দ্বি’লম্বর বিররণ 15:15 - Chakma Bible

¹⁵ মনত্‌ রাগেয়ো, মিসর দেজত্‌ তুমিয়ো চাগর এলা আর তমার গোজেন লগেপ্রভু তমারে উদ্ধোর গোজ্যে। সেনত্যে এচ্চ্যে মুই তমারে এ উগুমান দুয়োঙর্।

দ্বি’লম্বর বিররণ 15:15 ပူးပေါင်းရင်းမြစ်များ

২ শমূয়েল 7:23

তর্ ইস্রায়েল জাদঅ ধোক্ক্যেন্‌ পিত্তিমীত্‌ আর কন জাত আঘে যিবেরে তুই তর্‌ নিজো মানুচ্‌ বানেবাত্তে আর নিজোরে নাঙ্ গিনিবার অাশাই উদ্ধোর্‌ গুরিবাত্তে যেইয়োচ্‌? আর কন জাদ্‌অ মুজুঙোত্‌ তুই নিজোর্‌ নাঙে তঅ দেজত্তে মহৎ আর দর্‌গরেপারা কাম্‌ গোজ্যস, যেধোক্ক্যান তঅ মানুচ্চুনোত্তে গোজ্যস্‌ যিগুনোরে তুই মিসর দেজত্তুন্‌ নানান্‌ জাদ্ আর দেব-দেবেদাগুনোর আঢত্তুন্‌ উদ্ধোর্ গোজ্যস্‌?

যাত্রা 20:2

ও ইস্রায়েলীয়গুন্‌, মুই লগেপ্রভু তমার্ গোজেন। মিসর্‌ দেজর্‌ চাগর্‌ খাদানাত্তুন্‌ মুয়ই তমারে নিগিলেই আন্যং।

যিশাইয় 51:1

লগেপ্রভু কত্তে, তুমি যিগুনে গমেডালে চলিবাত্তে চঅ আর মঅ আওজ্‌মজিম চলিবার চেট্ট্যা গরর্, তুমি শুনো। যে পাত্তর্‌বোত্তুন্ তমারে কাবি নেযা ওইয়্যে আর যে গাদ্‌তোত্তুন্ তমারে খুড়িনে তুলো ওইয়্যে সিবে ইন্দি রিনি চঅ।‍‌‌‍‌‍‌‌‍‌‍‌

যিরমিয় 16:14

লগেপ্রভু কোইয়্যেদে, এমন দিন এজের্ যেক্কে মানুচ্চুনে আর্ ন-কবাক্, যিবে ইস্রায়েলীয়গুনোরে মিসর দেজত্তুন্ নিগিলেই আন্যে সেই জেদা লগেপ্রভুর নাঙে,

ইফিষীয় 1:7

গোজেনর্ দোয়্যে অনুসারে খ্রীষ্ট লগে মিজেইনে তার্ লোগান্দোই আমি খেমা পেইয়্যেই, অত্তাৎ পাপর্ খেমা পেইয়্যেই।

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।

দ্বি’লম্বর বিররণ 15:14

তুমি তারে খুলো মন্দোই তমা পালত্তুন ছাগল আর ভেড়া, খামারত্তুন শোজ্য আর আংগুর মারেদে জাগাত্তুন্‌ আংগুরো-রস দিবা। তমার গোজেন লগেপ্রভু তমারে যে ইজেবে আশিদ্‌বাদ গোজ্যে তুমিয়ো সে ইজেবে তারে দিবা।

দ্বি’লম্বর বিররণ 15:16

মাত্তর্‌ তমার আর তমার পরিবারর মানুচ্চুনো উগুরে কোচ্‌পানার কারণে আর তমা ইদু সুগে আঘে বিলিনে যুনি সে চাগরবো কয়, তে তমারে ছাড়িনে ন যেবঅ,

দ্বি’লম্বর বিররণ 16:12

মিসর দেজত্‌ তুমিয়ো যে চাগর্‌ এলা সে কধাগান মনত্‌ রাগেয়ো তুমি এই বেক্‌ সুদোমানি দোলেডালে পালেবা।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

১ যোহন 3:16

খ্রীষ্ট আমাত্যে নিজোর পরাণান্ দিয়্যে, সেনত্যে কোচ্‌পানা কি সিয়েন আমি কোই পাজ্জ্যেই। সালে ভেইয়ুনোত্যে নিজোর পরাণান্ দেনা আমার্‌অ উচিত।