দ্বি’লম্বর বিররণ 17:20 - Chakma Bible

²⁰ ইয়েনত্যে অন্য ইস্রায়েলীয় ভেইয়ুনোত্তুন্‌ নিজোরে দাঙর্‌ গুরি চেবার মনভাব তার্‌ মনত্‌ ন এবঅ আর রীদি-সুদোমত্তুন্ তে ইন্দি উন্দি সুরি ন যায়। ইয়েন্দোই তে আর তার বংশধরুনে ইস্রায়েলীয়গুনো উগুরে ভালোকদিন সং রাজাগিরি গুরি পারিবাক্।

দ্বি’লম্বর বিররণ 17:20 ပူးပေါင်းရင်းမြစ်များ

২ শমূয়েল 22:23

তার্‌ বেক্‌ রীদি-সুদোমানি মঅ মুজুঙোত্‌ আঘে; তা সুদোমানত্তুন্‌ মুই সুরি ন-যাং।

১ রাজাবলী 11:34

তো মুই শলোমনর্ আঢত্তুন্‌ পুরো রেজ্যগান্‌ ন-নেযেম্‌। মঅ চাগর্‌ দায়ূদ, যিবেরে মুই বেঈ লোইয়োং আর যে মঅ উগুমানি আর সুদোমানি পালেদ তাত্তেই মুই শলোমনরে সারা জিংকানিভর্‌ রাজপদথ্‌ রাগেম্‌।

১ রাজাবলী 11:36

মর্‌ থেবারঘর্‌ ইজেবে বেঈ লোইয়্যে যিরূশালেম শঅরত্‌ যেইনে মর্‌ মুজুঙোত্‌ মঅ চাগর্‌ দায়ূদোর ইক্কো বংশ থায় সেনত্তে মুই তা পূঅবোরে ইক্কো গুট্টির্‌ ভারান্‌ দিম্‌।

১ রাজাবলী 15:3

অবিয়ামর্‌ বাপ্পো যেদক্কানি পাপ গোজ্যে তেয়ো সে পাপ্পানি গরা ধুরিলো। তার্‌ পূরোণি মানুচ্‌ দায়ূদো ধোক্ক্যেন্ তার্‌ মনান্‌ গোজেন লগেপ্রভুর উগুরে ভোক্তি ন-এলঅ।

১ রাজাবলী 15:5

কিত্তেই লগেপ্রভুর চোগেন্দি যিয়েন্‌ ঠিগ দায়ূদে সিয়েন গুরিদো। বানা হিত্তীয় ঊরিয়োর্‌ বেপারান্‌ বাদে তার পূরো জিংকানিগানত্‌ তে লগেপ্রভুর কনঅ উগুম অমান্য ন-গরে।

১ রাজাবলী 2:3

তর্‌ গোজেন লগেপ্রভুর আওজ্ মজিম্‌ তুই তার পধেন্দি আদিবে আর মোশির রীদি-সুদোমত্ লেগা লগেপ্রভুর বেক্‌ সুদোম, উগুম, হুকুম আর দাবিগানি মানি চলিবা। সেক্কে তুই যিয়েনি গত্তে সাৎ আর যিয়োদোই যেদে সাৎ ফোলেই পারিবে।

২ রাজাবলী 10:30

লগেপ্রভু যেহূরে কলঅ, “মঅ চোগেন্দি যিয়েনি গম্‌ সিয়েনি গুরিনে তুই গম্‌ গোজ্যস্‌ আর আহাবর বংশর উগুরে মুই যিয়েনি গুরিবাত্তে চেইয়োং সিয়েনিয়ো তুই গোজ্যস্‌, সেনত্তে চের্‌ পুরুষ সং তর্‌ বংশধরুনে ইস্রায়েলর সিংহাসনত্‌ বুজি পারিবাক্‌।”

২ রাজাবলী 14:10

ইদোমরে ওদেই দিইনে ঘেচ্চেকগুরি তর্‌ দেমাক্ ওইয়্যে। জিদেনার বাড়্ গর্‌, মাত্তর্ নিজো ঘরত্‌ থাগ্‌। কিত্তে দযাগান্‌ ডাগি আনিবে আর সিয়েন লগে ডাগি আনিবে নিজোর্‌ আর যিহূদার ভস্ত অনাগান্?”

২ বংশধর 25:19

‘ইদোমরে ওদেই দুয়োং,’ মনে মনে এ কধাগান ভাবিনে তুই বার্‌বো গুরিনে ফুলি উত্যেস্‌। ইক্কিনে তুই নিজোর্‌ ঘরত্‌ থাগ্‌। কিত্তে দযাগান্ ডাগি আনিবে আর তা লগে ডাগি আনিবে নিজোর্‌ আর যিহূদার ভস্ত অনাগান্?”

২ বংশধর 26:16

উষিয় বোলী ওই উদোনার্‌ পরেন্দি তা মনত্‌ বাড়্‌বোগান্ অলঅ আর সেক্কে তার্‌ অধপতন অলঅ। তে আগর্‌বাট্টি-পূজোত্‌ আগর্‌বাট্টি জ্বালেবাত্তে লগেপ্রভুর ঘরত্‌ সোমেইনে তার্‌ গোজেন প্রভুর বিরুদ্ধে পাপ গুরিলো।

২ বংশধর 33:12

দজাত্‌ পড়িনে তে তার্‌ গোজেন্‌ লগেপ্রভুর দোয়্যে ভিক্ষ্যে গুরিলো আর তার্‌ পূরোণি মানুচ্চুনোর্‌ গোজেন মুজুঙোত্‌ নিজোরে অমকদ চিগোন্‌ গুরিলো।

২ বংশধর 33:19

তার্‌ তবনাগানর কধানি, তার্‌ কোজোলিগান্দোই গোজেন মনান্‌ নরম অনার্‌ কধাগান, তার্‌ বেক্‌ পাপ্পানি আর অবিশ্বেজর্ কধানি আর তে নিজোরে গোজেন মুজুঙোত্‌ চিগোন্‌ গুরিবার আগেন্দি পূজোর্‌ যেদক্কানি অজল্‌ জাগা বানেয়্যে আর আশেরা-খুদো আরে কাবিনে লেখ্যে মূত্তি থিদেবর্ গোজ্যে সে বেক্‌ কধানি দেগিয়্যেগুনোর্‌ বোইয়োত্‌ লেগা আঘে।

২ বংশধর 33:23

মাত্তর্‌ তা বাপ্পো মনঃশি ধোক্ক্যেন তে লগেপ্রভুর মুজুঙোত্‌ নিজোরে চিগোন্‌ ন-গরে; তে পাপ্‌ গরা ধুরিলো।

২ বংশধর 34:27

‘এ জাগায়ান্‌ আর তা মানুচ্চুনো বিরুদ্ধে মুই যিয়েনি কোইয়োং সিয়েনি শুনিনে তঅ মনান্‌ সিয়েন্দোই সাড়া দিয়্যে আর মঅ মুজুঙোত্‌ তুই নিজোরে চিগোন্‌ গোজ্যস্‌ আর তঅ পোজাক্কান্‌ ফাদিনে মইদু কানাকুদি গোজ্যস্‌। তুই ইয়েনি গোজ্যস্‌ বিলিনে মুই লগেপ্রভু তর্‌ তবনাগান্‌ শুন্যং।

গীতসংহিতা 119:102

তর্ সুদোমর পথ্‌তানত্তুন্ মুই সোরেই ন-যাং, কিত্তে তুই নিজেই মরে শিগেই দুয়োচ্।

গীতসংহিতা 132:12

তর্ পুয়োগুনে যুনি মঅ থিদেবর্ গোজ্যে সুদোমানি পালান্ আর মঅ কধানি মানন্ যিয়েনি মুই তারারে শিগেম, সালে তারার পুয়োগুনোরে জনমভুরি তঅ সিংহাসনত্ বুজিবাত্তে দিয়্যে অবঅ।”

গীতসংহিতা 19:11

সিয়েনে তর্ চাগর্‌বোরে উজিয়ার গরে, আর সিয়েনি পালন গুরিলে লাভবান অয়।

গম্ উপদেজ্ 10:27

লগেপ্রভু উগুরে ভোক্তিবলা দর্ থেলে আয়ু বাড়ায়, মাত্তর্ পাজিগুনোর আয়ুগানি কোমেই দিয়্যে অবঅ।

গম্ উপদেজ্ 27:24

কিত্তে ধনান্ জিংকানিবর্ নয়, আর মুকুট্‌তো বংশর পর বংশ টিগি ন-থায়।

উপদেশক 8:13

মাত্তর্ পাজিগুনে গোজেনরে ভোক্তিগুরিনে ন-দরান্ বিলিনে তারার্ ভালেদি ন-অবঅ আর তারার্ আয়ুগান অবঅ ছাবা ধোক্ক্যেন্।

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

২ করিন্হীয় 12:7

ভালোক্কানি মইধু ফগদাং ওইয়্যে বিলিনে মুই যেন বাড়্‌বো ন-অং, সেই আজায় মরে দুঘ্ দিবাত্যে মর্ কিয়্যেগানত্ এক্কো কাদা, অত্তাৎ শদানর্ দূত দিয়্যে ওইয়্যে।

দ্বি’লম্বর বিররণ 12:25

তমার আর তমার পরেদি তমার পূঅগুনোর যেনে ভালেদি অয় সেনত্যে তুমি লো-গানি ন-হেবা; সালে লগেপ্রভুর চোগোত্‌ যিয়েনি গম্‌ সিয়েনোই গরা অবঅ।

দ্বি’লম্বর বিররণ 12:28

তমার আর তমার পরেদি তমার ঝি-পূঅগুনোরে যেনে আমিঝে ভালেদি অয় সেনত্যে মর্‌ দিয়্যে এ বেক্‌ উগুমানি তুমি যত্তন্‌ গুরিনে পালন গুরিবা, কিত্যে সিয়েনি গুরিলে তমার গোজেন লগেপ্রভুর চোগোত্‌ যিয়েনি ন্যায় আর গম্‌ সিয়েনোই গরা অবঅ।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 17:11

তারা রীদি-সুদোম পৌইদ্যেনে তমারে যিয়েনি শিক্ষ্যে দিবাক আর যে রায়য়ান দিবাক সে ধোক্ক্যেন তুমি কাম্‌ গুরিবা। তারা তমারে যিয়েনি গুরিবাত্তে কবাক্ তুমি ঠিগ্ সিয়েনিই গুরিবা, ইন্দি উন্দি ন গুরিবা।

দ্বি’লম্বর বিররণ 4:2

মুই তমারে যে উগুমানি দুয়োঙর্‌ তা সমারে কিজু ন মিজেয়ো আর সিয়োত্তুন্‌ কিজু বাদঅ ন দুয়ো। তমা গোজেন লগেপ্রভুর যেদক্কানি উগুম মুই তমারে দুয়োঙর্‌ সিয়েনি তুমি মানি চলিবা।

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

দ্বি’লম্বর বিররণ 8:2

মনত্‌ গুরি চঅ, তমা গোজেন লগেপ্রভু এ চোল্লিশ্‌সো বজর্‌ কিঙিরিনে ধূল্যেচর-চাগালার্‌ ভিদিরেন্দি গোদা পদ্‌থান্‌ তমারে চালেই আন্যে। তমা বাড়্ গরানাগানি ভাঙি দিবাত্তে আর তমা মনত্‌ কি আঘে, অত্তাৎ তুমি তার্‌ উগুমানি পালেবা নাহি, সিয়েন পোরোক্ষেত্‌ ফেলেইনে চেবাত্তে তে এ কামানি গোজ্যে।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

১ শমূয়েল 10:25

শমূয়েলে সেক্কে রেজ্য শাজনর্ সুদোমানি মানুচ্চুনো ইদু ফগদাং গুরিলো। তে সিয়েনি এক্কো বোইয়োত্‌ লিগিনে লগেপ্রভুর মুজুঙোত্‌ রাগেল। সে পরেন্দি তে বেক্‌ মানুচ্চুনোরে যার্ যার্ ঘরত্‌ বিদেয় গুরি দিলো।

১ শমূয়েল 15:23

উল্লোমি গরানা আর যাদু-মন্ত্রর কাম গরানা এক্কুই পাপ; অবাধ্য অনা আর মূত্তি পূজোনা এক্কুই অন্যেয়। তুই লগেপ্রভুর উগুম এলাফেলা গোজ্যস্‌ সেনত্তে তেয়ো তরে রাজা ইজেবে এলাফেলা গোজ্যে।”