দ্বি’লম্বর বিররণ 18:18 - Chakma Bible

¹⁸ মুই তারার্‌ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্‌ গুরিম। তা মুয়ন্দি মুই মর্‌ কধানি কোম্‌, আর মুই যিয়েনি কবাত্তে তারে উগুম দিম্‌ সিয়েনি তারারে কবঅ।

দ্বি’লম্বর বিররণ 18:18 ပူးပေါင်းရင်းမြစ်များ

গীতসংহিতা 110:4

লগেপ্রভু শমক্ খেইয়্যেদে, “তুই উমরত্যে মল্কীষেদক ধোক্ক্যেন ধর্মগুরু।” এ পৌইদ্যেনে তে তাহ্ মনান ন-বোদোলেব।

গীতসংহিতা 2:6

লগেপ্রভু কবদে, “মুই যিবেরে রাজা বানেয়োং তারে মর্ সুদ্ধো-সাংগ সিয়োন মুড়োবোত্ বোজেয়োং।”

যাত্রা 4:12

তুই এবেরা যাহ্। মুই নিজেই তরে কধা কবাত্তে বল্‌ দিম আর যিয়ান্‌ কবার্‌ সিয়ান তরে শিগেই দিম।”

যাত্রা 4:15

তুই যেক্কে তা লগে কধা কবে সেক্কে তারে কোই দিবে কি কুয়ো পুড়িবো। মুই তমা দ্বিজনরে কধা কবাত্যে বল্‌ দিম আর কি গরা পুড়িবো সিয়েন তমারে শিগেই দিম।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

যিশাইয় 51:16

মুই তমা মুয়োত্ মঅ কধানি দুয়োং আর মঅ আঢ ছাবাগান্দোই তমারে ঢাগি রাগেয়োং। মুয়ই আগাজ্‌‍‌চানরে তা জাগানত্ রাগেয়োং আর পিত্‌‍‌থিমীর গড়াগান গাড়েয়োং। মুই সিয়োনানরে কোইয়োং, ‘তুই মঅ মানুচ্।’ ”

যিশাইয় 51:4

ও মর্ মানুচ্চুন্, মঅ কধাগান শুনো, মঅ কধানি কান্ পাদঅ। মঅ ভিদিরেত্তুন্ উগুম এবঅ; মুই মর্ ন্যায়বিচেরান থিদেবর্ গুরিম যেনে অন্য জাদ্‌তুনে পহর্ পান।‌

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

হোশেয় 12:14

মাত্তর্ ইফ্রয়িমে লগেপ্রভুরে অমকদ অহুজি গোজ্যে; সেনত্তে তা গিরোজ্‌‌‌সো তার্ ভান্ন্যেই কামানিত্তে তারে দায়ী গুরিবো আর তে যে অগমান গোজ্যে সেই অগমানান্ তারে ফিরেই দিবো।

আমোষ 2:11

ও ইস্রায়েলর্ মানুচ্চুন, এ কধাগান কি সত্য নয় যে, মুই তমা পুয়োগুনো ভিদিরেত্তুন্ কয়েক জনরে ভাববাদী আর কয়েক জনরে নাসরীয় ইজেবে বেঈ লোইয়োং?

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

গণাণা 12:13

সেক্কে মোশি জগার পারিনে লগেপ্রভুরে ডাগিনে কলঅ, “ও গোজেন, তুই তারে গম্‌ গুরি দে।”

গণাণা 23:16

লগেপ্রভু বিলিয়ম সমারে দেগা গুরিনে তার্‌ মুয়োন্দি কদক্কানি কধা যোগেই দিইনে কলঅ, তুই বালাক ইদু ফিরি যেইনে তারে এই কধানি কঅ।

গণাণা 23:5

সেক্কে লগেপ্রভু বিলিয়মর্‌ মুয়োনত্‌ কদক্কানি কধা যুগেই দিইনে কলঅ,“তুই বালাক ইদু ফিরি যেইনে তারে এই কধানি কঅ।”

লূকে লেখ্যে গম্ হবর্ 24:19

যীশু তারারে কলঅ, “কি কি ঘোট্যে?” তারা কলাক্, “নাসরত্ আদামর্ যীশুরে নিইনে যিয়েনি যিয়েনি ঘোট্যে। তে ভাববাদী এলঅ। তে কামে আর কধায় গোজেনর্ আর বেক্‌ মানুচ্চুনো চোগোত্ খেমতাবলা এলঅ।

যোহন 1:21

সেক্কে তারা যোহনরে পুযোর্ গুরিলাক, “সালে কন্না? তুই কি এলিয়?” তে কলঅ, “নয়, মুই এলিয় নয়।” তারা কলাক্, “সালে তুই কি সেই ভাববাদীবো?” জোবত্ তে কলঅ, “নয়।”

যোহন 1:25

“যুনি তুই মশীহয়ো নয়, এলিয়য়ো নয় বা সেই ভাববাদীয়ো নয়, সালে কিত্ত্যে তুই বাপ্তিষ্ম দুয়োর্?”

যোহন 1:45

ফিলিপ নথনেলরে তোগেই পেইনে কলঅ, “মোশি যিবে কধা রীদি-সুদোম লিগি যেইয়্যে আর যিবে পৌইদ্যেনে ভাববাদীগুনেয়ো লেখ্যন্ আমি তার্ দেগা পেইয়্যেই। তে যোষেফর্ পুয়ো যীশু, নাসরত আদাম মানুচ্‌।”

যোহন 12:48

যে মরে খিয়্যে ন-গরে আর মঅ কধা ন-শুনে তাত্যে বিচের্ গুরিয়্যে আঘে। যে কধাগান্ মুই কোইয়োং সেই কধাগান্ শেজ্ দিনোত্ তারে দুষী বিলিনে প্রমাণ গুরিবো;

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

যোহন 17:18

তুই যেবাবোত্যেগুরি মরে জগদত্ পাধেয়োচ্ সেবাবোত্যেগুরি মুইয়ো তারারে জগদত্ পাধেয়োং।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 4:25

সেক্কে সে মিলেবো কলঅ, “মুই কোই পারং, মশীহ, যিবেরে খ্রীষ্ট কন্, তে এজের্। তে যেক্কে এবঅ সেক্কে বেক্কানি আমারে জানেব।”

যোহন 8:28

ইয়েনত্যে যীশু কলঅ, “যেক্কে তুমি মান্‌জ্যপুয়োবোরে অজলত্ তুলিবা সেক্কে বুঝি পারিবা, মুয়ই সিবে। আর ইয়েন্অ বুঝি পারিবা যে, মুই নিজোত্তুন্ কনকিজু ন-গরং, বরং বাবা মরে যে শিক্ষ্যেগান্ দিয়্যে মুই সে কধানি কং।

প্রেরিত্‌ 3:22

মোশি কোইয়্যেদে, তমার প্রভু গোজেনে তমা ইস্রায়েলীয় ভেইয়ুনো ভিদিরেত্তুন্ তমাত্তে মঅ ধোক্ক্যেন্ এক্কো ভাববাদী বানেব। তা কধামজিম তমাত্তুন্ চলা পড়িবো।

প্রেরিত্‌ 7:37

ইবে সেই মোশি যিবে ইস্রায়েলীয়গুনোরে কোইয়্যেদে, তমার গোজেনে তমা ইস্রায়েলীয় ভেইয়ুনো ভিদিরেত্তুন্ তমাত্তে মঅ ধোক্ক্যেন্ এক্কো ভাববাদী বানেব।

দ্বি’লম্বর বিররণ 18:15

তমার গোজেন লগেপ্রভু তমার ইস্রায়েলীয় ভেইয়ুনো ভিদিরেত্তুন তমাত্তে মঅ ধোক্ক্যেন এক্কো ভাববাদী যুক্কোল্‌ গুরিবো। তার কধামঝিম তমাত্তুন চলা পুরিবো।

দ্বি’লম্বর বিররণ 33:5

যেক্কে ইস্রায়েলীয় চেলাগুনে এগত্তর্ অলাক, তারা সমারে ইস্রায়েলীয় বেক গুট্টিগুন এগত্তর্ অলাক, সেক্কে লগেপ্রভুয়ই এলঅ যিশুরূণর রাজা।”

দ্বি’লম্বর বিররণ 34:10

এচ্চ্যে সং ইস্রায়েলীয়গুনো ভিদিরে মোশি ধোক্ক্যেন আর কনঅ ভাববাদীর জর্ম ন-অন যিবে ইদু লগেপ্রভু দাংগু ধোক্ক্যেন মুজুঙো-মুজুঙি কধা কধঅ।

দ্বি’লম্বর বিররণ 5:5

সে অক্তত্‌ আগুনো দরে তুমি মুড়োবো উগুরে ন-উদো বিলি মুই তমার্‌ আর লগেপ্রভুর সংমোধ্যে থিয়্যেইনে তার্‌ কধানি তমা ইদু ফগদাং গোজ্যং। সেক্কে লগেপ্রভু কোইয়্যেদে,

১ তীমথিয় 2:5

গোজেন বানা একজন আঘে আর গোজেন আহ্ মান্‌জ্যরে মিলেমিলি গুরি দিবাত্যেয়ো বানা একজন আঘে। সেই মিলেমিলি গুরি দিয়্যেবো অলঅ মানুচ্‌ খ্রীষ্ট যীশু।

ইব্রীয় 7:22

ইয়েনত্তুন্ আমি বুঝি পারির্, যীশু আরঅ দাঙর্ এক্কান বেবস্থার জাবিন ওইয়্যে।