দ্বি’লম্বর বিররণ 16:17 - Chakma Bible

¹⁷ তমা গোজেন লগেপ্রভু তমারে যে পরিমাণে আশিদ্‌বাদ গোজ্যে সিয়েন বুঝিনে তমাত্তুন বেক্কুনে যেন কিজু না কিজু লোই আনন্‌।

দ্বি’লম্বর বিররণ 16:17 ပူးပေါင်းရင်းမြစ်များ

১ বংশধর 29:14

“মাত্তর্‌ ও প্রভু, মুই কন্না বা মর্‌ মানুচ্চুনে বা কন্না, আমি ইঙিরিনে হুজি ওইনে দান গুরি পারিই? বেক্কানি দঅ তত্তুন্‌ এজে। তঅ আদত্তুন্‌ যিয়েনি পেইয়োং মুই বানা তরে সিয়েনি দুয়োঙ্‌।

ইষ্রা 2:63

শাজন্‌গুরিয়্যেগুনে তারার্ উগুমান দিলাক্ যেদকদিন সং ঊরীম আর তুম্মীমান বেবহার্ গুরিবার অধিকারী কনঅ ধর্মগুরু পাহ্ ন যায় সেদকদিন সং তারা যেনে দাঙর্ পবিত্র হানার্ কিজু ন হান।

যিহিষ্কেল 46:7

গোরুবো লগে তাত্তুন্ আদার কেজি মোইদ্যে, পাদা ভেড়া লগে আদার কেজি মোইদ্যে আর ভেড়া ছবুয়ো লগে যেত্তমান্ হুজি সেত্তমান মোইদ্যে শোজ্য-উৎসর্ব ইজেবে দিয়্যে পড়িবো; পত্তি আদার কেজি মোইদ্যেত্তে পৌনে চের্ লিটার গুরি তেল্ দিয়্যে পড়িবো।

লেবীয় 27:8

মান্যেদে সিবে যুনি নাদা অয় আর এ ঠিগ্ গোজ্যে দামান্‌ দি ন-পারে সালে তাত্তুন্‌ উৎসর্ব গোজ্যে মানুচ্চোরে নেযেইনে ধর্মগুরুবো ইদু যাহ্‌ পুরিবো। ধর্মগুরুবো সেক্কে মান্যেদে সিবের্‌ দিবার্‌ খেমতাগান বুঝিনে তার্‌ দামান্‌ ঠিগ্ গুরি দিবো।

২ করিন্হীয় 8:12

যুনি কার্‌‌অ দিবার্ আওজ্ থায় সালে তার্ যিয়েন আঘে সেই ইজেবে তার্ দানুন্ গোজেনে মানি লয়, তাত্তুন্ যিয়েন নেই সেই ইজেবে নয়।

দ্বি’লম্বর বিররণ 16:10

সে পরেন্দি তমার নিজোর আওজে গোজ্যে উৎসর্বলোই তুমি তমার গোজেন লগেপ্রভুর নাঙে সাত সাপ্তার্ পরব্‌ পালন গুরিবা। তমার গোজেন লগেপ্রভু তমারে যে পরিমাণে আশিদ্‌বাদ গোজ্যে সিয়েন বুঝিনে তুমি এ উৎসর্বর জিনিস্‌ছানি দিবা।

দ্বি’লম্বর বিররণ 16:16

তমার গোজেন লগেপ্রভুর বেঈ লোইয়্যে জাগানত বজরে তিনপল্লা, অত্তাৎ সদাছাড়া পিদের পরবর্‌ সলাবোত্‌, সাত সাপ্তার্ পরবর্‌ সলাবোত্‌ আর নাদা মান্‌জ্যর-ঘরর পরবর্‌ সলাবোত্‌ তমার বেক্‌ মরদ্‌তুনে লগেপ্রভুর মুজুঙোত্‌ আঝিল্ উয়ো পুরিবো। কনজনে যেনে খালি আঢ্‌তোই লগেপ্রভুর মুজুঙোত্‌ আঝিল্ ন অয়।

দ্বি’লম্বর বিররণ 16:18

তমার গোজেন লগেপ্রভু তমারে যেদক্কানি আদাম আর শঅর দিবাত্তে যার্‌ তার পত্তিগানিত্‌ পত্তি গুট্টিত্তে তুমি বিচেরক আর কামগুরিয়্যে নেযেবা। তারা দোলেডালে মানুচ্চুনোর বিচের গুরিবাক্।