ শমূয়েল 3:19

এধোক্ক্যেনগুরি শমূয়েলে দাঙর্‌ উয়ো ধুরিলো আর লগেপ্রভু তা সমারে থেলঅ আর ভাববাদী ইজেবে কোইয়্যে তার কনঅ কধা লগেপ্রভু ফেলা যেবাত্যে ন দিলো।