দ্বি’লম্বর বিররণ 15:13 - Chakma Bible

¹³ ছাড়ি দিবার সলাবোত্‌ তারে সুদো আদে বিদেয় ন গুরিবা।

দ্বি’লম্বর বিররণ 15:13 ပူးပေါင်းရင်းမြစ်များ

পত্থম 31:42

মর্‌ বাবর্‌ গোজেন, যিবে অব্রাহামর গোজেন আর ইস্‌হাকর্‌ ভক্তির গোজেন, তে যুদি মর্‌ লগে ন-থেদঅ সালে হামাক্কায়্‌ তুই‌ ইক্কিনে মরে সুদো আদে বিদেয়্‌ গুরিদে। গোজেনে মর্‌ দুঘ্ আর দুঘোত্ কাম্‌গরানাগানি দেক্ক্যে। সেনত্তে তে গেল্যে রেদোত্‌ ইয়েনর্‌ দোল-বিচের্‌ গোজ্যে।”

যাত্রা 3:21

ইস্রায়েলীয়গুনো উগুরে মিসরীয়গুনোর্‌ মনত্‌ মুই এন্‌ এক্কান্‌ মেইয়্যের্‌ মনভাব গুরি দিম্‌ যেনে মিসরত্তুন্‌ নিগিলি যেবার সময় তমারে সুদোআঢে যাহ্ ন-পড়ে।

যিরমিয় 22:13

লগেপ্রভু কোইয়্যেদে, “অভিশাব্ পোড়োক্ তার, যে মানুচ্চো তা ঘরান ভান্ন্যেই টেঙালোই বানায় আর অবিচের দিইনে তা উগুরে তলার ঘুদিগুন বানায়। অভিশাব্ পোড়োক্ তার, যে মানুচ্চো মাগানা তা দেজ মানুচ্চুনোরে খাদায় আর তারার কামর্ বেতন ন-দে।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

দ্বি’লম্বর বিররণ 15:12

যুনি কনঅ ইব্রীয় মরদ বা মিলেরে তমা ইদু বিজি দিয়্যে অয়, সালে ছয় বজর তমা কাম্‌ গরানার পরেন্দি সাত বজরত্‌ তারে হামাক্কায় তমাত্তুন্‌ ইরি দিয়্যে পুরিবো।

দ্বি’লম্বর বিররণ 15:14

তুমি তারে খুলো মন্দোই তমা পালত্তুন ছাগল আর ভেড়া, খামারত্তুন শোজ্য আর আংগুর মারেদে জাগাত্তুন্‌ আংগুরো-রস দিবা। তমার গোজেন লগেপ্রভু তমারে যে ইজেবে আশিদ্‌বাদ গোজ্যে তুমিয়ো সে ইজেবে তারে দিবা।

কলসীয় 4:1

গিরোজ্‌চুন্, স্বর্গত্ তমার্‌অ এক্কো গিরোজ্ আঘে জানিনে তুমি তমার চাগরুনো লগে গম্ আর ন্যায় বেবহার গরঅ।