দ্বি’লম্বর বিররণ 16:4 - Chakma Bible

⁴ এ সাত দিন সং গোদা দেজছানত্‌ তমা ভিদিরে যেন সদা দিয়্যে কনঅ কিজু পাহ্ ন যায়। পরবর্‌ পত্তম দিন্নোত্‌ বেন্যে মাদান্ তুমি যে য়েরাগান উৎসর্ব গুরিবা সিয়েন যেনে বেন্যে মাদান্ সং পড়ি ন থায়।

দ্বি’লম্বর বিররণ 16:4 ပူးပေါင်းရင်းမြစ်များ

যাত্রা 12:10

বেন্যে সং সিয়েনির্‌ কনঅ কিজু ফেলেই ন-রাগেয়ো। যুদি কিজু বাগী থায় সালে সিয়েনি আগুনোত্‌ পুড়ি ফেলেবা।

যাত্রা 12:15

“তুমি সাত দিন সং সদানেইয়্যে পিদে হেবা। তমা ঘরত্‌ যেদক্কানি সদা আঘে পত্তম দিনোত্‌ তুমি সিয়েনি বেক্কানি সোরেই ফেলেবা। এ সাত দিনো ভিদিরে যুদি কনজনে সদা দিয়্যে পিদে খায় সালে তারে ইস্রায়েলীয়গুনো ভিদিরেত্তুন্ বাদ দিয়া অবঅ।

যাত্রা 12:6

ছঅবুয়ো এ মাসর চোদ্দো তারিখ সং রাগা পড়িবো। সে পরেদি সেদিন্যে বেল্‌ ডুবি যানার পরেদি পুরো ইস্রায়েল সমাজর্‌ পত্তি পরিবারর যার্ যার্‌ ভেড়া ছাগল ছঅগুন কাবিবাক্।

যাত্রা 12:8

সেই রেদোত্ তারা সেই এরানি আগুনোত্‌ সিগিনে সদানেইয়্যে পিদে আর তিদে শাগ লগে হেবাক্।

যাত্রা 13:7

এই সাত দিন সং তমার্‌ হেবাত্তে সদা ন মিজেইয়্যে রুটি অবঅ‌। তমার পুরো দেজ ভিদিরে সেদিন্যে যেনে সদা আর সদামিজেইয়্যে কনকিজু পাহ্ ন-যায়।

যাত্রা 23:18

যেক্কে তুমি মর্‌ নাঙে য়েমানর্‌ লো উৎসর্ব গুরিবা সেক্কে সিয়েনর্‌ লগে যেন কনঅ‌ সদা-দিয়্যে পিদে উৎসর্ব গরা ন-অয়। পরবর্‌ অক্তত্‌ মর্‌ নাঙে যিদুক্কুন য়েমান উৎসর্ব গুরিবা সিয়েনর্‌ কনঅ‌ তেল্‌বলা ভাগ্ যেনে বেন্যে সং পড়ি ন-থায়।

যাত্রা 34:25

“যেক্কে তুমি মর্‌ নাঙে য়েমানর্ লো উৎসর্ব গুরিবা সেক্কে সিয়েনর্‌ লগে যেন সদা দিয়্যে কনঅ‌ কিজু উৎসর্ব গরা ন-অয়। উদ্ধোর-পরবর্‌ উৎসর্ব-গোজ্যে কনঅ‌ কিজু বেন্যেমাদান্ সং যেনে পড়ি ন-থায়্‌।”

মথি লেখ্যে গম্ হবর্ 13:33

যীশু তারারে আর এক্কো হিত্ত্য কুয়ো ধুরিলো। “স্বর্গ-রেজ্যগান্ এবাবোত্যে। এক্কো মিলে সদা লোইনে আদার কেজি মোয়দ্যে লগে মিজেল। সেনে বেক্ মোয়দ্যেগান্ ফুলি উদিলো।”

দ্বি’লম্বর বিররণ 16:5

তমা গোজেন লগেপ্রভুর দিয়্যে আর কনঅ শঅরত্‌ তুমি উদ্ধোর-পরবর্‌ য়েমানুন উৎসর্ব ন গুরিবা;