দ্বি’লম্বর বিররণ 16:8 - Chakma Bible

⁸ ছয়দিন সং তুমি সদাছাড়া পিদে হেবা আর সাত দিনোত্‌ তুমি তমার গোজেন লগেপ্রভুর নাঙে শেজ দিন্নোত্‌ মিলিবার-তেম্মাং গুরিবা আর সেদিন্যে কনঅ কাম্‌ ন গুরিবা।

দ্বি’লম্বর বিররণ 16:8 ပူးပေါင်းရင်းမြစ်များ

নহিমিয় 8:18

পত্তম দিনোত্তুন্‌ ধুরি আরাম্ভ গুরিনে শেজ দিন সং ইষ্রা পত্তিদিন গোজেনর রীদি-সুদোম বোইবোত্তুন্‌ পড়া ধুরিলো। মানুচ্চুনে সাত দিন সং পরপ্‌বো পালেলাক্‌ আর আস্‌তো দিনোত্‌ সুদোম্‌ মজিম শেজ দিনোত্‌ বিশেজ্ তেম্মাং অলঅ।

যোয়েল 1:14

তুমি সুদ্ধো-সাংগ উবোস্ থানার বেবস্থা গরঅ; এক্কো বিশেষ তেম্মাং ডাগঅ। বুড়ো নেতাগুনোরে আর দেজত্ বজত্তি গুরিয়্যে বেক্কুনোরে তমা গোজেন লগেপ্রভুর ঘরত্ ডাগি আনঅ আর লগেপ্রভু ইধু কানাকুদি গরঅ।

লেবীয় 23:36

এ সাত দিনো ভিদিরে পত্তিদিন লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান গরা পুরিবো। সে পরেদি আস্টো দিনোত্‌অ তমার পবিত্র মিলন-সভা অবঅ আর লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান গরা পুরিবো। ইবে শেজ্ দিনোত্‌ বিশেজ্ সভা; সেদিন্যে তমার কনঅ দুঘোর্ কাম গরানা ন-চলিবো।

গণাণা 28:25

সাত দিনোত্‌ এক্কো পবিত্র মিলন-সভা গুরিবা আর সেদিন্যে তমার্‌ কনঅ দুঘোর্‌ কাম্‌ গরানা ন-চলিবো।