দ্বি’লম্বর বিররণ 15:14 - Chakma Bible

¹⁴ তুমি তারে খুলো মন্দোই তমা পালত্তুন ছাগল আর ভেড়া, খামারত্তুন শোজ্য আর আংগুর মারেদে জাগাত্তুন্‌ আংগুরো-রস দিবা। তমার গোজেন লগেপ্রভু তমারে যে ইজেবে আশিদ্‌বাদ গোজ্যে তুমিয়ো সে ইজেবে তারে দিবা।

দ্বি’লম্বর বিররণ 15:14 ပူးပေါင်းရင်းမြစ်များ

নহিমিয় 8:10

নহিমিয় কলদে, “তুমি যেইনে গম্‌ গম্‌ হানা আর মিষ্টি রস্‌ খঅ আর যিগুনোর্‌ কনঅ হেবার্‌ নেই তারারে কিজু কিজু পাধেই দুয়ো। এচ্ছ্যে দিন্নো অলদে আমা লগেপ্রভুর নাঙে পবিত্র। তুমি মনত্‌ দুঘ্ ন-আন্য, কিত্যে লগেপ্রভুর দিয়্যে হুজিগান্‌ অলদে তমার্‌ বল্‌।”

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গীতসংহিতা 68:10

তঅ নিজোর মানুচ্চুনে সিদু বজত্তি গুরিবার জাগা গোজ্যন্; তর্ ভালেদির আজায়, ও গোজেন, তুই তারার্ অভাব মিলেই দুয়োচ্।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

১ করিন্হীয় 16:2

তুমি বেক্কুনে তমার্ আয় মজিম্ সাপ্তার্ পত্তম দিনোত্ কিজু তুলিনে থুবো, যেন মুই লুমিলে পরেদি চান্দা তুলো ন-পরে।

দ্বি’লম্বর বিররণ 15:13

ছাড়ি দিবার সলাবোত্‌ তারে সুদো আদে বিদেয় ন গুরিবা।

দ্বি’লম্বর বিররণ 15:15

মনত্‌ রাগেয়ো, মিসর দেজত্‌ তুমিয়ো চাগর এলা আর তমার গোজেন লগেপ্রভু তমারে উদ্ধোর গোজ্যে। সেনত্যে এচ্চ্যে মুই তমারে এ উগুমান দুয়োঙর্।