দ্বি’লম্বর বিররণ 14:27 - Chakma Bible

²⁷ যে লেবীয়গুনে তমার আদাম বা শঅরত্‌ বজত্তি গত্তন্‌ তারার কধানি তুমি ভুলি ন যেয়ো, কিত্যে নিজোর বিলিনে তারার কনঅ জাগা-জোবিন্ বা সোম্বোত্তি নেই।

দ্বি’লম্বর বিররণ 14:27 ပူးပေါင်းရင်းမြစ်များ

গণাণা 18:20

ইয়েনর্ পরেদি লগেপ্রভু হারোণরে কলঅ, ইস্রায়েলীয়গুনোর দেজত্‌ তুই কনঅ সোম্বোত্তির গিরোজ্ ন অবে আর ভুই-জোবিনোর্‌ কন ভাগঅ তুই ন পেবে। ইস্রায়েলীয়গুনো ভিদিরে মুয়ই তর্‌ পাওনা ভাগ, মুয়ই তর্‌ সোম্বোত্তি।

গালাতীয় 6:6

যিবেরে গোজেনর্ কধা শিক্ষ্যে দিয়্যে অয় তে যেন তা মাষ্টরবোরে তার্ বেক্‌ গম জিনিস্‌চানির্ ভাগ্ দে।

দ্বি’লম্বর বিররণ 10:9

সেনত্যেই লেবীয়গুনে তারার্‌ ইস্রায়েলীয় ভেইয়ুনো ভিদিরে সোম্বোত্তির্‌ কনঅ ভাগ বা অধিকার্‌ ন-পান; তমা গোজেন লগেপ্রভুর কধা মজিম লগেপ্রভুই তারার্‌ সোম্বোত্তি।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 14:29

সেক্কে লেবীয়গুনে, যিগুনোর নিজোর বিলিনে কনঅ জাগা-জোবিন্ বা সোম্বোত্তি নেই আর সে জাগার বিদেশীগুনে, রানীমিলেগুনে আর মা-বাপ নেইয়্যে ঝি-পূঅগুনে ঈল্‌ অয় সং হেই পেবাক। সেক্কে তমার বেক্‌ কামানিত্‌ তমার গোজেন লগেপ্রভু তমারে আশিদবাদ গুরিবো।

দ্বি’লম্বর বিররণ 18:12

এদক্কানি কাম্‌ যে গরে লগেপ্রভু তারে জঘন্য বিলিনে মনে গরে। এই বেক্‌ জঘন্য কামানিত্তে তমার গোজেন লগেপ্রভু সেই বেক্‌ জাদ্‌তুনোরে তমা মুজুঙোত্তুন ধাবেই দিবো।

১ তীমথিয় 5:17

মন্ডলীর যে আজল্ নেতাগুনে গমেডালে মন্ডলীর পরিচালনা গরন্, বিশেষ গুরি যিগুনে গোজেনর্ কধা প্রচার আর শিক্ষ্যে দান গুরিবাত্যে কাম গরন্, তারার্ পাওনা দ্বিগুন অনা উচিত।