দ্বি’লম্বর বিররণ 18:16 - Chakma Bible

¹⁶ হোরেব মুড়েবো ইদু যেদিন্যে তুমি বেক্কুনে লগেপ্রভুর মুজুঙোত্‌ এগত্তর ওইয়ো সেদিন্যে তুমি তমার গোজেন লগেপ্রভু ইদু সিয়েনোই চেইয়ো। তুমি কোইয়োদে, আর আমি আমার গোজেন লগেপ্রভুর কধানি শুনিবাত্তে বা এই দাঙর্‌ আগুনান দেগিবাত্তে ন চেই; সালে আমি মারা পুড়িবোং।

দ্বি’লম্বর বিররণ 18:16 ပူးပေါင်းရင်းမြစ်များ

যাত্রা 20:18

ইস্রায়েলীয়গুনে যেক্কে ঝিমিলাদে আর মুড়োত্তুন্‌ ধুমো উদোদে দেগিলাক্‌ আর মেঘ গুজুরোনি আর শিঙের রঅ‌ শুনিলাক্‌ সেক্কে তারা দূরোত্‌ ঠিয়্যেইনে গির্‌গিরা ধুরিলাক্।

যাত্রা 20:19

তারা মোশিরে কলাক্, “তুই আমা লগে কধা কঅ‌, আমি শুনিবোং; মাত্তর্‌ গোজেনে যুনি আমা লগে কধা কয়্‌ সালে আমি মারা পুড়িবোং।”

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

দ্বি’লম্বর বিররণ 1:6

আমা গোজেন লগেপ্রভু হোরেব মুড়োবোত্‌ আমারে কোইয়্যেদে, এই মুড়োবোত্‌ তমার্‌ ভালোক্‌ দিন কাদি যেইয়্যে।

দ্বি’লম্বর বিররণ 10:4

লগেপ্রভু পত্তম দ্বিবে সীলপাদ উগুরে যে কধানি লেখ্যে এ দ্বিবে উগুরেয়ো সিয়েনি লিগিনে দ্বিবে সীলপাদ্ মরে দিলো। সে কধাগানি অলঅ তার্‌ সেই দশ্‌ছান উগুম্‌ যিয়েনি তে তমার বেক্কুনোরে একসমারে এগত্তর্‌ অবার্‌ দিন্নোত্‌ মুড়োবো উগুরে আগুনো ভিদিরেত্তুন্‌ তমা ইদু ফগদাং গোজ্যং।

দ্বি’লম্বর বিররণ 9:10

লগেপ্রভুর নিজোর্‌ লেগা রোইয়্যে এন্‌ দ্বিবে পাত্তরর্‌ আরুগ লগেপ্রভু মরে দিয়্যে। তুমি বেক্কুনে যেদিন্যে লগেপ্রভুর মুজুঙোত্‌ এগত্তর্‌ ওইয়ো সেদিন্যে তে মুড়ো উগুরে আগুনো ভিদিরেত্তুন্‌ যেদক্কানি উগুম তমা ইদু ফগদাং গোজ্যে সিয়েনি সেই আরুগ্ দ্বিবে উগুরে লেগা এলঅ।