17 লগেপ্রভু মরে কোইয়্যেদে, তারা ঠিগই কোইয়োন।
প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।
প্রভু লগেপ্রভু মঅ কানান্ খুলি দিয়্যে আর মুই অবাধ্য ন-অং, পিজেদিয়ো ন-যাং।
সে পরেদি লগেপ্রভু মঅ মুয়োনত্ আঢ্তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।
মুই তারার্ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্ গুরিম। তা মুয়ন্দি মুই মর্ কধানি কোম্, আর মুই যিয়েনি কবাত্তে তারে উগুম দিম্ সিয়েনি তারারে কবঅ।
মাত্তর্ ইয়েনর পরেন্দি আমি মারা পড়িবাত্তে কিত্তে যেবং? এই দাঙর্ আগুনানে দঅ আমারে পুড়ি ফেলেব; আর ভালক্কন্ সং যুনি আমা গোজেন্ লগেপ্রভুর্ রঅবো শুনিই সালে আমি মুরি যেবংগোই।
মঅ সমারে যেক্কে তুমি কধা কোইয়ো সেক্কে লগেপ্রভু তমা কধানি শুন্যে আর মরে কোইয়্যেদে, এই মানুচ্চুনে তরে যিয়েনি কোইয়োন সিয়েনি মুই শুন্যং। তারা যিয়েনি কোইয়োন্ সিয়েনি দোল্ কধা।
