দ্বি’লম্বর বিররণ 16:13 - Chakma Bible

¹³ তমার খামার আর আংগুর মারিবার জাগানত্তুন্ বেক্কানি তুলি রাগেবার পরেন্দি সাত দিন সং তুমি নাঢা মান্‌জ্যর-ঘরর পরব্‌ পালন গুরিবা।

দ্বি’লম্বর বিররণ 16:13 ပူးပေါင်းရင်းမြစ်များ

২ বংশধর 5:3

সেক্কে সাত্‌ মাজত্‌ পরবর্‌ সময়োত্‌ ইস্রায়েলর সে বেক্‌ মানুচ্চুনে রাজা ইদু লুমিলাক্‌।

২ বংশধর 8:13

মোশির উগুম্‌ মজিম তে জিরেবার্‌ দিনোত্‌, আঙোস্যেত্‌ আর বজরর্‌ তিন্নো পরবত্‌, অত্তাৎ সদানেইয়্যে রুটির পরবত্‌, সাত-সাপ্তার পরবত্‌ আর নাদা মান্‌জ্যর-ঘরর্‌ পরবত্‌-সেই বেক্‌ দিনুনোর্‌ সুদোম মজিম উৎসর্বর অনুষ্ঠান গুরিদাক্‌।

ইষ্রা 3:4

সে পরেদি তারা বোইবোর কধামজিম্ নাঢা মান্‌‍‍জ্যর্ ঘরর্ পরব্ পালেলাক্ আর পত্তি দিনোর্ ঠিগ সংখ্যে মজিম্ পূজ্যে-উৎসর্গর অনুষ্ঠান গুরিলাক্।

যাত্রা 23:16

তুমি খেদত্‌ যিয়েনি লাগেবা সিয়েনির্ পত্তম ফসল্লোই ক্ষেত-ক্ষেত্তি কাবিবার্‌ পরপ্পো পালেবা। চাষকামর্‌ শেষ্‌ মাজত্‌ ক্ষেদত্তুন্‌ ফসল্‌ তুলিবার্‌ অক্তত্‌ তুমি ফসল তুবেবার্ পরপ্পো পালেবা।

যাত্রা 34:22

গম কাবানার্‌ অক্তত্‌ পত্তম কাপ্যে গমুন্দোই সাত সাপ্তার্‌ পরব্‌ পালন্‌ গুরিবা আর চাষ কামর শেজ মাস্‌চোত্‌ পালন্‌ গুরিবা ফসল থুবেবার্‌ পরব্‌।

যিরমিয় 40:10

মুই নিজে মিসপাত থেম্ আর যিদুক্কুন বাবিলীয় আমা ইধু এবাক্ তারা ইধু মুই তমা তপ্পে ওইনে কধা কোম্; মাত্তর্ তুমি আংগুর-রস, গরম কাল ফল আর তেল থুবেইনে তমা পিলেত্ জমা গুরিবা আর তুমি যেদক্কানি আদাম আর শঅর গজক্ গুরি নিবা সিয়েনিত্ বজত্তি গুরিবা।”

গণাণা 15:20

পৌইল্যা তুলো শোজ্যর মোয়দে গুড়ি গুরিনে সিয়েন্দোই এক্কান পিদে বানেইনে খামার-ঘরর দান ইজেবে সিয়েন উৎসর্ব গরা পুরিবো।

যোহন 7:2

সেক্কে যিহূদীগুনোর্ তাম্বুল-ঘর পরবর্ অক্‌ত প্রায় ওইয়েগি।

দ্বি’লম্বর বিররণ 31:10

তে তারারে উগুম গুরিলো, “পত্তি সাত বজরত, অত্তাৎ কজ্জ মাপ গুরিবার বজরত যেক্কে নাদা মান্‌জ্যর-ঘর পরবর্‌ অক্ত এবঅ আর বেক্‌ ইস্রায়েলীয়গুনে তমার গোজেন লগেপ্রভুর মুজুঙোত্‌ আঝিল্ অবাত্তে তার বেঈ লোইয়্যে জাগানত্‌ যেবাক সেক্কে তুমি এ রীদি-সুদোমানি তারারে পড়ে শুনেবাক্।