দ্বি’লম্বর বিররণ 18:1 - Chakma Bible

¹ লেবীয় ধর্মগুরুগুনে আর লেবি-গুট্টির অন্য মানুচ্চুনে বাদবাগি ইস্রায়েলীয়গুনো ধোক্ক্যেন কনঅ জাগা-জোবিন্ বা সোম্বোত্তি ন পেবাক্। লগেপ্রভুর নাঙে আগুন্দোই গোজ্যে উৎসর্বত্তে যেদক্কানি জিনিস আনা অবঅ আর লগেপ্রভুরে আর যিয়েনি দিয়্যে অবঅ সিয়েনিই তারা হেবাক্।

দ্বি’লম্বর বিররণ 18:1 ပူးပေါင်းရင်းမြစ်များ

যিরমিয় 33:18

মঅ মুজুঙোত্ থিয়্যেইনে নিত্য পুজ্যে-উৎসর্বর, শোস্য-উৎসর্বর আর এ্যামান-উৎসর্বর অনুষ্ঠান গুরিবাত্তে লেবীয় ধর্মগুরুগুনো ভিদিরেয়ো মান্‌জ্যর অভাব ন-অবঅ‍।”‍‍‍

যিহিষ্কেল 44:28

ধর্মগুরুগুনোর সোম্বোত্তি কদে বানা মুয়ই থেইম্। তুমি ইস্রায়েলীয়গুন তমা দেজত্ তারারে কনঅ সোম্বোত্তি ন-দিবা; মুয়ই ওম্ তারার সোম্বোত্তি।

গণাণা 18:20

ইয়েনর্ পরেদি লগেপ্রভু হারোণরে কলঅ, ইস্রায়েলীয়গুনোর দেজত্‌ তুই কনঅ সোম্বোত্তির গিরোজ্ ন অবে আর ভুই-জোবিনোর্‌ কন ভাগঅ তুই ন পেবে। ইস্রায়েলীয়গুনো ভিদিরে মুয়ই তর্‌ পাওনা ভাগ, মুয়ই তর্‌ সোম্বোত্তি।

গণাণা 26:62

এক মাস বা তাত্তুন্‌ বেশ্‌ বয়জর্‌ লেবীয় মরত্তুনোর্‌ সোংখ্যে এলাক্‌ তেইশ আজার্। ইস্রায়েলীয়গুনো ভিদিরে ইগুনোরে কনঅ জাগাত্‌ অধিকার্‌ দিয়্যে ন-অয় বিলি অন্য ইস্রায়েলীয়গুনো সমারে ইগুনোরে গোণা ন-অয়।

দ্বি’লম্বর বিররণ 10:9

সেনত্যেই লেবীয়গুনে তারার্‌ ইস্রায়েলীয় ভেইয়ুনো ভিদিরে সোম্বোত্তির্‌ কনঅ ভাগ বা অধিকার্‌ ন-পান; তমা গোজেন লগেপ্রভুর কধা মজিম লগেপ্রভুই তারার্‌ সোম্বোত্তি।

দ্বি’লম্বর বিররণ 12:19

তমা দেজত্‌ তুমি যেদকদিন সং বজত্তি গুরিবা সেদকদিন লেবীয়গুনো উগুরে তমাত্তুন্‌ খিয়েল রাগা পুরিবো।

যিহোশূয় 13:14

মাত্তর্‌ লেবি-গুট্টিবোরে মোশি কনঅ সোম্বোত্তির অধিকারী ন-গরে, কিত্যে লগেপ্রভুর শমক্‌ মজিম্ ইস্রায়েলীয়গুনোর গোজেন্‌ লগেপ্রভুর নাঙে আগুন্দোই-গোজ্যে উৎসর্বর্‌ জিনিস্‌চানি অলঅ‌ তারার্‌ সোম্বোত্তি।

যিহোশূয় 13:33

মাত্তর্‌ লেবি-গুট্টিরে তে কনঅ সোম্বোত্তি ন-দিলো; তারা ইদু লগেপ্রভু যে শমক্তান্‌ গোজ্যে সে মজিম্ ইস্রায়েলীয়গুনোর গোজেন লগেপ্রভু এলদে তারার্‌ সোম্বোত্তি।

যিহোশূয় 18:7

মাত্তর্‌ লেবীয়গুনে তমা লগে কনঅ‌ ভাগ ন-পেবাক্‌, কিত্যে লগেপ্রভু ধর্মগুরু ইজেবে সেবা-কাম্‌ গরানা অলঅ‌ তারার্‌ সোম্বোত্তি। গাদ-আর রূবেণ-গুট্টির মানুচ্চুনে আর মনঃশি-গুট্টির অদ্দেক মানুচ্‌ আগে যর্দন গাঙর্‌ পূগেন্দি তারার সোম্বোত্তিগানি পেইয়োন্‌। লগেপ্রভুর চাগর্‌ মোশি সিয়েন তারারে দি যেইয়্যে।”