দ্বি’লম্বর বিররণ 18:10 - Chakma Bible10 তমা ভিদিরে যেন এধোক্ক্যেন কনঅ মানুচ্ ন থান্ যে তার নিজোর পূঅবোরে আগুন্দোই পুড়িনে উৎসর্বর অনুষ্ঠানান্ গরে, যে গোণাপড়া গুরিনে বা যাদুবিদ্যে খাদেইনে বা লক্ষণ চেইনে আগাম্ কধা কয়, যে যাদু গরে, အခန်းကိုကြည့်ပါ။ |
দ্বি’লম্বর বিররণ 18:10
36 ပူးပေါင်းရင်းမြစ်များ
তারা তার্ বেক্ সুদোমানি, তারার্ পূরোণি মানুচ্চুনোত্তে থিদেবর্ গোজ্যে তার্ সুদোমান্ আর তারা ইদু তার্ দিয়্যে উজিয়ারর্ কধানি মানদে অস্বীগের্ গোজ্যন্। তারা বাজে মূত্তি পূজো গুরিনে নিজেয়ো বাজে ওই পোজ্যন্। লগেপ্রভু যিগুনো ধোক্ক্যেন চলিবাত্তে ইস্রায়েলীয়গুনোরে মানা গোজ্যে তারা তারার্ চেরোকিত্তে সে জাত্তুনোর্ ধোক্ক্যেন চলিদাক্।
ইয়েনি বাদেয়ো যিগুনে ভুত্তোই কাম্ গরন্ আর যিগুনে বজং আত্মালোই মিজেন্ যোশিয় তারারে ধাবেই দিলো। তে পরিবার দেবেদামূত্তি, মূত্তি আর যিহূদা আর যিরূশালেমত্ যেদক্কানি জঘন্য জিনিস্ দেগিলাক্ সিয়েনি বেক্কানি ধাবেই দিলো। ধর্মগুরু হিল্কিয় লগেপ্রভুর ঘরত্ রীদি-সুুদোম লেগা যে বোইবো তোগেইনে পেইয়োন্ সিবের্ বেক্ কধানি যেনে গমেডালে পালা অয় সেনত্তে যোশিয় এ কামান্ গোজ্যে।
বিন্-হিন্নোম কিজিঙোত্ তা পুয়োগুনোরে তে আগুনোত্ পুড়িনে উৎসর্ব গুরিলো। যিগুনে কুলক্ষণ দেগিনে আগাম্ কধা কন্, ফু-ফা আর যাদুবিদ্যে বেবহার গুরিনে আর ভূত্তুনোর সমাজ্যে অন্ আর ভান্ন্যেই আত্মাগুনোর্ লগে মিজেন্ তে তারা লগে সল্লা গুরিদো। লগেপ্রভুর চোগেন্দি ভালোক্কানি ভান্ন্যেই কাম্ গুরিনে তে তারে অহুজি গুরিলো।
বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।
সেক্কে মিলেবো তারে কলঅ, “শৌল ইয়েনি পৌইদ্যেনে যিয়েনি গোজ্যে সিয়েনি তত্তুন্ কামাক্কায় অজানা নয়। যিগুনে মরা মানজ্যর্ আত্মা সমারে কধা কন্ বা ভান্ন্যেই আত্মা সমারে মিজেন্ এধোক্ক্যেন বেক্ মানুচ্চুনোরে তে দেজত্তুন্ ধাবেই দিয়্যে। সালে কিত্তে তুই মত্তে এধোক্ক্যেন এক্কো ফাল্ পাস্তোস্ যিবে মর্ মরণ ঘোদেব?”
ကြော်ငြာတွေ