দ্বি’লম্বর বিররণ 17:1 - Chakma Bible

¹ তমার গোজেন লগেপ্রভুর্ নাঙে তুমি এমন্‌ কনঅ গোরু বা ছাগল বা ভেড়া উৎসর্ব ন গুরিবা যিবের কনঅ দাগ্‌ বা দুষ আঘে, কিত্যে তে সিয়েনি ঘিনাই।

দ্বি’লম্বর বিররণ 17:1 ပူးပေါင်းရင်းမြစ်များ

পত্থম 41:19

ইয়েন পরেদি আরঅ সাত্তো গোরু উদি এলাক। সিগুন্‌ এলাক্‌ পিড়ে দোজ্যে, বেশ্রী আর দেক্কে মরা ধোক্ক্যেন। গোদা মিসর্‌ দেজত্‌ কনজাগাত্‌ এধোক্ক্যেন বেশ্রী গোরু কনদিন্‌ মঅ চোগেদি ন দেগং।

যাত্রা 12:5

সে ছঅবুয়ো অবঅ ছাগল বা ভেড়া ছাগল ঝাগত্তুন্‌ বেঈ নেযেয়ে এক্কো এক বোজোজ্যে পাদা ছঅ। তা কিয়্যেত্‌ যেন কনজাগাত্‌ কনঅ তুদো ন-থায়্‌।

গম্ উপদেজ্ 11:1

ঠগাইদ্যে পাল্লাবো লগেপ্রভু ঘিনাই, মাত্তর্ যগাজ্যে সিলুনোত্তে তে হুজি অয়।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 20:10

ঠিগ্ নেইয়্যে সিল্ আর পাল্লালোই মাবানা-এ দ্বিয়েন লগেপ্রভু ঘিনেই।

গম্ উপদেজ্ 6:16

লগেপ্রভু কমেদি সাততান্ জিনিস ঘিনেই সিয়েনি তাইদু জঘন্য:

লেবীয় 1:3

যুনি তে পুজ্যে-উৎসর্বর্‌ অনুষ্ঠান্‌ গোরুলোই গুরিবাত্যে চায় সালে সিবে থুদো নেইয়্যে গোরু উয়ো পুরিবো। লগেপ্রভু যেনে তা উগুরে হুজি অয় সেনত্তে তাত্তুন্ সে গোরুবো মিলন-তাম্বুল দোরান ইদু আনা পুরিবো।

মালাখি 1:8

য়েমান্-উৎসর্বর অনুষ্ঠানত্তে যেক্কে চোগ্ নেইয়্যে য়েমান্ আনঅ সেক্কে সিয়েন কি অন্যেয় নয়? যেক্কে তুমি লেং আদুড়্ আর পীড়ে ধোজ্যে য়েমান্দোই উৎসর্বর অনুষ্ঠান গরঅ, সেক্কে কি সিয়েন অন্যেয় নয়? তমা শাজন্‌গুরিয়্যেবো ইধু সিগুন উৎসর্ব গুরিলে তে কি তমা উগুরে হুজি অবঅ? তে কি তমারে গুজি লবঅ? মুই বেগত্তুন্ খেমতাবলা লগেপ্রভু তমারে পুযোর্ গরঙর্।”

গণাণা 29:8

লগেপ্রভুরে খুজি গুরিবার তুম্বাজ ইজেবে তমার্‌ এক্কো বলদ গোরু, এক্কো ভেড়াছাগল আর সাত্তো এক বোজোজ্যে ভেড়াছাগলর-ছলোই এক্কো পুজ্যে-উৎসর্বর অনুষ্ঠান গরা পুরিবো। সিগুনোর্ পত্তিবো দাগ্‌-দুগ্‌ নেইয়্যে ওয়া পুরিবো।

দ্বি’লম্বর বিররণ 15:21

মাত্তর্‌ সে য়েমানুনোর কনবোর্‌ যুনি কনঅ থুদো থায়, অত্তাৎ যুনি সিবে লেং বা কান্‌ অয় বা তার কিয়্যেত্‌ আর কনঅ দাঙর্‌ বাবোত্যে দুষ থায়, সালে সিবে তমা গোজেন লগেপ্রভুর নাঙে উৎসর্ব ন-গুরিবা।

দ্বি’লম্বর বিররণ 23:18

মরদ্‌ ওক্‌ বা মিলে ওক্‌ যে বেশ্যের জীংকানি কাদায় তার্‌ আয়র্‌ টেঙাগুন্‌ মান্যা চিড়েবাত্তে তমার গোজেন লগেপ্রভুর ঘরত্‌ আনানা ন-চলিবো, কিত্যে এবাবোত্যে মরদ্‌ আর মিলেরে লগেপ্রভু ঘিনাই।

দ্বি’লম্বর বিররণ 24:4

মাত্তর্‌ তার্‌ পত্তম নেক্কো, যে তারে ছুড়্ কাবোজ্ দিয়্যে তে তারে আর লোয় ন-পারিবো, কিত্যে তে অসিজি ওই যেইয়্যে। এধোক্ক্যেন লো-লি অনা লগেপ্রভু ঘিনাই। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ তুমি ইঙিরিনে সিয়েন উগুরে পাপ ডাগি ন-আনিবা।

দ্বি’লম্বর বিররণ 25:16

ইয়েনর কারণান্ অলদে, যে ইয়েনি বেক্কানি গরে, অত্তাৎ যে মান্‌জ্যরে ঠোগেইনে বেড়ায় তমার গোজেন লগেপ্রভু তারে ঘিনাই।

দ্বি’লম্বর বিররণ 7:25

তারার্‌ দেব-দেবেদার্‌ মূত্তিগুন্‌ তুমি আগুনোত্‌ পুড়ি ফেলেবা। তুমি তারার্‌ কিয়্যের্‌ সনা-রুবোগানি লুভ্‌ ন-গুরিবা। নিজোত্তে তুমি সিয়েনি ন-নেযেবা, কিত্যে সিয়েনি গুরিলে তুমি সিগুনোর্‌ কেরাবত্‌ পুরিবা। তমা গোজেন লগেপ্রভু ইদু সিয়েনি ঘিনাইদে জিনিস।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

১ পিতর 1:19

তমারে উদ্ধোর গরা ওইয়্যেদে নিদ্দুজি আর থুদো নেইয়্যে ভেড়া ছঅ যীশু খ্রীষ্টর্ অমূল্য লোগান্ দিইনে।