দ্বি’লম্বর বিররণ 16:11 - Chakma Bible

¹¹ তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

দ্বি’লম্বর বিররণ 16:11 ပူးပေါင်းရင်းမြစ်များ

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

যিশাইয় 64:5

যিগুনে গোজেনর আওজ্ মজিম কাম গুরিবাত্তে গম্ পান আর তরে ইদোত্ গুরিনে তঅ পধেদি চলন্ তারারে সাহায্য গুরিবাত্তে তুই এই থাচ্; মাত্তর্ আমি পাপ গোজ্যেই আর ভালোক্ দিন ধুরিনে সেই অবস্থাত্ আগিই বিলিনে তুই আমা উগুরে অমদক রাগ গুরি আগচ্। সালে আমি কেধোক্ক্যেন গুরি উদ্ধোর্ পেবং?

যোয়েল 1:16

আমা চোগো মুজুঙোত্ হানা আর আমা গোজেন ঘরত্তুন্ রঙ্গ-ফুত্তি কি বন্ধ ওই ন-যায়?

হবক্‌‌‌‌কূক 3:18

তো মুই লগেপ্রভুরে নিইনে ফুত্তি গুরিম, মর্ উদ্ধোর্ গুরিয়্যে গোজেনরে নিইনে হুজি ওম্।

রোমীয় 5:11

বানা সিয়েন নয়, যিবেলোই গোজেন সমারে আমি মিজেয়্যেই সেই প্রভু যীশু খ্রীষ্টর্ মাধ্যমে গোজেনরে লোইনে আমি ফুত্তি গুরির্।

২ করিন্হীয় 1:24

গিরোজ ধোক্ক্যেন গুরি আমি যে তমার্ বিশ্বেজ্ উগুরে আঢ্ দির্ সিয়েন নয়, বরং তুমি যেন হুজী অ সেনত্যে তমা সমারে কাম্ গরঙর্; কিয়া বিশ্বেজে তুমি দরমর গুরি থিয়্যেই আঘঅ।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 12:18

তমার গোজেন লগেপ্রভুর বেঈ লোইয়্যে জাগানত্‌ তা মুজুঙোত্‌ ইয়েনি তমাত্তুন্‌ খা পুরিবো। তুমি, তমার ঝি-পূঅগুন, তমার চাগর-চাগরানীগুন আর তমার আদাম্মে আর শঅরর লেবীয়গুনে সিয়েনি হেই পারিবাক্ আর তমার কামর ফলুন নেযেইনে তমার গোজেন লগেপ্রভুর মুজুঙোত্‌ ফুত্তি গুরিবা।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।

দ্বি’লম্বর বিররণ 16:10

সে পরেন্দি তমার নিজোর আওজে গোজ্যে উৎসর্বলোই তুমি তমার গোজেন লগেপ্রভুর নাঙে সাত সাপ্তার্ পরব্‌ পালন গুরিবা। তমার গোজেন লগেপ্রভু তমারে যে পরিমাণে আশিদ্‌বাদ গোজ্যে সিয়েন বুঝিনে তুমি এ উৎসর্বর জিনিস্‌ছানি দিবা।

দ্বি’লম্বর বিররণ 16:14

তুমি, তমার ঝি-পূঅগুনে, তমা চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, মা-বাব্ নেইয়্যে ঝি-পূঅগুনে আর রানিমিলেগুনে-তুমি বেক্কুনে এ পরপ্পোত্‌ ফুত্তি গুরিবা।

দ্বি’লম্বর বিররণ 26:11

তমার আর তমার গিরিবোরে তমার গোজেন লগেপ্রভু যেদক্কানি গম্‌ গম্‌ জিনিস দিইনে আশিদ্‌বাদ গোজ্যে সিয়েনি লোইনে তুমি, লেবীয়গুনে আর তমা ভিদিরে বিদেশী বাসিন্দাগুনে ফুত্তি গুরিবা।

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।