দ্বি’লম্বর বিররণ 18:20 - Chakma Bible

²⁰ মাত্তর্‌ মুই উগুম ন দুয়োং এধোক্ক্যেন কনঅ কধা যুনি কনঅ ভাববাদী মর্‌ নাঙান্‌ দিইনে কবাত্তে সাহস গরে বা তে যুনি দেব-দেবেদার নাঙে কধা কয়, সালে তারে মারে ফেলা পুরিবো।

দ্বি’লম্বর বিররণ 18:20 ပူးပေါင်းရင်းမြစ်များ

১ রাজাবলী 13:19

গোজেন মানুচ্চো সেক্কে তা সমারে ফিরি গেলঅ আর তা ঘরত্‌ হানা-দানা গুরিলো।

১ রাজাবলী 18:19

ইক্কিনে মানুচ্‌ পাদেইনে ইস্রায়েলর্‌ বেক্কুনোরে কর্মিল মুড়োবোত্‌ মইদু এগত্তর্‌ গর্‌। ঈষেবলের টেবিলোত্‌ বাল দেবেদার যে চেরশঅ পঞ্চাশজন ভাববাদী আর আশেরার চেরশঅ জন ভাববাদীরে হানা-দানা হাবেইনে তারারে আন্‌।”

১ রাজাবলী 18:27

দিবুজ্যে অক্তত্‌ এলিয় তারারে ঠাট্টা গুরিনে কলঅ, “দাঙর্‌ গুরিনে রঅ ছাড়অ, তে দঅ দেবেদা। অয়ত তে গভীন্‌ চিন্তে গরের্‌, নয়ত আঘাছালত্‌ যেইয়্যে, নয়ত পদথ্‌ আদের্‌। অয়ত্‌ ঘুম্‌ যার্‌, তারে জাগা পুরিবো।”

১ রাজাবলী 18:40

সেক্কে এলিয় তারারে এ উগুমানি দিলো, “বাল দেবেদার ভাববাদীগুনোরে ধরঅ। তারার্‌ একজনরেয়ো ধেই যেবাত্তে ন-দুয়ো।” সেক্কে মানুচ্চুনে তারারে ধুরি ফেলেলাক্‌। এলিয় তারারে কীশোন কিজিঙোত্‌ নেযেইনে সিদু তারারে মারে ফেলেল।

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 23:30

“সেনত্তে যে ভাববাদীগুনে অন্যগুনোত্তুন্ মঅ কধানি চুর্ গরন মুই তারা বিরুদ্ধে।

যিরমিয় 23:31

অয়, মুই সেই ভাববাদিগুনো বিরুদ্ধে যিগুনে নিজো জিলান লারান আর ফগদাং গরন, ‘লগেপ্রভু কোইয়্যেদে।’

যিরমিয় 26:11

সেক্কে ধর্মগুরু আর ভাববাদীগুনে সেই রাজকর্মচারীগুনোরে আর বেক মানুচ্চুনোরে কলাক্, “এ মানুচ্চো মরণর সাজা পেবার যোগ্য, কিত্তে তে এ শঅরান বিরুদ্ধে আগাম কধা কোইয়্যে; আর তুমি নিজো কানে সিয়েন শুন্ন্য।”

যিরমিয় 27:15

লগেপ্রভু কোইয়্যেদে, ‘মুই তারারে ন-পাদাং। তারা মঅ নাঙে মিজে আগাম্ কধা কন। সেনত্তে মুই তমারে আর তমা ইধু যিগুনে আগাম কধা কন সেই ভাববাদীগুনোরে দুর্ গুরি দিম আর তুমি বেক্কুনে ভস্ত ওই যেবা।’ ”

যিহিষ্কেল 13:6

তারার্ দর্শনান্ মিজে আর তারার্ গোণানা-পড়িদেনাগানি ঠিগ্ নয়। তারা কন্দে, মুই এ কধানি কঙর্, অদচ মুই তারারে ন-পাদাং; তো তারা আজা গরন তারার্ কধানি ফলিবো।

সখরিয় 13:3

তো যুনি কনজনে ভাববাদী ইজেবে কধা কন্ সালে তা নিজোর্ মা-বাবে তারে কবাক্, তত্তুন্ মরা পুরিবো, কিত্যে তুই লগেপ্রভুর নাঙে মিজে কধা কোইয়োচ্। তে ভাববাদী ইজেবে কধা কলে পরেদি তা নিজো মা-বাবে তারে আত্যের্‌লোই মারে ফেলেবাক্।‌‌‌

মথি লেখ্যে গম্ হবর্ 7:15

ভণ্ড ভাববাদীগুনো পৌইদ্যেনে উজিয়ার্ অ। তারা তমা ইধু ভেড়া ছাগল চেঙেরালোই এজন্, অদচ ভিদিরেদি তারা রেক্ষস হোক্ক্যে বাঘ ধোক্ক্যেন্।

দ্বি’লম্বর বিররণ 13:6

পিত্‌থিমীর এক দুঝিত্তুন অন্য দুঝি সং তমার চেরোকিত্তে কায়কুরে বা দূরোর মানুচ্চুনে যে দেব-দেবেদাগুনোরে পূজো গুরিদাক, যিগুনে তমার আর তমার পুরোণিমানুচ্চুনোর অজানা সেই দেব-দেবেদাগুনোন্দি যুনি তমার নিজোর ভেই বা তমার পূঅ বা ঝি অথবা আদরর্‌ মোক্‌ বা তমার পরাণর সমাজ্যে তরে গায় গায় পেইনে ভান্ন্যেই পদেন্দি নেযেবাত্তে কন্‌, আদিচ্‌, আমি যেইনে দেব-দেবেদাগুনোর পূজো গুরিই,

দ্বি’লম্বর বিররণ 17:12

যুনি কনঅ মান্‌জ্যে বাড়্ গরানার্ কারনে সেই বিচেরক্কোর কধানি বা তমা গোজেন লগেপ্রভুর সেবাগুরিয়্যে সেই ধর্মগুরুবোর কধানি শুনিবাত্তে রাজী ন অন্‌ সালে তারে হামাক্কায় মারে ফেলা পুরিবো। তুমি ইস্রায়েলীয়গুনো ভিদিরেত্তুন্‌ এ ধোক্ক্যেন ভান্ন্যেইয়ানি শেজ্ গুরি ফেলেবা।

দ্বি’লম্বর বিররণ 18:21

কনঅ এক্কান কধা পৌইদ্যেনে তুমি মনে মনে কোই পার, লগেপ্রভু এ কধাগান কোইয়্যে নাহি সিয়েন আমি কিঙিরিনে জানিবোং?

দ্বি’লম্বর বিররণ 18:22

কনঅ ভাববাদী যুনি লগেপ্রভুর নাঙান্‌ দিইনে কনঅ কধা কয় আর সিয়েন যুনি মিজে অয় বা ন অয়, সালে বুঝো পুরিবো সে কধাগান লগেপ্রভু ন কয়। সে ভাববাদীবো দুঘ্ সাহস গুরিনে সে কধাগান কোইয়্যে। তারে তুমি ন দোরেবা।

২ পিতর 2:12

মাত্তর্ যে বুদ্ধিনেইয়্যে য়েমানুনে তারার্ স্বাভাবিক আওজর্ অধীন আর মারে ফেলেবাত্যে যিগুনোর্ জর্ম, এই ফক্কর্ মাষ্টরুনে তারা ধোক্ক্যেন। তারা যিয়েন ন-বুঝোন সে পৌইদ্যেনে ভান্ন্যেই কধা কন্। নিজো কাজর ভিদিরে তারা ভস্ত ওই যেবাক্।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

বিচের গুরিয়্যেগুন 2:15

ইস্রায়েলীয়গুনে যেক্কে যুদ্ধোত্‌ যেদাক্‌ সেক্কে লগেপ্রভু শমক্‌ খেইনে যে এগেমান গোজ্যে সে মজিম্ তা আঢ্‌তান তারার্‌ ভালেদিত্তেই তারার্‌ ইন্দি থেদঅ‌, সেনত্তেই তারা দাঙর্‌ দযা ভিদিরে এলাক্‌।