3 তুমি কনঅ ঘিনাইদে জিনিস ন-হেবা।
তুই গম্ য়েমানুনোর পত্তি জাদ ভিদিরেত্তুন্ ফাদি-চেলা মিজেইনে সাত জোড়া গুরি তঅ সমারে নেযেবে, আর অসিজি য়েমান ভিদিরেত্তুনঅ মিলে-মরদ মিজেইনে এক জোড়া গুরি নেযেবে।
তারা গোর জাগানত্ বজন্ আর গুমুরো জাগানত্ রেদ্ কাদান; তারা শুগুরো য়েরা হান্ আর তারার পিলেগুনোত্ অসিজি য়েরার্ ঝুল্ থায়।
সেক্কে মুই কলুং, “ও প্রভু লগেপ্রভু, এবাবোত্যে ন-ওক্। মুই কনদিন্অ অসিজি ন-অং। চিগনত্তুন্ ধুরি এজ সং মুই মরা বা ঝার্বো য়েমান মারে ফেলেয়্যে কনঅ কিজু ন-হাং। কনঅ অসিজি য়েরা মঅ মুয়োদি কনদিন্অ ন-সমে।”
সিগুনোর্ কনবোলোই তুমি নিজোরে ঈচ্ গরে পারা ন-অবা। তুমি সিগুন্দোই নিজোরে ফিবলা ন গুরিবা অথবা সিগুনোরে তমার্ ফিবলা গুরিবাত্তে ন-দিবা।
সেনত্তে য়েমান আর পেগো ভিদিরে কুবো সুদ্ধো-সাংগ আর কুবো ফি-বলা সিয়েনি বুঝিনে তমাত্তুন্ চলা পুরিবো। যিদুক্কুন্ য়েমান-পেখ্ বা মাদি উগুরে ঘুরি বেড়ান্দে চিগোন্-চাগোন্ প্রাণী তমাত্তে মুই ফি-বলা বিলি ফারগ্ গুরি দুয়োং, সিগুনোর্ কনবোলোই যেন তুমি নিজোরে ঘিনাইদে মানুচ্ ইজেবে ন-অ।
প্রভু যীশু সমারে মিজেয়োং বিলিনে মুই গমেডালে কোই পারং যে, আজলে কনঅ হানা অসিজি নয়, মাত্তর্ কেঅ যুনি কনঅ হানাগানরে অসিজি মনে গরে সালে সিয়েন তা ইধু অসিজি।
মাত্তর্ যুনি কেঅ তমারে কয়, ইয়েন মূত্তিবো ইধু উৎসর্ব গরা ওইয়্যে, সালে যে সিয়েন কোইয়্যে তাত্যে আর বিবেগত্যে সিয়েন ন-হেইয়ো।
যিগুনোর্ মনানি সিজি তারা ইধু বেক্কানি সিজি, মাত্তর্ যিগুনোর্ মনানি কুজুরো আর যিগুনে অবিশ্বেজি তারা ইধু কিচ্চু সিজি নয়; এন্ কি, তারার্ মনানি আর বিবেক্কান্অ কুজুরো।
