দ্বি’লম্বর বিররণ 16:18 - Chakma Bible

¹⁸ তমার গোজেন লগেপ্রভু তমারে যেদক্কানি আদাম আর শঅর দিবাত্তে যার্‌ তার পত্তিগানিত্‌ পত্তি গুট্টিত্তে তুমি বিচেরক আর কামগুরিয়্যে নেযেবা। তারা দোলেডালে মানুচ্চুনোর বিচের গুরিবাক্।

দ্বি’লম্বর বিররণ 16:18 ပူးပေါင်းရင်းမြစ်များ

১ বংশধর 23:4

ইগুনো ভিদিরে চব্বিশ আজার্ জন লগেপ্রভু ঘর কামানি দেগাশুনো গুরিবাত্তে নেযা অলঅ আর ছয় আজার্ জন অফিসার অলাক্ আর বিচেরক্‌ আহ্‌ চের্‌ আজার্ জন চুগিদার অলাক্। দায়ূদে যিদুক্কুন্‌ বাজনা বানেয়্যে সিয়েনি বেবহার গুরিনে লগেপ্রভুরে নাঙ্ গিনিবাত্তে বাদবাগি চের্‌ আজার্ লেবীয় নেযা অলঅ।

১ বংশধর 26:29

যিষ্‌হরীয়গুনো ভিদিরেত্তুন্‌ কননিয় আর তাহ্ পুয়োগুনে তবনা-ঘরর্‌ কামত্‌ নয়, মাত্তর্‌ ইস্রায়েল দেজ উগুরে নেতা আর বিচেরগ কামত্‌ নেযা অলঅ।

ইষ্রা 7:25

ও ইষ্রা, গোজেনর্ বেপারে তর্ যে জ্ঞানান্ আঘে সেই মজিম্ তুই ইউফ্রেটিস গাঙর্ পোজিম্ পারর্ বেক মানুচ্চুনোরে বিচেরত্যে এমন কামগুরিয়্যে আর বিচেরক্ নেযেবে যিগুনে তর্ গোজেনর্ দিয়্যে রীদি-সুদোম জানন্। যিগুনে সিয়েনি ন জানন্ তুমি তারারে সিয়েনি শিক্ষ্যে দিবা।

যাত্রা 18:21

তুই বেক্‌ মানুচ্চুনো ভিদিরেত্তুন্‌ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্‌। তারারে তুই মানুচ্চুনোর্‌ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে।

যাত্রা 21:22

পিদেপিদি গুরিবাত্তে যেইনে যুনি কনজনে কনঅ‌ পিদিলী মিলেরে এমন গুরি আঘাত্‌ গরন্‌ যেনে তার পেদ ভিদিরে পুঅবো বর্‌বাদ্ ওই‌ যায় মাত্তর্‌ আর কনঅ‌ ক্ষোতি ন-অয়, সালে সেই মিলেবোর্‌ নেক্কোর্‌ দাবি আর বিচের্‌ গুরিয়্যেগুনে যিয়েন্‌ ঠিগ্ গুরি দিবাক্‌ সেই ধগে আঘাত গুরিয়্যেবোত্তুন্‌ হামাক্কায়্‌ ক্ষোতিপূরোণ দিয়্যে পুরিবো।

যাত্রা 21:6

সেক্কে তা গিরোজ্‌সো তারে গোজেন ইদু আঝি‌ল্ গুরিবো। সে পরেন্দি দোর্‌ বা দোরানর্‌ ফ্রেমান ইদু তারে নেযেইনে ড্রিল্ মেশিন্দোই তার্‌ কানান্‌ ফুদো গুরি দিবো। সেক্কে তে সারা জীংকানিবর্‌ তার্‌ গিরোজসোর্‌ চাগর্‌ ওই থেবঅ‌।

গম্ উপদেজ্ 31:23

তা নেক্কো শঅর গেদোত্ সর্মান পায়; তে সিদু দেজর বুড়ো নেতাগুনো সমারে বজে।

মথি লেখ্যে গম্ হবর্ 5:21

তুমি শুন্ন্যদে, পুরোণি মানুচ্চুনো ইধু এ কধাগান কুয়ো ওইয়্যে, খুন্ ন-গোজ্য; যে খুন্ গরে তে বিচেরর্ দায়ত্ পড়িবো।

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

দ্বি’লম্বর বিররণ 16:17

তমা গোজেন লগেপ্রভু তমারে যে পরিমাণে আশিদ্‌বাদ গোজ্যে সিয়েন বুঝিনে তমাত্তুন বেক্কুনে যেন কিজু না কিজু লোই আনন্‌।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

দ্বি’লম্বর বিররণ 17:12

যুনি কনঅ মান্‌জ্যে বাড়্ গরানার্ কারনে সেই বিচেরক্কোর কধানি বা তমা গোজেন লগেপ্রভুর সেবাগুরিয়্যে সেই ধর্মগুরুবোর কধানি শুনিবাত্তে রাজী ন অন্‌ সালে তারে হামাক্কায় মারে ফেলা পুরিবো। তুমি ইস্রায়েলীয়গুনো ভিদিরেত্তুন্‌ এ ধোক্ক্যেন ভান্ন্যেইয়ানি শেজ্ গুরি ফেলেবা।

দ্বি’লম্বর বিররণ 17:9

তুমি সেক্কে সে সময়র্‌ বিচেরক আর লেবীয়গুনো ভিদিরে যিগুনে ধর্মগুরু তারা ইদু যেবা। তুমি বিষয়ান তারারে বুঝেইনে কবা আর তারাই তমারে সে বিচেরর্‌ রায়য়ান্‌ দিবাক।

দ্বি’লম্বর বিররণ 21:2

এ অবস্থায় তমার বুড়ো নেতাগুনে আর বিচেরক্কুনে বারেন্দি যেইনে সে মরাকিয়্যেগানত্তুন্‌ আদামান আর শঅরানি কুদ্দুর দূরোত্‌ সিয়েন মাবি চেবাক্।

দ্বি’লম্বর বিররণ 25:1

যুনি মানুচ্চুনো ভিদিরে কোল্-কোজ্যে দেগা যায় আর সিয়েন আদালদত্‌ নেযা অয় সালে বিচারক্কুনে তার্‌ বিচের গুরিনে নিদ্দুজীবোরে নিদ্দুজী আর দুজীবোরে দুজী বিলিনে রায় দিবাক।

১ শমূয়েল 8:1

শমূয়েলে বুড়ো বয়জত্‌ ইস্রায়েলীয়গুনোর শাজন্‌‌গুরিয়্যে ইজেবে তার পূঅগুনোরে কামর্ ভারান দিলো।