Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




দ্বি’লম্বর বিররণ 15:19 - Chakma Bible

19 তমাত্তুন গোরু-ভেড়া আর ছাগলর পত্তি পত্তম য়েমান ছঅগুন তমার গোজেন লগেপ্রভুর নাঙে যুদো গুরি রাগেবা। তমার গোরুগুনোর পত্তম ছঅ্‌বুয়ো কামত্‌ ন লাগেবা আর ছাগল আর ভেড়ার পত্তম ছঅবুয়োর কেশ্‌চানি ন কাবিবা।

အခန်းကိုကြည့်ပါ။ ကော်ပီ




দ্বি’লম্বর বিররণ 15:19
18 ပူးပေါင်းရင်းမြစ်များ  

সেক্কে তুমিয়ো তমার্‌ পত্তি ঘরর্‌ পত্তম মরদ পূয়োবোরে লগেপ্রভুর্‌ নাঙে দিবা। য়েমানর্‌ পত্তি পৌইল্যা চেলা ছবুয়ো লগেপ্রভুর্।


“ইস্রায়েলীয়গুনো ভিদিরেত্তুন্ পত্তি ঘরর্‌ পত্তম মরদ পূয়োবোরে মর্‌ নাঙে যুদো গরঅ, সিবে মান্‌জ্যর্‌ ওক্‌ বা য়েমানর্‌ ওক্‌। পত্তি ঘরর্‌ পত্তম মরদ পূয়োবো মর্‌।”


তমার্‌ ক্ষেত-ক্ষেত্তিত্তুন্‌ আর আংগুর-রজত্তুন্‌ মরে যিয়েনি দিবার্‌ সিয়েনি দেদে দেরি ন-গোজ্য। তমার পত্তম পূঅবো মরে দিয়্যে পুরিবো।


তমার গোরু আর ভেড়াছাগলুনোর্ বেলাইয়ো সিয়েন্‌ গুরিবা। সাত দিন্‌ সং তারার ছঅ‌গুন্‌ মা-বো ইদু থেবাক্, সে পরেদি আস্‌তো দিনোত্‌ সিগুন্‌ মরে দিয়্যে পুরিবো।


“পেদঅ ভিদিরে পত্তি পত্তম মরদ পূঅগুন মর্‌। এমন্‌ কি, তমার বেক্‌ য়েমানপালুনোর্‌ পত্তি চেলা ছগুনো মর্‌।”


কনঅ য়েমানর্‌ পত্তম চেলা ছঅবো কনজনে লগেপ্রভুর নাঙে যুদো গুরি রাগেই ন-পারিবো, কিত্যে বেক্‌ য়েমানর্‌ পত্তম ছঅগুন্‌ লগেপ্রভুর। ছঅবো গোরুর ওক্‌ বা ভেড়ার ওক্ সিবে লগেপ্রভুর।


লগেপ্রভু ইদু ইস্রায়েলীয়গুনোর উৎসর্ব গোজ্যে পত্তিঘরর পত্তম মরদ পূঅবো তর্‌ অবঅ-তে মান্‌জ্যর ওক্‌ বা য়েমানর ওক্‌। মান্‌জ্যর পত্তম মরদ পূঅবোরে তুই হামাক্কায় উদ্ধোর্ গুরিবে আর অসিজি য়েমানর পত্তম চেলা ছঅবোরেয়ো তুই উদ্ধোর্ গুরিবে।


মাত্তর্‌ পত্তম জোর্মেয়ে এধোক্ক্যেন চেলা ছঅ বা ভেড়াছাগলর বা ছাগলর পাদা ছঅ ছাড়েই নেযানা ন- চলিবো। ইগুন্‌ সুদ্ধো-সাংগ। তুই পূজোবো উগুরে সিগুনোর লোনি ছিদি দিবে আর আগুন্দোই-গোজ্যে উৎসর্ব ইজেবে তারার তেলানি পুড়ি ফেলেবে। ইয়েনর তুম্বাজে লগেপ্রভু খুজি অয়।


কিত্যে ইস্রায়েলীয়গুনোর্‌ বেগঅ পত্তম পূঅবো মর্‌। মিসর দেজর্‌ পত্তম পূঅগুনোরে মারে ফেলেবার্‌ সময় মুই ইস্রায়েলীয়গুনো ভিদিরে পত্তম মরদ্‌ পূঅবোরে মত্তে যুদো গুরি রাগেয়োং-তে মানজ্যর্‌ ওক্‌ বা য়েমানর্‌ ওক্‌। তারা মর্‌; মুই লগেপ্রভুর্।”


গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।


সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।


ইয়েন বাদে তমার শোজ্য, নূয়ো আংগুর-রস আর তেলর দশ ভাগর এক ভাগ, গোরু-ছাগল-ভেড়ার পত্তম ছঅবুয়ো, তমার্‌ মান্যা জিনিসছানি, তমার্‌ নিজোর আওজে গোজ্যে কনঅ উৎসর্ব আর বিশেষ দান তমার নিজোর আদাম্মে বা শঅর ভিদিরে হেই ন-পারিবা।


তমা গোজেন লগেপ্রভুরে যেনে তুমি ভোক্তি গুরিবাত্তে শিগো সেনত্যে তমার শোজ্য, নুয়ো আংগুরো-রস আর তেলর দশ ভাগর এক ভাগ আর তমা পালর গোরু-ভেড়া-ছাগলর পত্তম ছঅবোর্‌ য়েরাগান তমার গোজেন লগেপ্রভুর মুজুঙোত্‌ তমাত্তুন্‌ এনজান্‌ জাগাত খা পুরিবো যে জাগাগানত তে নিজোরে ফগদাং গুরিবাত্তে তার থেবার জাগা ইজেবে বেঈ নেযেব।


চাগর বা চাগরানীবোরে উদ্ধোর্ গুরি দেনাগান তুমি কনঅ দুগোর্‌ বেপার বিলিনে মনে ন গোজ্য, কিয়া এ ছয় বজর সং তে তমাত্যে যে কামানি গোজ্যে তার দামান্‌ দ্বিজন মান্‌জ্যর কামর্‌ সমান। তারারে উদ্ধোর গুরি দিলে তমা গোজেন লগেপ্রভু তমারে বেক্কানিত আশিদ্‌বাদ গুরিবো।


তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।


তুমি, তমার ঝি-পূঅগুনে, তমা চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, মা-বাব্ নেইয়্যে ঝি-পূঅগুনে আর রানিমিলেগুনে-তুমি বেক্কুনে এ পরপ্পোত্‌ ফুত্তি গুরিবা।


পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ