দ্বি’লম্বর বিররণ 16:14 - Chakma Bible

¹⁴ তুমি, তমার ঝি-পূঅগুনে, তমা চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, মা-বাব্ নেইয়্যে ঝি-পূঅগুনে আর রানিমিলেগুনে-তুমি বেক্কুনে এ পরপ্পোত্‌ ফুত্তি গুরিবা।

দ্বি’লম্বর বিররণ 16:14 ပူးပေါင်းရင်းမြစ်များ

ইষ্টের 9:22

ইয়েনর্‌ ভেদ্‌তান্ অলঅ, এ দ্বিবে দিনোত্‌ যিহূদীগুনে তারার্‌ শত্রুগুনোর আঢত্তুন্‌ মাব্‌ পেইয়োন আর সে মাজত্‌ তারার্‌ দুঘ্‌ আর আবিলেচ্‌ হানাগান্ মেইট্‌বান পালেইনে বুদুলি যেইয়্যে। তে তারারে লিগিলো যেনে তারা সেই দিনুনোত্‌ মেইট্‌বান আর হুজির দিন আহ্‌ একজন আরেকজনর ইদু খানা পাদেবার আর নাদামানুচ্চুনো ইদু বক্‌শিজ্‌ দিবার দিন বিলিনে পালান্‌।

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

যিশাইয় 30:29

সুদ্ধো-সাংগ পরব্ পালানা রেদো ধোক্ক্যেন্ তুমি গান গেবা। মান্‌জ্যে যেক্কে বাশিলোই লগেপ্রভুর্ মুড়োবো উগুরে উদিনে ইস্রায়েলর আশ্রয়-মুড়োবো ইদু এজন্ সেক্কে যেবাবোত্যে হুজি অন্ সেবাবোত্যেগুরি তমার্ মনানিয়ো হুজি অবঅ।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যোয়েল 1:16

আমা চোগো মুজুঙোত্ হানা আর আমা গোজেন ঘরত্তুন্ রঙ্গ-ফুত্তি কি বন্ধ ওই ন-যায়?

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

দ্বি’লম্বর বিররণ 16:15

তমার গোজেন লগেপ্রভু যে জাগায়ান বেঈ নেযেব সিয়োদোই তুমি তার নাঙে সাত দিন সং এই পরপ্পো পালন গুরিবা, কিত্যে তমার তুল্যে বেক্‌ খেদ্‌তানি আর বেক্‌ কামানিত্‌ তমার গোজেন লগেপ্রভু তমারে আশিদ্‌বাদ গুরিবো আর তমার ফুত্তিগানি পূরেব।

দ্বি’লম্বর বিররণ 26:11

তমার আর তমার গিরিবোরে তমার গোজেন লগেপ্রভু যেদক্কানি গম্‌ গম্‌ জিনিস দিইনে আশিদ্‌বাদ গোজ্যে সিয়েনি লোইনে তুমি, লেবীয়গুনে আর তমা ভিদিরে বিদেশী বাসিন্দাগুনে ফুত্তি গুরিবা।

১ থিষলনীকীয় 5:16

নিত্য হুজিয়ে থেইয়ো,