দ্বি’লম্বর বিররণ 17:17 - Chakma Bible

¹⁷ তে যেনে ভালোক্কুন মোক্‌ ন-লয়; সেক্কে তার্‌ মনান ভান্ন্যেই পদেদি যেবঅ। তে যেনে নিজোত্তে বেশ্‌ সনা আর রূবো ন-থুবোই।

দ্বি’লম্বর বিররণ 17:17 ပူးပေါင်းရင်းမြစ်များ

পত্থম 2:24

ইয়েনত্যে মান্‌জ্যে মা-বাবরে ছাড়িনে তারা মোক্কুনো লগে এগত্তর্ ওইনে থেবাক্ আর তারা এক্কান কিয়্যে অবাক্।

২ শমূয়েল 12:11

লগেপ্রভু আরঅ কলঅ, মুই তঅ গিরিত্তুন্‌ তত্তেই দযাগান টানি আনিম। তঅ চোগো মুজুঙোত্‌ মুই তঅ মোক্কুনোরে নেযেইনে তঅ নিজো মানুচ্চুনোরে দিম্। তে বেক্কুনোর্‌ চোগো মুজুঙোত্‌ তারারে নেযেইনে ঘুম যেবঅ।

২ শমূয়েল 5:13

দায়ূদে হিব্রোণান্ ছাড়িনে যিরূশালেমত্‌ যেইনে আরঅ মোগ্‌, দ্বিতীয় ঘর মোগ্ ললঅ অার তার বোউত্ ঝি-পূয়োর জর্ম অলাক্।

১ রাজাবলী 10:21

শলোমনর্ পানীয়ো হেবার বেক্‌ পিলেগুন্‌ এলাক্কে সোনার আর লেবানন-বন-কুটিরোর বেক্‌ পিলেগুন্‌অ এলাক্কে গম সোনালোই বানেয়্যে। রূবোর বানেয়্যে কিচ্ছু ন-এলঅ, কিত্তেই শলোমনর্ সময়োত্‌ রূবোর সে বাবোত্যে কনঅ দাম ন-এলঅ।

১ রাজাবলী 10:27

রাজা যিরূশালেমত্‌ রূবোগানরে গুরিলো পাত্তর ধোক্কেন্‌ সয়সাগজ্যে, আর এরস গাজ্‌ছোরে গুরিলো তলে মুড়োমুড়ি চাগালাত্ গোজেয়্যে ডোমোর গাজ ধোক্কেন্‌ সয়সাগজ্যে।

১ বংশধর 14:3

দায়ূদে যিরূশালেমত্‌ আরঅ মোক্ ললঅ আর তার্‌ ভালোক্কুন ঝি-পুয়ো অলাক্।

২ বংশধর 1:15

রাজা যিরূশালেমত্‌ সোনা আর রূবোগানরে গুরিলো পাত্তর ধোক্ক্যেন সয়-সাগর্‌ আর এরস গাজ্‌সোরে গুরিলো তলেন্দি মুড়োমুড়ি চাগালাত্‌ এনেবাদে উঠ্যে ভালোক্কুন ডুমুর গাজঅ‌ ধোক্ক্যেন।

২ বংশধর 11:21

রহবিয়ামে তার্‌ অন্য মোক্কুন্‌ আর দ্বিতীয় ঘর মোক্কুনোত্তুন্‌ অবশালোম ঝি মাখারে বেশ্‌ কোচ্‌পেদঅ। তার্‌ বেক্কুনে আদারবো মোক্‌ আর ষায়েট্টো দ্বিতীয় ঘর মোক্‌, আদেশছুয়ো পুয়ো আর ষায়েট্‌তো ঝি এলাক্‌।

নহিমিয় 13:26

সে পরেন্দি মুই তারারে কলুঙ্‌, “ইস্রায়েলর রাজা শলোমনে এ বাবোত্যে মোগ্‌ লোইনে পাপ গোজ্যে। অন্য কনঅ জাদ ভিদিরে তা ধোক্কেন্‌ রাজা কনজন ন-এলাক্‌ আর গোজেনে তারে কোচ্‌পেদঅ আহ্‌ তারে পুরো ইস্রায়েলীয়গুনো উগুরে রাজা বানেয়্যে, মাত্তর্‌ তো তে বিদেশী মিলেগুনোর্‌ কারনে পাপ গোজ্যে।

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গম্ উপদেজ্ 31:3

মিলেগুনো উগুরে তর্ বলান্ ক্ষয় ন-গুরিচ্; রাজাগুনোরে যিয়েনিলোই ভস্ত গরে সিয়েনি ইদু নিজোরে ন-দিচ্।

মালাখি 2:15

লগেপ্রভু কি নেক্কোরে আর মোক্কোরে এক ন-গরে? কিয়্যেদি আর আত্মাদি তারা তারই। তারা কিত্তে এক? কিত্যে তে তারা মাধ্যমে এক্কো গোজেন ভক্ত বংশ রোক্ষ্যে গুরিবাত্তে চেইয়্যে। সেনত্তে তুমি তমা মন পৌইদ্যেনে উজিয়ার্ অ; গাবুজ্যেকালর্ মোগো লগে তুমি বেঈমানী ন-গোজ্য।

মথি লেখ্যে গম্ হবর্ 13:22

কাদা ঝুবো ভিদিরে পোজ্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্, মাত্তর্ সংসারর্ চিন্তে-ভাবনা আর ধন-সোম্বোত্তির্ মেয়্যেলোই সেই কধাগানরে চাপি রাগায়। সেনত্তে সেক্কে কনঅ ফল ন-অয়।

মথি লেখ্যে গম্ হবর্ 19:5

‘ইয়েনত্তে মানুচ্ মা-বাবরে ছাড়িনে তা মোগো সমারে এক্ ওইনে থেবাক্ আর তারা দ্বিজনর্ এক্কান্ কিয়্যে অবঅ’?

লূকে লেখ্যে গম্ হবর্ 12:15

সে পরেদি যীশু মানুচ্চুনোরে কলঅ, উজিয়ার্! নানান্ বাবোত্যে লুভোত্তুন্ নিজোরে রোক্ষ্যে গরঅ, কিয়া সয়-সাগর্ সম্বোত্তি থানা মান্‌জ্য জিংকানিত্ বেক্কুনত্তুন্ দরকারী বেপার নয়।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।