দ্বি’লম্বর বিররণ 16:10 - Chakma Bible

¹⁰ সে পরেন্দি তমার নিজোর আওজে গোজ্যে উৎসর্বলোই তুমি তমার গোজেন লগেপ্রভুর নাঙে সাত সাপ্তার্ পরব্‌ পালন গুরিবা। তমার গোজেন লগেপ্রভু তমারে যে পরিমাণে আশিদ্‌বাদ গোজ্যে সিয়েন বুঝিনে তুমি এ উৎসর্বর জিনিস্‌ছানি দিবা।

দ্বি’লম্বর বিররণ 16:10 ပူးပေါင်းရင်းမြစ်များ

১ বংশধর 29:14

“মাত্তর্‌ ও প্রভু, মুই কন্না বা মর্‌ মানুচ্চুনে বা কন্না, আমি ইঙিরিনে হুজি ওইনে দান গুরি পারিই? বেক্কানি দঅ তত্তুন্‌ এজে। তঅ আদত্তুন্‌ যিয়েনি পেইয়োং মুই বানা তরে সিয়েনি দুয়োঙ্‌।

২ বংশধর 31:14

মানুচ্চুনোরে নিজোর্‌ আওজে গরানা উৎসর্বর জিনিজোর্‌ ভারান্‌ এলদে পূগেন্দি গেদোর্‌ চুগিদার্‌-লেবীয় যিম্নার পুয়ো কোরির উগুরে। লগেপ্রভুরে দিয়্যে বেক্‌ বক্‌শিজ্‌ছানি আর দাঙর্‌ সুদ্ধো-সাংগ জিনিস্‌ছানি ভাগ গুরি দিবার্‌ ভারান্‌অ এলদে তা উগুরে।

যাত্রা 35:29

মোশিরে দিইনে লগেপ্রভু যিয়েনি গুরিবার্‌ উগুম্‌ দিয়্যে সেই বেক্‌ কামানি গুরিবাত্তেই ইস্রায়েলীয় মিলেগুনে আর মরত্তুনো ভিদিরেত্তুন্‌ যিগুনোর্‌ আওজ অলঅ‌ তারা লগেপ্রভুরে দিবাত্তে যিবের্‌ যেধোক্ক্যেন হুজি লোই আনিলাক্‌।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

যোয়েল 2:14

কন্না হবর্ পায়, অয়ত তে আরঅ মনান্ বুদুলিবো আর বর্ দি যেবঅ, যেনে তুমি তমার্ গোজেন লগেপ্রভুর নাঙে শোজ্য আর পানীয়-উৎসর্বর্ অনুষ্ঠান গুরি পার।

লেবীয় 12:8

উৎসর্বত্তে যুনি তে ভেড়া ছঅ আনি ন-পারে ছালে তাত্তুন্‌ দ্বিবে কঅ‌ ন-অলে দ্বিবে কোদোর্‌ আনা পুরিবো। সিগুনো ভিদিরে এক্কো অবঅ পুজ্যে-উৎসর্বত্তে আর এক্কো অবঅ পাপ-উৎসর্বত্তে। এবাবোত্যেগুরি ধর্মগুরুবো তার্‌ ফিবলাগান্‌ ঢাগি দিবো আর তে শুদ্ধো-সাংগ অবঅ।

লেবীয় 23:15

জিরেবার দিন্নোর্‌ পরেদি দিনোত্‌, অত্তাৎ যেদিন্যে তুমি দুলেয়ে-উৎসর্বত্তে শোজ্যর্‌ বনাগুন্ আনিবা, সে দিন্যেত্তুন্‌ ধুরি গুণিনে পর পর সাত সাপ্তা বাদ দিয়্যে পুরিবো।

লেবীয় 25:26

তার্‌ ওইনে সিয়েন্‌ ছাড়েই নেযেবার্ ধোক্ক্যেন কনজন ন-থেলেয়ো যুনি নিজেই নিজোর্‌ অবস্থা ভালেদি গুরিনে সিয়েন্‌ ছাড়েই নেযেই পারে,

লেবীয় 5:7

যুনি তে পাদি ভেড়াছাগল-ছঅ‌ আনি ন-পারে, ছালে তার্‌ সে অন্যেয়র্‌ জরিবানা ইজেবে লগেপ্রভুর্ নাঙে তাত্তুন্‌ দ্বিবে কঅ‌ ন-অলে দ্বিবে কোদোর্‌ আনা পুরিবো। সিগুনো ভিদিরে এক্কো অবঅ পাপ-উৎসর্বত্তে আর অন্যবো পুজ্যে-উৎসর্বত্তে।

গণাণা 28:26

সাত সাপ্তার্ পরবর্‌ দিনোত্‌, অত্তাৎ পত্তমে তুল্যে ফসলর্ উৎসর্ব গুরিবার্‌ দিন্নোত্‌ যেক্কে তুমি লগেপ্রভুর্ নাঙে নূয়ো ফসল উৎসর্ব গুরিবা সেদিন্যে তমার্‌ এক্কো পবিত্র মিলন-সভা গরা পুরিবো আর সেদিন্যে তমার্‌ কনঅ দুঘোর্‌ কাম্‌ গরানা ন-চলিবো।

গণাণা 31:28

সেই বেক্‌ সৈন্যগুনোর ভাগত্‌ যিদুক্কুন্‌ মানুচ্‌, গোরু, গাধা, ভেড়াছাগল আর ছাগল পরিবাক্ তার্‌ পত্তি পাঁচশতত্তুন্‌ এক্কো গুরি লগেপ্রভুর খাজানা ইজেবে ফারগ্ গুরি রাগা পুরিবো।

১ করিন্হীয় 16:2

তুমি বেক্কুনে তমার্ আয় মজিম্ সাপ্তার্ পত্তম দিনোত্ কিজু তুলিনে থুবো, যেন মুই লুমিলে পরেদি চান্দা তুলো ন-পরে।

২ করিন্হীয় 8:10

তমার্ পক্ষে যিয়েন গম্ সে পৌইদ্যেনে মুই মর্ মতামত্‌‌তান্ জানাঙর্। তুমি গেলদে বজর্ এ চান্দাগুন্ তুলিবাত্যে আরাম্ভ গোজ্জ্য আর সে কামত্ ভারী আওজ্ দেগেয়ো।

২ করিন্হীয় 8:12

যুনি কার্‌‌অ দিবার্ আওজ্ থায় সালে তার্ যিয়েন আঘে সেই ইজেবে তার্ দানুন্ গোজেনে মানি লয়, তাত্তুন্ যিয়েন নেই সেই ইজেবে নয়।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

দ্বি’লম্বর বিররণ 16:9

ভূইয়োর্‌ খেত্-খেত্তি কাবানা আরাম্ভত্তুন ধুরি তুমি গুণি গুণি সাত সাপ্তাহ্‌ বাদ দিবা।