দ্বি’লম্বর বিররণ 18:14 - Chakma Bible

¹⁴ তুমি যিদুক্কুন জাদরে গজক্ গুরিবা তারা যাদুবিদ্যে বেবহার গুরিয়ে আর গোণোক্‌কেগুনোর কধানি কান পাদন্‌, মাত্তর্‌ তমার বেলায় ইয়েনি পৌইদ্যেনে তমার গোজেন লগেপ্রভু মানা গোজ্যে।

দ্বি’লম্বর বিররণ 18:14 ပူးပေါင်းရင်းမြစ်များ

পত্থম 20:6

গোজেনে স্ববনত্ তারে কলঅ, “অয়, মুই হবর্ পাং তুই সরল মনে এ কামান গোজ্যস্। মুই তরে সেনত্তে তা কিয়্যেনত্‌ বাঁজিবাত্তে ন-দুয়োং আর মঅ বিরুদ্ধে পাপ কামত্তুন্‌ তরে দোঙেই রাগেয়োং।

২ রাজাবলী 21:6

তে নিজো পুয়োবোরে আগুনোত্‌ পুড়িনে উৎসর্ব গুরিলো। তে যাদু বেবহার গুরিদো আর বাঁজি চেইনে আগাম্ কধা কদঅ আর যিগুনে ভূত্তোই কাম্‌ গরন্‌ আর বজং আত্মা সমারে মিজেন্‌ তে তারা লগে তেম্মাং গুরিদো। তে লগেপ্রভুর চোগেন্দি বোউত্‌ বজং কাম্‌ গুরিনে তারে অহুজি গোজ্যে।

যিশাইয় 2:6

তুই দঅ তঅ মানুচ্চুনোর্, অত্তাৎ যাকোব বংশধরুনোরে ছাড়ি যেইয়োচ্। তারা পুগেদি দেজ্‌ছানির কুসংস্কারলোই পেলেপেলে ওইয়োন; তারা পলেষ্টীয়গুনো ধোক্ক্যেন যাদুবিদ্যের্ অভ্যেস গোজ্যন আর নানান্ জাদ সমারে আঢ্ মিলেয়োন।

যিরমিয় 27:9

সেনত্তে তুমি তমার ভাববাদী, গোণেয়্যে, স্ববন দেগিনে আগাম্ কধা কোইয়্যে মানুচ্, মায়াবিদ্যেগুরিয়্যে বা তমা যাদুগুরিয়্যেগুনো কধা ন-শুন্ন্য; তারা তমারে কন্, তুমি বাবিলোর রাজার চাগর্ ন-অবা।

দানিয়েল 2:27

জোবত্ দানিয়েলে কলঅ, মহারাজ যে হবর্ ন-পেইয়্যে বেপারান কধা পুযোর্ গোজ্যস্ সিয়েন কনঅ জ্ঞানিবলা, ভুদো ওঝা, যাদুগরে বা গোণোক্ক্যে কোই ন-পারিবাক্।

মীখা 5:12

মুই তর্ যাদুবিদ্যেগানি বর্‌বাদ্ গুরিম; মায়াবিদ্যে বেবহার গুরিয়্যেগুন আর তইদু ন-থেবাক্।

প্রেরিত্‌ 14:16

আগ দিনোত্ বেক্‌ জাদ্‌তুনোরে তে তারার্ আওজ্ মজিম চলিবাত্তে দিয়্যে,

দ্বি’লম্বর বিররণ 18:10

তমা ভিদিরে যেন এধোক্ক্যেন কনঅ মানুচ্‌ ন থান্‌ যে তার নিজোর পূঅবোরে আগুন্দোই পুড়িনে উৎসর্বর অনুষ্ঠানান্ গরে, যে গোণাপড়া গুরিনে বা যাদুবিদ্যে খাদেইনে বা লক্ষণ চেইনে আগাম্ কধা কয়, যে যাদু গরে,