দ্বি’লম্বর বিররণ 17:9 - Chakma Bible

⁹ তুমি সেক্কে সে সময়র্‌ বিচেরক আর লেবীয়গুনো ভিদিরে যিগুনে ধর্মগুরু তারা ইদু যেবা। তুমি বিষয়ান তারারে বুঝেইনে কবা আর তারাই তমারে সে বিচেরর্‌ রায়য়ান্‌ দিবাক।

দ্বি’লম্বর বিররণ 17:9 ပူးပေါင်းရင်းမြစ်များ

১ বংশধর 26:29

যিষ্‌হরীয়গুনো ভিদিরেত্তুন্‌ কননিয় আর তাহ্ পুয়োগুনে তবনা-ঘরর্‌ কামত্‌ নয়, মাত্তর্‌ ইস্রায়েল দেজ উগুরে নেতা আর বিচেরগ কামত্‌ নেযা অলঅ।

যাত্রা 18:16

কনঅ‌ কোল্‌-কোজ্যে দেগা দিলে তারা মইদু এজন্‌ আর মুই দ্বিয়ো পক্ষেদি বিচের্‌ গরং, আর গোজেনর সুদোম আর উগুম তারারে বুঝেই দুয়োং।”

যাত্রা 22:8

মাত্তর্‌ যুনি চুর্‌বো ধরা ন-পড়ে সালে ঘরর্‌ গিরোজ্‌সো নিজে সিয়েনি লোইয়্যে নাহি সিয়েনি ঠিগ্ গুরিবাত্তেই তাত্তুন্‌ গোজেন ইদু আঝিল্ উয়ো পুরিবো।

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিহিষ্কেল 44:24

কনঅ মামলা-মগদ্দমা অলে ধর্মগুরুগুনে বিচেরগর্ কাম গুরিবাক্ আর মর্ উগুম মজিম্ সিয়েনর রায় দিবাক্। মর্ ঠিগ্ গোজ্যে বেক পরব্‌‌‌পুনোত্তে তারা মর্ রীদি-সুদোমানি আর সুদোমানি পালেবাক্ আর জিরেবার দিনুনোর পবিত্রতাগান রোক্ষ্যে গুরিবাক্।

হগয় 2:11

“মুই বেগত্তুন খেমতাবলা লগেপ্রভু কঙর্, রীদি-সুদোম পৌইদ্যেনে তুই ধর্মগুরুগুনোরে এ কধাগান পুযোর্ গর্,

সখরিয় 3:7

“বেগত্তুন খেমতাবলা লগেপ্রভু তরে কত্তে, ‘তুই যুনি মঅ পধেদি চলচ্ আর মর্ সেবা-কাম গরচ্ সালে তুই মঅ ঘরর্ বেক্কানি পরিচালনা গুরিবে আর মর্ উদোনর্ চেইচিদিবার ভারান্ পেবে, আর যিগুনে ইয়েনত্ থিয়্যেই আগন্ মুই তারা ধোক্ক্যেন মঅ মুজুঙোত্ এবার অধিকারান্ তরে দিম।

সখরিয় 7:3

তারা বেগত্তুন্ খেমতাবলা লগেপ্রভু ঘরর্ ধর্মগুরুগুনোরে আর ভাববাদীগুনোরে এ কধাগান পুযোর্ গুরিবাত্তে পাদেল, “আমি এদক্ বজর্ যেবাবোত্যেগুরি এচ্চ্যেই সেবাবোত্যে কি পাচ্ মাসত্ আবিলেচ্ গুরিবোং বা উবোস্ থেবং?”

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

দ্বি’লম্বর বিররণ 16:18

তমার গোজেন লগেপ্রভু তমারে যেদক্কানি আদাম আর শঅর দিবাত্তে যার্‌ তার পত্তিগানিত্‌ পত্তি গুট্টিত্তে তুমি বিচেরক আর কামগুরিয়্যে নেযেবা। তারা দোলেডালে মানুচ্চুনোর বিচের গুরিবাক্।

দ্বি’লম্বর বিররণ 17:10

লগেপ্রভুর বেঈ লোইয়্যে জাগানত্‌ তারা তমা ইদু যে রায়য়ান জানেবাক তুমি সিয়েন কামত্‌ লাগেবা। মাত্তর্‌ উঝিয়ার, তারা তমারে যিয়েনি যিয়েনি গুরিবাত্তে কবাক তার কনগান তুমি বাদ ন দিবা।

দ্বি’লম্বর বিররণ 21:5

সে পরেন্দি ধর্মগুরুগুনে, অত্তাৎ লেবি-গুট্টির মানুচ্চুনে মুজুঙেন্দি উজেই যেবাক, কিত্যে সেবা-কাম গুরিবাত্তে, লগেপ্রভুর নাঙে আশিদ্‌বাদ ফগদাং গুরিবাত্তে আর কোল্‌-কোজ্জে আর মার্‌পিদোর বিচের্‌ গুরিবাত্তে তমার গোজেন লগেপ্রভু তারারেয়ো বেঈ লোইয়্যে।

দ্বি’লম্বর বিররণ 25:1

যুনি মানুচ্চুনো ভিদিরে কোল্-কোজ্যে দেগা যায় আর সিয়েন আদালদত্‌ নেযা অয় সালে বিচারক্কুনে তার্‌ বিচের গুরিনে নিদ্দুজীবোরে নিদ্দুজী আর দুজীবোরে দুজী বিলিনে রায় দিবাক।

দ্বি’লম্বর বিররণ 33:10

তর্‌ উগুমানি তে যাকোবরে শিগায়, আর রীদি-সুদোমানি শিগায় ইস্রায়েলরে। তে তমা মুজুঙোত্‌ আগর্‌বাট্টি জ্বালায়, তর্‌ ডালি ঘর উগুরে পুজ্যে-উৎসর্ব গরে।