দ্বি’লম্বর বিররণ 15:2 - Chakma Bible

² এই সুুদোমে সিগুন মাপ গরা পুরিবো: পত্তি ইস্রায়েলীয় পাওনাদার অন্য ইস্রায়েলীয়গুনোরে দিয়্যে বেক্‌ কজ্জগুন্‌ মাপ গুরি দিবা। কজ্জ মাপ গুরি দিবাত্তে লগেপ্রভু যে সময়ান ঠিগ্ গুরি দিয়্যে সিয়েন ফগদাং গরা ওইয়্যে বিলিনে কনঅ ইস্রায়েলীয় ভেইয়ুনোত্তুন্‌ কজ্জ সুজোনার দাবি গরানা ন চলিবো।

দ্বি’লম্বর বিররণ 15:2 ပူးပေါင်းရင်းမြစ်များ

নহিমিয় 10:31

জিরেবার্‌ দিনোত্‌ বা অন্য কনঅ পবিত্র দিনোত্‌ যুনি কায়-কুরে জাদর্‌ মানুচ্চুনে কনঅ পযাপিরা বা শোজ্য বিজিবাত্তে লোই এজন্‌ সালে তারাত্তুন্‌ আমি সিয়েনি ন-কিনিবোং। পত্তি সাত্‌ মাজত্‌ আমি ভূইয়ো চাষ্‌ ন-গুরিবোং আর বেক্‌ কজ্জগুন্‌ মাপ্‌ গুরি দিবোং।

যিশাইয় 58:3

তারা কন্, আমি উবোস্ থেইয়্যেই আর তুই সিয়েন ন-চেলে কিত্তে? আমি দুঘ্ স্বিগের্ গোজ্যেই আর তুই সিয়েন খিয়েল্ ন-গুরিলে কিত্তে? মাত্তর্ চঅ, তমা উবোস্ থেবার দিন্নোত্ তুমি দঅ নিজোরে বুঝেই রাগঅ, আর তমার বেক্ কামগুরিয়্যেগুনো উগুরে অত্যেচার গুরি থাগঅ।

মথি লেখ্যে গম্ হবর্ 6:12

যিগুনে আমা উগুরে অন্যেয় গরন্, আমি যেধোক্ক্যেন্ তারারে খেমা গোজ্যেই সেধোক্ক্যেন্ তুইয়ো আমার বেক্ অন্যেয়ানি খেমা গর্।

লূকে লেখ্যে গম্ হবর্ 7:42

তারার্ কারত্তুন্ কজ্জ সুজিবার্ খেমতা ন-এলঅ বিলি তে দোয়্যে গুরি দিজনরে খেমা গুরিলো। সালে কধে চাং, তারা দ্বিজনত্তুন্ কন্না সেই মাজন্নোরে বেশ্ কোচ্‌পেবঅ?”

দ্বি’লম্বর বিররণ 15:1

পত্তি সাত বজরর শেজত্‌ অন্যগুনোত্তুন্‌ তমার পাওনা বেক্কুন মাপ গুরি দিবা।

দ্বি’লম্বর বিররণ 15:3

অন্য জাদর মানুচ্চুনোত্তুন্‌ কজ্জ সুজোনার দাবি গুরি পারিবো, মাত্তর্‌ তমার ভেইয়ুনোর কজ্জ তমাত্তুন মাপ গুরি দিয়্যে পুরিবো।

দ্বি’লম্বর বিররণ 31:10

তে তারারে উগুম গুরিলো, “পত্তি সাত বজরত, অত্তাৎ কজ্জ মাপ গুরিবার বজরত যেক্কে নাদা মান্‌জ্যর-ঘর পরবর্‌ অক্ত এবঅ আর বেক্‌ ইস্রায়েলীয়গুনে তমার গোজেন লগেপ্রভুর মুজুঙোত্‌ আঝিল্ অবাত্তে তার বেঈ লোইয়্যে জাগানত্‌ যেবাক সেক্কে তুমি এ রীদি-সুদোমানি তারারে পড়ে শুনেবাক্।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।